المساعد الشخصي الرقمي

مشاهدة النسخة كاملة : لغز يا اهل اللغز

أبو تركي
02-04-2005, 01:23 PM
سلام الله عليكم

ذي اول مشاركه لي بذا المنتدى الرائع واتمنى انها تكون

مشاركة ممتعه ومفيده لي ولكم

ونبديها بالغز ذا وننطر حله :)


ياويش بنتٍ تركب الرجال = يولفها لاجاته وهي ولفته

ولاهوب اسنافي ٍ على أية حال = ألا ليا جات وركبته
والنيه صافيه يا الربع :)

ننتظر الحل
العنيد
02-04-2005, 01:30 PM
مرحباااااااااااااا والله ومصافحه اولى قويه صرااااااااااااحه يا بو تركي....

انا صراحه ما عندي ذاك الذكااااااء الخارق في حل الالغاااااااااز لكن عل وعسى وياليت وحبذا وكان واخواتها يكون ذا هو حل اللغز......السيــــــــــــــــاره <<<<<ههههههههههه هاه صح ولا لاء؟؟

ان كانت اجابتي صح فنشهد اني ذيب ........وان كانت غلط فنشهد اني ذيب وولد ذيااااااابه ههههههههههه<<<<ولا تنسااااااااني من الجاااااااايزه يا بطل
أميرة نجد
02-04-2005, 01:39 PM
مرحبا والله باخوي ابو تركي هلا والله فيك في منتدى العجمان
الله يحفظهم
هم انا مثل العنيد ما اعرف الشعر بس اتوقع انها الفرس
وسلام
العنيد
02-04-2005, 01:44 PM
بو تركي هههههههههههه ارد مره ثاااااااااااااااااااانيه ...نشدت جدي ويقول انها الفرررررررررس سبقتني فيها ذي الاميره النجداااااااااااويه الله يرجها بالعافيه هههههههههههههه

الفرس الفرس الفرس الفرس
فهد بن محسن
02-04-2005, 06:51 PM
الاخ \ ابو تركي

تشكر على كتابة اللغز يالسنافي

تحياتي لك ,,, وننتظر الحل
فزاع
10-04-2005, 09:46 PM
ارحب يا بوتركي ويا مرحبا بك معنا يالاجودي


والله ان عندي رمعه والله يسهل كان ماهو العقال ؟؟

تسلم على اللغز الطريف :).
أبو تركي
11-04-2005, 09:18 AM
العنيد
أميرة نجد
فهد بن محسن
فزاع

شاكر لكم مروركم الجميل والمحاولات الجيده لكن للأسف ماوصلتوا للحل

حاولوا تفسرونه شي مؤنث يركب بشي مذكر (( سهلناه لكم ))

رمعات جيده الى الامام:)
فزاع
11-04-2005, 09:43 AM
سماويات على كيفك :)

اجل يكون شارب الرجال ؟؟
أبو تركي
13-04-2005, 11:13 AM
سماويه يا فزاع

حاول تفسرها :p

شكراً على الجهد :p
العنيد
13-04-2005, 11:18 AM
ابو تركي الله يرجك في خلاط الموليـــــــــنكس كل ذا الحوووووووووووسه وتطلع اجابتي خطأ....

شف وانا خيك ابيك بكلمة رااااااااااااس..بس مهوب هنيا لا
ههههههههه ع الخاص..

بارك الله فيك
فزاع
13-04-2005, 01:33 PM
جننتنا يابو تركي خليت خلاط العنيد يشتغل :)

وانا عندي رمعة جديده وش رايك بالرصاصه والبندق

لا تقول لي ما حولك ديره ذا المره كني عميتها:):)
الرعب
15-04-2005, 04:43 PM
يمكن تكون الحقنـة للإبـرة

او الحبــر للقلــم

تسسسسسلم على اللغــز
أبو تركي
19-04-2005, 09:51 AM
فزاع
الرعب

لاهنتوا على الجهد بس ماحولكم احد :p

الى الأمام :)

تحياتي
فزاع
19-04-2005, 09:58 AM
رمعه جديده يا ابو تركي واذا جات سماويه سهلها علينا الله يسهل عليك
أنا اقول البنت هي بطاقة البنك و الرجال هو الجهاز حق الصراف الآلي :)

وقدااااااام يا ابو تركي
أبو تركي
20-04-2005, 10:23 AM
فزاع انت تفكر بالطريق السليم







لكن ماوصلت للحل :p

عشان كذا بقولكم من يشتري اللغز ؟؟؟

وباب المحاوله مفتوح :)

اقدر احله لكم بس ابيكم تنشطون التفكير معي :p

تحياتي للجهود
شميسان
20-04-2005, 10:50 AM
امحــق رجّــال

مــا يغدي رجّــال الا اذا اركبته؟؟؟؟؟

اشهد ان القيــامه قربت.
الرعب
21-04-2005, 03:30 AM
ابــو تــركـــي

يالله ان تحييـــه ...

وصـــــــح لســانـــــــــك ...

يالغـالــــــي وش رايــك بالصـامـولة والـمـسـمــار:)

هـي رمعــة صـابــت وإلا خـابــت ....

تحـيـــاتـــــي
أبو تركي
11-05-2005, 01:43 PM
لاهنتوا على المحاولات الجيده

ارد واقول محد قرب منها

فيه احد يشتري ولا بحله لكم

تحياتي
فزاع
14-05-2005, 07:48 AM
ابو تركي والله اني عجزت بس عندي رمعة في الرمق الأخير

البنت هي مكينة الموتر والرجال هو الموتر :) مشها عاد يابوتركي :)
السنافي
23-05-2005, 01:36 PM
ابو تركي وينك طال عمرك