من علمك شرح المشاعر بلاا بوك ؟( لغه العيون)

[زاير من بعيد]

من علمك شرح المشاعر بلا بـوح
ياللي سكوتـك للتخاطـب وسيلـه

بعض الكلام احياناً يسبـب جـروح
لذا يكون الصمـت فيهـا فضيلـه

محلا النظر للعين ومخاطب الـروح
بالعين ياراعي الرمـوش الضليلـه

الناس قالو راعي العشق مفضـوح
لويخفـي العشـق بنهـاره وليلـه

العين تشـرح ماتخفيـه بوضـوح
واللي اقولـه فـي عيونـك دليلـه

لو عشت عمري قد عمر النبي نوح
سخرتـه لربـي وثـم للجميـلـه

اهواك كلمه مابهـا شـك ومـزوح
اهواك واهوى ديـرةٍ تنتمـي لـه

واللي كتب خافي المقاديـر باللـوح
غـلاي تتعـب ماتلاقـي مثيـلـه

في نظرتك شوقك ولو ماتبي تبـوح
شافوا غلا وائـل بعيـن الجليلـه

لغة ولا تبغـى تفاصيـل وشـروح
راعي الهوى يفهم نواظـر خليلـه

بعض العيون عتابها يشبه النـوح
تبعث لـك بنظـره عتبهـا تشيلـه

وانتي عيونك داخلي تبني صـروح
ثقيل مبناها وانـا ازريـت اشيلـه

مسكانك بقلبي لك القلـب مفتـوح
محتاج اشوفك من سنيـنٍ طويلـه

يابنت شيخ بطيبـه دلالـه تفـوح
وقبيلتـك والله ونـعـم القبيـلـه

ابوك واخوانـك دوا كـل مجـروح
لذلـك انتـي يالأصيله...اصيـلـه

انتي خطاك بحق مغليـك مسمـوح
لأنهـا الغلطـات مـنـك قليـلـه

وصفك شموخ وصافي الوجه مملوح
وإشراق بخدودك وعينـك كحيلـه

ماقلت لي يامالـك العقـل والـروح
من علمك تشرح بهذي الوسيلـه؟؟

منقوله
زاير من بعيد

[ابومحمد الشامري]

لا هنت يا زاير من بعيد على القصيدة الرائعة صح لسانك يا السنافي

[راكان اليامي]

لاهنت يازاير وصح لسانك يالغالي

[فزاع]

قصيدة رائعة يا زاير لا هنت يالقرم.

[زاير من بعيد]

ولا هان من قال
حياكم الله ويسعدلي مروركم
زاير من بعيد

[فهد بن محسن]

قصيدة رائعة ... وتسلم على النقل المميز يازاير

تحياتي لك

[زاير من بعيد]

حياك الله بن محسن
وسعيد بمرورك علينا
زاير من بعيد