&& مشـــكــــ حرف السين ـــــلة &&

[زاير من بعيد]

اليكم قصيده اهديتها لشخص تحداني اني اكتب قصيده بشرط يكون كل كلمه
بالقصيده تحتوي على حرف السين وانا قبلت التحدي

واليكم القصيده ......






أمس المسا أمسيـت ممسـي بلانـاس
وامسى نسيم ٍ يهمس بنسمتـه همـس
وسمعت حس ٍ سلّم بهمس واحسـاس
واسعد مسايه والمسـا كسّـر العمـس
يسعد مسا الاحساس يا سحر الالمـاس
ألبستني سحر ٍ لبس والتمـس لمـس
لابس حسن من راسك لساسك السـاس
والحسن يسبقه السنع وانغمس غمـس
حسنك سما مع ساريات السمـا حـاس
واحتست مع حوسة سماك بسما الشمس
حسنك سلب واستيسر وحاس هوجـاس
وعومستني بسيـرة سواليفنـا أمـس
ما تنّسي لو ينسن خمـس الاحسـاس
منساك يا سالب حواسيسـي الخمـس
منساك لو ينسى المسا أُنـس نسنـاس
ومنساك لو انسى السواليف والرمـس
ومنساك لو ينسى الوساويـس خنّـاس
ومنساك لو يطمس سنا شمسنا طمـس
وسمعت حسّك سلم بهمـس وانعـاس
واسعد مسايه والمسـا كسّـر العمـس


وسلاااااااااااااامتكم

فواز الزناتي ......,,
اتمنى اني ما ازعجتكم بالقصايد
بس اعجبتني واتمنى تعجبكم
منقوله
والكلام اللي فوق التحدي
مو لي للشاعر فواز الزناتي
زاير من بعيد

[حبيب]

زايرر من بعيد صح الللسااانك واللسااااان الشاااعر

وعزالله انه شااعرررر

تحيااااااااااااااتي

[فهد بن محسن]

تسلم يازاير من بعيد على النقل

اعجبتنا طال عمرك .. تحياتي لك يالغالي

ولا تحرمنا ما لديك

[محمد الشامري]

قصيده رائعه جداااااااااااا


صح لسانك يازاير من بعيد

وصح لسان شاعرها

واشهد انه قد التحدي


لاهنت على النقل

[زاير من بعيد]

ولا هنتو جميعكم
وسعيد بمروركم علينا
وحياكم الله
زاير من بعيد

[ابومحمد الشامري]

لا هنت اخي العزيز زاير من بعيد على القصيد الجميلة صح لسانك يا السنافي

[راكان اليامي]

صح السانك يالغالي وقصيده راائعه

[زاير من بعيد]

حيه الله الشامري واليامي
ومن قال لاهان
زاير من بعيد

[راشد المري]

لله يرجك ياشيخ امنول كنت اوشوش والحين من بعد ما قريت القصيده صرت اوسوس هههههههه مشكور على القيصده اللي كلها سين ما فيه زيها بس بشين