ابودباس

[وسيع البنايد]

بسم الله الرحمن الرحيم
الســــــــــــــلام عليكم ورحمة الله وبركـــــــــــــــــــاته

في الشعر النبطي قصائد ذاعت بين الناس وحفظتها صدور الرواة وتناقلتها الاجيال دون ان
يكون لاصحابها ذات النصيب من الشهره,ومن بين تلك القصائد ردية (ابو دباس) وولده
(دباس) التي ذكرت في معظم المدونات الشعريه القديمه نون اي معلومات عن شاعرها سوى
ان اسمه( محمد )او( راشد ) بالاضافه الى المعلومات التي تقد مها القصيد تان عن سفر الابن
للعمل وبقاء الاب وحيدا مما دعاه لكتابة القصيدة عاتبا على انقطاع مراسيل الابن ثماني سنين,
ومنها :


ياونة ونيتها من خوى الراس= من لاهب بالكبد مثل السعيره
ونين من رجله تقل غدت مقواس=يون تالي الليل يشكي الجبيره
ويحمس قلبي حمس بن بمحماس=ويهشم حالي هشمها بالنجيره
وياوجد حالي ياملا وجد غراس=يوم اثمرت واشفا صفاعن بيره
على ثمر قلبي سرى هجعة الناس=متنحر درب عسى فيه خيره
الله يفكه من بلا سو الاتعاس=ومن شر عبثات الليالي يجيره
في ديرة تقطعت عنه الارماس=سبعين يوم للركايب مسيره
لاوالله الاحال دونه اللياس=حط البحر والبر دون اجزيره
يالله ياللي رد من عقب اللياس=يوسف على يعقوب وابصر نظيره
ترجع علي دباس يامحصي الناس=ياعالم بالخفيه والسريره

ولما وصلت القصيدة الى ( دباس ) ارسل الى والده شيئا من المال ووعده بسرعة العوده
وكتب قصيدة منها يقول في بدايتها:


حي الجواب اللي لفانا من الراس=جابه غلام ماتوانا مسيره
جواب منهو مود لي من الناس=ابوي مايوصف حلي لغيره
فرز الوغا كنه الوكر قرناس=وقروم ربعه كلها تستشيره
دليل عيرات لياهب نسناس=ثم اد لهم الجو مامن ذخيره
مهفي الغنم لاهل الركايب والافراس=لياروحوله ماعليهم قصيره
راعي معاميل بها العبد جلاس=للبن يشري بالسنين العسيره

وفي ختامها يقول:


وان كان تشكي الضيق يابوي لاباس=جاك الفرج يابوي هي والبريره
والانا يابوي قطاع الارماس=اصبر على الشدة ولو هي صعيبه
ابغي عسى الله يبرد القلب ياناس=من لاهب شبت بقلبي سعيره
ومن كان له غايب فلا يقطع الياس=ان قدر الله جاب علمه بشيره


في النهايه حبت اوضح ان اكثرنا يسمع ب(ابودباس) وهذهي القصيدة
دون ان يعرف من هو ابو دباس.

هو: راشد بن عبدالله بن دباس بن علي الدباس من سلالة غانم بن سابق بن ناصر
الودعاني الدوسري.

ولد وعاش ومات ودفن في بلدته (عودة سدير) بمنطقة سدير شمال الرياض
وقد عاش في النصف الاول من القرن الثالث عشر الهجري.

...................... ........................................ .........................

[وسيع البنايد]

عذرا.............. اتمنى من المشرفين
تعديل القصيد تين الاخيرتين
لا نه لايوجد هناك تعديل

[وسيع البنايد]

لو تكرمتو احذفو الموضوع

[ابومحمد الشامري]

لا هنت اخي العزيز وسيع البنايد على القصة والقصيدة الرائعة بين ابو دباس وابنه دباس والتي تعد من نوادر الشعر النبطي على الاطلاق.

[وسيع البنايد]

ولا انت
واشكركم على التعديل

[دانا]

يعطيك العافيه على الموضوع ... والقصة تبين مدى شجاعة دباس وكيف ان اخوة زوجة ابو دباس انتهزوا غياب دباس ولكن دباس اخذ بثار والده منهم فعندما خرجت اخت دباس لتجلب الماء رات لون الماء احمر واخبرت والدها الذي عرف ان دباس ذبح من قامو باهانته ونشر الاشاعات المغرضه عن ابنه دباس ...

