المساعد الشخصي الرقمي

مشاهدة النسخة كاملة : مرثية : بالفارس وشيخ على بن حسن ال حشه

الهتلانى
31-03-2005, 06:34 PM
البارحه دمعى على الخد سالى
يجرى على الخدين يالربع مقواه
وعزى لحالك يا العشاير وحالى
لامن بدا نجم جنوب وشفناه
لا من بدا نجم الجنوب يلالى
والبرق ناض وقيل نوه نثر ماه
ثم قربوا عند الحمول الجمالى
وكل ندا من جال عده لمضماه
تبكى (على ) زبون التوالى
زبن الحصان اليا وقف سير علباه
عز الله انه وافى بالرجالى
(على ابن حشه) سعد من تقصر خطاه
لاشب عن قطيهن اشتعالى
يفرح به الصايح ليا أخذت رعياه
لاصاح صياح وكثر الكتالى
يلكز جواده صوب ضده وينصاه
له سمعة مشهورة فى المجالى
وأيضا كريم وكامل الوجه والجاه
عساه يسكن فى نعيم الضلال
والجنه الخضرا مطبعه وملفاه

القصيدة : للفارس فهيد بن شغبان ال سليمان
الهتلانى
31-03-2005, 06:38 PM
فى خطا بالعنوان هو على بن حشن والصحيح على بن حسن وشكرااا

ياليت من المشرف الكريم يعدله
ابومحمد الشامري
31-03-2005, 07:06 PM
لا هنت يا الهتلاني ونعمةالله في ابن حشه والله يسكنه الجنه وصح لسانك ولسان ابن شغبان.

وتم تعديل العنوان
راكان اليامي
31-03-2005, 07:36 PM
تبكـى (علـى ) زبـون التـوالـى
زبن الحصان اليا وقف سيـر علبـاه
عـز الله انـه وافــى بالرجـالـى
(على ابن حشه) سعد من تقصر خطاه
لاشـب عـن قطيـهـن اشتعـالـى
يفرح به الصايح ليا أخـذت رعيـاه
لاصـاح صيـاح وكثـر الكتـالـى
يلكز جواده صـوب ضـده وينصـاه
له سمعـة مشهـورة فـى المجالـى
وأيضا كريم وكامل الوجـه والجـاه
عساه يسكـن فـى نعيـم الضـلال
والجنـه الخضـرا مطبعـه وملفـاه




ماشاءالله عليك يابن هتلاان دائما قصايدك رووعه وماتجيب الا الشي الزين

لاهنت يالسنافي
علي اليامي
31-03-2005, 09:48 PM
صح لسانك يابن هتلان والله يرحم الفارس علي ابن حشه بس شؤال ابن حشه منهو منه اي فخذ من العجمان
الهتلانى
01-04-2005, 12:55 AM
لاهنت يا أبو حمد على التعديل وبارك الله فيك

ويامرحبا أخى الكريم راكان أسعدنى مرورك وكلامك الطيب لاهنت

أخى على اليامى أسعدنى مرورك الكريم وبنسبه لسؤالك هو على بن حسن ال حشه من ال سليمان .
سعود الخويطري
03-04-2005, 07:56 AM
الله يرحم ابن حشة ويسكنة الجنة



وعزالله قصيدة وافية من ابن شغبان


لاهنت وتسلم يمناك يالسنافي


تقبل سلامي واشواقي

الخويطري
فهد بن محسن
03-04-2005, 06:31 PM
الهتلاني

تسلم والله على النقل المميز

والله يرحم ابن حشه

وصح الله لسان ابن شغبان


تحياتي لك
الهتلانى
07-04-2005, 01:38 PM
حياك الله أخ سعود
وبارك الله فيك
الهتلانى
07-04-2005, 05:23 PM
يامرحبا أخ فهد حياك الله
راشد اللزيزي
12-04-2005, 10:28 AM
بيض الله وجهك يا الهتلاني والله يا رحم ابن حشه ويغفر له
ahmed
13-04-2005, 06:57 PM
الله يرحمه علي بن حشه

او ما يحلو لنا ان نسميه عليان بن حشه
وكان عقيد العجمان في وقته
الهتلانى
13-04-2005, 07:28 PM
حياك الله اخ راشد ولاهنت
الهتلانى
13-04-2005, 07:30 PM
حياك الله أخ ahmed
أعتق عليان شخص ثانى من ال حشه
أو من أبناء عم على والله أعلم