المساعد الشخصي الرقمي

مشاهدة النسخة كاملة : ياهملالي غردي ياحمامه


راشد المري
31-03-2005, 08:55 AM
قصيده
ولها سالفه خاصه


يامرحبا باللي حلال (ن) حرامه
ويامرحبا باللي له الحال نصخيه

لاجت احروفه ... لازم(ن) احترامه
وندبره ونشوووف ... خاطره وشفيه

البارحه طرفي تكدر منامه
والهم في فكر المعنى عثى فيه

باسباب من مد اصبعه باتهامه
وابدى علي ذالراس بعض المشاريه

غالي وله قدر(ن) يزيد اهتمامه
ومن لا يقدر خاطره ... ما نحاكيه

اللي رقى بالمجد عالي سنامه
اثور وافزع له ولا اقول له ليه

قريت حرف اللي رفيع(ن) مقامه
قرم(ن) ينومسني بفعله وطاريه

له هامة(ن) ماهي مثل كل هامه
والمرجله والطيب ... هذي مباديه

حلحيل حلال النشب والخصامه
ما اني بجامل والله ان كلها فيه

وكتبت رد(ن) رابطين(ن) احزامه
عسى يبين لي ملامح خوافيه

ان كان بالخاطر علينا ملامه
نبرك لحقه وان طغى الحق نرضيه

يبشر بعزه بس ينطق علامه
والله لوردها وتدخل مخابيه

وان كان ماله حق يثبت كلامه
وان كان غيره ... عابث(ن) نقصر ايديه

وان كان غيره قاصد(ن) في سهامه
رديت رد(ن) .... راقد المهد يوحيه

ان كانها بالفعل والا .... الشهامه
علي الحرام ... اني لاكسر عراويه

وان كانها بالشعر هذا غرامه
ممنون يجبر كل كسر(ن) .. يباريه

لي منهج(ن) واضح ... يدرس نظامه
حط النقط فوق الحروف ونسميه

الشعر عبد(ن) جاء بحوزة عمامه
نامر عليه وهو يجاوب ... بلبيه

يا هملالي .... غردي ياحمامه
مجنون طقوه بعصى من يجاريه

واللي نزل بالروض الاخضر خيامه
محمية السلطان ...... الاقشر اتعديه

والحوض يكسر ... لا وطننه احيامه
والبير ... ماه ايزود وايسد ظاميه

وشهر ارمضان اكيد واجب اصيامه
ولا افطرت يوم(ن) بالسفر لزم تقضيه

والصدر .... بالكوفه كبير العمامه
قاقا ... ولا لاقا ...وربعه اتزكيه

النور يفرق من خرامس ظلامه
والغيم لا روح ترى البدو ترجيه

ياشوق من يرخي لعيــــــــــنه الثامه
بنت العريب اللي اربوعه اتبـــــديه

مصيونة(ن) في بيت عز اوكرامه
والعرض من زود الشرف ما حكوا فيه

الجرح والله جرح راعي المنامه
اللي طلع شيبه براسه وموذيه

دنياه حطت داخل القلب شامه
مره تزين وومرتين(ن) اتخليه

فكر قبل ترمي يامال السلامه
قد قيل من لايعرف الحر يشويه


وسلامتكم

لشاعر صالح ابن كحله المري

العفيفه
02-04-2005, 02:29 PM
صح لسانك على هالقصيدة المميزه

العنيد
02-04-2005, 02:31 PM
مرحبااااااااااااا الوووووووووف بتايقر...بس ويش فيك يا النمر ما قلت لنا القصه هههههههههههههههه

الف شكر لك على القصيدة الطيبه

ابومحمد الشامري
07-04-2005, 10:40 PM
لا هنت يا راشد المري على القصيدة الرائعة وصح لسانك ولسان صالح ابن كحله المري

راشد المري
08-04-2005, 08:34 AM
صح ابدانكم والله لايهينكم على الرد وبيض الله وجيهكم

فهد بن محسن
09-04-2005, 01:00 AM
الاخ \ راشد

بيض الله وجهك على النقل المميز .......... وتسلم يالغالي .. ولاهنت

ولا تحرمنا من ابداعك ومواضيعك المميزه

تحياتي

محمد الشامري
09-04-2005, 03:28 PM
صح لسانك ولسان شاعرها ياتايقر

ولاهنت على القصيده الجزله

راشد المري
10-04-2005, 07:24 AM
هلا والله بخي فهد ومرحبا امنور الموضوع بطلتك وحيااااااااااك الله وان شاء الله القادم افضل

راشد المري
10-04-2005, 07:28 AM
هلا والله بخي محمد الشامري ومرحبا ومسهلا امنور الموضوع والله لايهينك على الرد وهذاا من ذوقك يالغالي