[وسيع البنايد]

الاخت دنا يعطيك العافية
اشكرك على اضافة بعض المعلومات

[المتحدي]

شكرا على الموضوع والله لايهينك
يا وسيع البنايد

[فهيد بن خالد]

وهذا رد دباس علي و الده , و االله أعلم و أعتذر عن الخطأ و الزله مسبقا


حي الجواب اللي لفانا من الرأس =جابه غلام ما توانا مسيره
أهلا هلا به عد ما حبك قرطاس =او ما كتب فوقه بيوت شطيره
جواب من هو لي مود من الناس =ابوي ما يوصف حلي لغيره
فرزا الوغى كنه على الوكر قرناس =قروم ربعه كلها تستشيره
دليل عيرات لياهب نسناس =ثم ادلهم الجو ومابه ذخيره
مهفي الغنم لأهل الركايب والأفراس =لا روحوا له لا عليهم قصيره
راعي معاميل بها العبد جلاس =للبن يشري بالسنين العسيره
هاذي بمركاها وهاذي بمحماس =وهاذي يصبه للوجيه السفيره
وخلاف ذا يا راكب فوق عرماس =مأمونة من نقوة الهجن عيره
حمرا وهي في سنها وقم الأسداس =متوسط لا فاطر ولا صغيره
ماهي لحوج راكبه بالعصا قاس =حرم عليها غير شيل النقيره
والخرج هو وبيوت قيل بقرطاس =مع مزهب الأيام ما هي كثيره
وفوقه غلام منوته قطع الأرماس =لو هو بليل ما تغير نظيره
وليا لفيت الدار فا جهر با لأحساس =وبلغ سلامي كل ذيك العشيره
واختص أبوي اللي نفل جملة الناس =وخصه بعلم وقل تراني بشيره
لا يا نجي العرض يا بوي لاباس =وأن كان تشكي الضيم فأنا أسيره
وان سايلك عني تراني بنوماس =وانا أحمد اللي ما توسلت غيره
المدح لو يشرى شريناه بأكياس =بأموالنا نرخص ندور الستيره
مطرق افرنجيّ مضاريبه الراس =ومصلبخ جبته عساني ذخيره
من صنع نصراني مشروبه الكأس =يذكر ورى جاوه بعيد مسيره
أبغيه للي حادينك على الساس =أهل النمايم والحكايا الكثيره
ربع نووا فيك الردا والتخساس =مهبول يا اللي قال غايب عشيره
علي دين لودع الجمع ينحاس =لين العشير يقوم يلعن عشيره
ان ما سكنا الدار من غير هوجاس =والا نعاف الدار ونور غيره
كله لعينا كلمة قلت يا دباس =تشكي وانا دوني بحور غزيره
خذلك يمين الشرع قطاع الأنفاس =انه فلا جتني علوم بصيره
لا نيب جاني منك حبر بقرطاس =لأيضا ولا جتني علوم سفيره
وان كان تشكي الضيق يا بوي لاباس =جاك الفرج يا بوي هو والبريره
يا بوي أنا مارحت لكيفة الرأس =مع ذا ولاني في سفاه او غيره ..
يا مسندي يا بوي شوف اوكد الناس =ثم انشد وقل ويش هو في مسيره
ان كان ما يفرح صديقك بنوماس =تحرم علينا اللي نهوده صغيره
مدلول مجهول زها زين الألباس =بنت الذي يثني ليا جت كسيره
طار يقول اظهر وطار بجلاس =قمت أشرب التنباك واثره نكيره
أبغي عسى الله يبرد القلب يا ناس =من لا هب شبت بقلبي سعيره
و الا فانا يابوي قطاع الأرماس =أصبر على الشده ولو هي عسيره
ومن كان له غايب فلا يقطع الياس =ان قدر الله جاب علمه بشيره

[جابر البطان]

يعطيك العافية يا فهيد بن خالد على قصيدة دباس ردا على أبوه

[أبو ناصر]

وسيع البنايد
يعطيك العافيه انت والاخوان اللي اضافوا على الموضوع

[الخليجي]

لاهنت ياراعي الموضوع

لكن فيه ابيات مشهورة لم تذكرها مع اني مو حافظها

هذي ثمان اسنين من غبت يادباس

يادباس انا يبوك مانيب بلاس .... مير ان عيلات الرفاقة كثيرة
........................................... اخذ قليل الماء واترك كثيرة


لاهنت على كل حال

[السنافي]

لا هنت اخي العزيز وسيع البنايد على القصة والقصيدة الرائعة بين ابو دباس وابنه دباس والتي تعد من نوادر الشعر النبطي على الاطلاق

[منوة الخيال]

لاهنت ياوسيع البنايد على القصيده ولايهون من عدل فيها

مع العلم ان كل التعديلات ناقصه

على العموم لاهنتوا خووووووووووووووووووووش موضوع