قصيدة بوحمد الشامري !!!

[راشد العتل]

هذي القصيده لـ ابوحمد الشامري مدير مجالس العجمان :)


تعب الخفوق من الصبر وين ألاقيك=يا حبي اللي منك روحـي تعانـي
بس اتحرى شوفـك وش يخليـك=تجهل شعورٍ مبتلـي جـاك عانـي
اشوف زولك دايـم ادوم أراعيـك=وأثره خيالك طـول ليلـي لفانـي
في معزلٍ عن خلق ربي وأداريـك=هايم وأفكر فيـك عاشـق زمانـي
والله احبك يا هوى البال وأغليـك=واموت في حِبك ولو كنت أعانـي
تسبقيني اشواقي إليا حل طاريـك=يا واحد(ن) لاجله قصيدي دعانـي
ما فيه يوم مـر والفكـر ناسيـك=لا جيت ابنسى نبض قلبي عصاني
إسأل شعورك لا اجل منهو يناجيك=يمكن تلاقي وسط قلبـك مكانـي ؟



صح لسان بوحمد مافيه حيـله وماهو سهل
والسموحه نبشنا صفحات الماضي ولقيناها http://www.alajman.ws/vb/images/icons/icon10.gif

[الفرس]

صح لسان مديرنا

صح لسانه .. مادرينا ان مديرنا شاعر

لاجيت ابنسى نبض قلبي عصاني


ماقصرت ياراشد وونبش وهات اللي عندك عطاشا

[مهرة النسيان]

مهوب هين بوحمد :)

صح لسانه مليييون ولاهنت ياراشد ..

[ابومحمد الشامري]

يا وينك طلعت ذا القصيدة يا راشدhttp://www.alajman.ws/vb/images/icons/icon10.gif القصيدة هاذي صار لها عشر سنين وبالتحديد في عام 1997م ايام المرحلة الجامعية:3rbe51:

لا هنت ي ابو محمد على النقل الارشيفي:)

[محسن ابن كروز]

السلام عليكم

وصح السانك والسان قايلها

لاكن قايلها طلع عشاق وهواوي :)

في معزلٍ عن خلق ربي وأداريـك
هايم وأفكر فيك عاشـق زمانـي

خلوكم قدامنا لا تروحون في معزل لان حنا نحب شوفكم @@

[شيهانه]

صدقت ما فيه حيله وربي ,,قصيدة حلو وايد

صح لسان بو حمد وتسلم يمينك يا راشد على التنبيش

نبش بعد ودور منه ومناك يمكن تلقى شئ بعد مندس .

[عبدالله آل عامر]

أشهد إنك هواوي يابوحمد :3rbe51:

صح لسانك يالقرم وعقبال ما تلقيها قدام الدكتور غسان :)

[عبدالله العريمان]

صح السانك يابومحمد

وبوحمد طلع ماهو سهل طلع شاعر

اجل فاااااااااااالك المليون

هههههههههههههههههههههه

مشكور اخي راشد علي القصيده الجميله ونبش كثر ماتقدر ادور العلوووم

هههههههههههههههه

تقبل تحياتي اخوك\عبدالله العــــريــــمــــان

[سعيّد ابوجعشه]

مهوب هين ابوحمد اثره شاعر لا وهواوي بعد

صح لسانه مليييون ولاهنت ياراشد ..

[مسعطر]

هاه مديرنا شاعر !!

بس قصيدة غزليه جميله مرة أثرك يا
أبو حمد قلبك خضر
أشكر أخي راشد العتل على النبش الطيب
و يا ليت لو تنبش بعد. و أسمحلي القصيدة
تستاهل التنسيق المسعطري. صح لسان ابو
حمد.


تعب الخفوق من الصبر وين ألاقيك=يا حبي اللي منك روحـي تعانـي
بس آتحرى شوفـك وش يخليـك=تجهل شعورٍ مبتلي جـاك عانـي
أشوف زولك دايـم ادوم أراعيـك=وأثره خيالك طـول ليلـي لفانـي
في معزلٍ عن خلق ربي وأداريـك=هايم وأفكر فيك عاشـق زمانـي
والله احبك يا هوى البال وأغليـك=و أموت في حِبك ولو كنت أعانـي
تسبقيني اشواقي إليا حل طاريـك=يا واحد(ن) لاجله قصيدي دعانـي
ما فيه يوم مـر والفكـر ناسيـك=لا جيت أبنسى نبض قلبي عصاني
إسأل شعورك لا اجل منهو يناجيك=يمكن تلاقي وسط قلبك مكانـي

[محـMـد الـMـري]

صح لسان ابوحمد
علمتنا عليه
ونبهتنا لا نفكر نقصد فيه

ولاهنت ياراشد على النقل

[راعيــة الذوووود]

هالله هالله قصيدة جزله يا بو حمد

و فالك الملاين طال عمرك ,,

[بطاح]

صح لسانك يابوحمد اثرك شاعر ها عطنا من قصايدك لا تبخل علينا

مشكور ياراشد على نقل القصيدة

[مسفر مبارك]

صح لسانك يبو حمد ولاتبخل علينــا من قصايـــدك

[محمد الغيثاني]

كل دا يطلع منك يابوحمد ..... ايام الجامعه بعد :)

لا هنت ياراشد على القصيده الطيبه من مدير المنتدى ابو حمد

[عـسـاه خـيـر]

لاهنت اخوي راشد على نقلها
وصح السانك والسان المدير ابو حمد

[راكان المحفوظي]

الله الله

صح لسانك يابو حمد على القصيده اثرك شاعر وانا مدري

وتسلم يمينك يا راشد على النقل ولا تحرمنا من القصائد اكيد فيه غيرها وتحتاج بحث ولا اوصيك :)

[بدر العرجاني]

صح لسان بوحمد
ولا هنت يا راشد على النقل المميز

[&آهــــات الحــــزن&]

تسبقيني اشواقي إليا حل طاريـك
يا واحد(ن) لاجله قصيدي دعانـي
ما فيه يوم مـر والفكـر ناسيـك
لا جيت ابنسى نبض قلبي عصاني
إسأل شعورك لا اجل منهو يناجيك
يمكن تلاقي وسط قلبك مكانـي ؟

صـــح لسانــــك يــــا بــــو حـــــمد

ولاهــــنــــت عـــلى النــــقل الــــرائــــع