المساعد الشخصي الرقمي

مشاهدة النسخة كاملة : ماذا تمنى العجمي و الحضري في السجن ..

MSH3AL
26-03-2005, 01:15 AM
السلام عليكم جميعا"



العجمي قيل أنه هتلاني ..

و الحضري حضري......

وكلهم في السجن

الله العالم من فعلتهم اللي بسببها دخلوا السجن

قال العجمي للحضري ياهييييييه وش اتمنا ذالحين

قال:الحضري صراحه انا اتمنا اني اطلع من السجن و أروح شقه فيها ليله حمرا واشرب خمر على راحتي.

سكت العجمي ساارح

ثم قال الحضري للعجمي وأنت شنووو تتمنا الحين


قال العجمي ذي القصيده::






وابتمنـا عنـدي ألفـيـن بلـيـون = وبيتن مسوبع راكـزه بالحمـادي

وألفيـن دلـه والأباريـق ملـيـون = وفالليل مايطـري علـي الرقـادي

وألفين وضحه والرعـى ماينامـون = ويرعـون كـل الخـلا والبـوادي

وخمسين بنزن مع خمسين صالـون = ومطلعاتـن كـل أبوهـن جـدادي

وخمسين جمسن مجهزات بتيلفـون = والأجهـزه دايـم عليـه تـنـادي

وربعـن إلى اظلـم الليـل يسـرون = فوق أحمر الكبوت وقـت البـرادي

واسـدد الديـن عـن كـل مديـون = وامشي مع العالـم واكمـل سـدادي

وهذي طرات العمر لا صرت مغبون = ماهي حيات الـذل وسـط البـلادي

وسلامتكم


وعز الله انه تمنا شيء لايوصف في خير البداوه

والله يرزقه على قد النيه .


وتقبلوا

خالص


سلاااااااااااااامي
فزاع
26-03-2005, 05:37 AM
انا اشهد انه خير ما تمنى ,تسلم أخي فهد على ذا السالفة والقصيدة الزينة.
اخو ظبية
26-03-2005, 06:49 AM
اول شى يعطيك العافيه اخوي فهد لكن,,,,,,,,,,,,,ذا القصيدة ياخوي راعيها لا هوب عجمي ولا هوب حول العجمان راعيها عنزي وارجع للقصيدة وشف انه تمنا بناء بيت الشعر في الحماد الي هي من ديار عنزه ولو انه عجمي كان بناه في مليجه والا الصرار!!!!!!!!!!!!
العنيد
26-03-2005, 10:01 AM
اخوي الفاضل: فهــــــــــــــــد آل صالح...الله يبارك فيـــــــــــــــــــــــــــــــــــــــــــك على ذا النقل الرائع للقصيدة ..وانشهد انه خير ما تمنى الرجال....

بس ويش رايـــــــــــــــك فيما قال الاخ اخوظبيــــــــــه وابيها....؟؟؟؟ ولك خالص ودي وتقديري
راكان اليامي
26-03-2005, 10:02 AM
لاهنت يابن صالح وعزالله ذالرجال مغبوون
ابومحمد الشامري
26-03-2005, 12:02 PM
لا هنت يا فهد ال صالح على القصيدة الطيبة وبالنسبة لم ذكره الاخ العزيز اخو ظبية بارض الحماد يمكن ان الشاعر يبغي وصف القاع وقال الحماد لان الحماد هي الارض المستوية اللي تخللها الهضاب والله اعلم.
محمد الشامري
26-03-2005, 01:31 PM
انا اشهد انه تمنى


لاهنت يافهد والله يعطيك العافيه
محب العجمان
26-03-2005, 03:43 PM
يا إخوان أيا كان قائل هالقصيدة عجمي أو عنزي كائنا من كان فهو عبر عن تمني المراجل و هذي تلقاها عند العجمان و عنزة و عتيبه و قحطان وسبيع وووووووووووووو كل القبائل الطيبة ، و كذلك عند الحضر من يتمنى العلوم الطيبة و الجمعة الطيبة . فالمهم هنا المعاني الطيبة و التمنيات الطيبة للشاعر بغض النظر عن قبيلته أو ديرته حضري أو بدوي .
فهد بن محسن
27-03-2005, 07:13 AM
تسلم يافهد

وتشكر كل الشكر على الاختيار الجميل

تحياتي لك
الخليجي
27-03-2005, 09:57 PM
ابوظبية اعصابك ترى ماتسوى ذالكلام
ومليجة والصرار ابرك من الحمادي :)

لاهنت ياراعي القصيدة وانا شاك انها مرت علي
بس منذ مبطي :)

تحياتي
سعود الخويطري
29-03-2005, 06:06 PM
لاهنت مليار يـ فهد


وللعلم : القصة والقصيدة للعجمي واحتفظ باسمة والمصدر واحد سامع الشريط قبل سنتين


وتسلم يمناك يالسنافي


تقبل سلامي واشواقي

الخويطري
MSH3AL
30-03-2005, 03:17 AM
فزاع


لاهنت على المرور والرد السعيد

وتقبل

خالص

سلااااااااامي
MSH3AL
30-03-2005, 03:19 AM
اخو ظبيه

مرحبا فيك وفي ردك ومرورد وتعقيبك

ولاهنت لاهنت

بس ماعليك من الرجوع الى القصيده

انا كنت شاك في ان راعي القصيده دوسري

بس وكد لي العلم

اخي سعود الخويطري

تقبل

سلاااااااااامي
MSH3AL
30-03-2005, 03:22 AM
العنيد

اولا" لاتعاندني

وأقرا الرد اللي فوق وبعدين وش رايك في كلام اخي ابو حمد الشامري

ولاهنت على الرد والتعقيب السعيدين

تقبل

سلاااااااااااامي
MSH3AL
30-03-2005, 03:24 AM
راكان اليامي


مرحبابك ويمرورك وردك واطلاعك وقرايتك

لاهنت لاهنت

تقبل

سلاااااااااااااامي
MSH3AL
30-03-2005, 03:27 AM
ابو حمد الشامري


حياك وحي ردك

ولاهنت على المرور والموضوع اللي انشاءالله انه اعجبك من ردك

وراعي السالفه عجمي بتوثيق من اخي سعود الخويطري

تقبل

سلااااااااامي
MSH3AL
30-03-2005, 03:31 AM
محمد الشامري

اررررررحبا مليار ولايكفووووووووون

لاهنت على الرد والمرور

تقبل

سلاااااااااامي
MSH3AL
30-03-2005, 03:35 AM
محب العجمان

الله يحبك ويقبلك

ولايهينك على ردك ومرورك

وصح لسانك

لاهنت


تقبل

سلااااااااااااامي
MSH3AL
30-03-2005, 03:36 AM
فهد بن محسن


حياك الرحمن في موضوعك

لاهنت اخي وسميي فهد

تقبل

سلاااااااااااااااامي
MSH3AL
30-03-2005, 03:38 AM
ياطي حالي

هلااااا وسهلاااااا وفوقهاااااااا كل الغلاااااااا

حياك الله ولاهنت على الرد والمرور

تقبل

سلااااااااااااااااااااامي
MSH3AL
30-03-2005, 03:44 AM
سعوووود الخويطري

والبقا بك مليار مليار

ولاهنت يابومحمد على ردك وتوكيدك للعلم

الله لايهينك على المرور والرد والقرايه يا السنافي



تقبل

خالص

سلاااااااااااااااامي