برنامج فك الحظر للي مسوي لك حظر على المسنجر ......

[فارس]

بسم الله الرحمن الرحيم

البرنامج اسمه statusviewer
حجم البرنامج وهو 195 ك.ب

تحميل البرنامج (http://mypage.ayna.com/bossundertaker/statusviewer.ZIP)
هذا البرنامج له ثلاث شغلات:
الاولى: يخبرك بالشخص اللي حظرك في المسنجر
الثانية: يفك الحظر وترسل له أي رسالة في المسنجر
الثالثة: يجعلك off line


ضع ايميل الشخص اللي تشك إنه حظرك على المسنجر
في الخانة العلوية في البرنامج ثم اضغط على Check
يظهر لك بعدها كلمة Working أي إن البرنامج يقوم بعمل
تشييك على الايميل الموجود

إذا إنه مسوي حظر عليك حينها و بكل سهوله اظغط
على Setting مكتوبة باللون الازرق يظهر لك لوحة جديدة
فيها مكان لكتابة الرسالة إكتب الرسالة اللي تجي على بالك
ثم اضغط الزرار اللي بالاسفل ...... Run Alert

بعدها سترسل الرسالة وكأنك سجلت دخول طبعا للشخص
(اللي حظر عليك ) بيشوفك يوم تسجل دخول بس مابيقرا
اسمك بيقرا الرسالة اللي كتبته له
واللي كتبته مابيظهر لأي أحد غير اللي مسويلك بلوك


تحيااتي







والي يبي مساعده انا حاضر

[ابومحمد الشامري]

لا هنت اخي العزيز فارس الموضوع الطيب بس انا سمعت ان هذ البرنامج يسبب الكثير من المشاكل ما ادري اذا انت جربت هذا البرنامج هل فعلا فيه سهولة ولا يوجد مشكلة تواجهك؟؟

[فارس]

والله جربته بنفسي


شبكت باكثر من ايميل


وعطيت نفسي بلوك وجربته عليه

[أبو محمد]

يعطيك العافيه يا فارس وفي الحقيقه هذا برنامج بوليسي حده يعني الي مسويلي بلوك وش حاجتي فيه طاف

[نور الليالي]

أحسن شئ الواحد ما يدخل الماسنجر بالمره

[goldskull]

خوش برنامج بس الوصلة مو شغالة

[الـكـادي]

يا فارس

انفضحنى

على البرنامحج هذا

[بدر القلوب]

لاهنت يافارس على هالبرنامج

بس انا عندي قناعه اني اللي حطني بلووووك مايبيني ولذلك انا مانيب شايل همه اجلس افكر هو حاطني اوف او اون اللي يبيني بيلقاني واللي مايبيني مانيب لاحق المقفي

لاهنت يالغالي :)

[العنيد]

ههههههههههههه الف شكر لك اخوي فارس على ذا البرنامج.....بس انا سمعت انه له مشاكل كثيرة....وانه يخلي اي حد يتجسس على يور ماسنجر بطريقة سهله.....

ومثل ما قال المثل الي ما يبيـــــــــــــــــــــــنا ما نبيـــــــــــــــه وليه نشيل هم ما بلا كلام ومضيع وقت ههههههههههه....

لك خالص شكري اخي الفاضل

[الـكـادي]

فارس الوصله ما اشتغلت

[سلمان المكراد]

برنـامج الفضايح هذا لوول ،، لاهنـت يا فـارس والوصلة ماش ما تشتغل

[سلمان العرجاني]

البرنامج هذا يسبب ثغرات في جهازك اثناء اتصالك بالانترنت ارجو منك اخي فارس وارجو من الجميع عدم التعجل في تحميل اي برنامج مهما كانت مزاياه اذا كان من مصدر غير موثوق به مثال:شركه منتجه للبرامج ومشهوره عالميا والركاده والتأني في هذي الامور مطلوبه

واما من طرف اذا احد عطاني بلوك وش ابي به يوم ادرج وراه واارسله .. اللي يبيني فمرحبا ومسهلا واللي ما يبيني جعله اطريقه والله يسهل دربه

وانصحك تخلي هالبيت في بالك للي معطيك حظر

لا تحسبني يوم تقفي بناديك ** انا عنيد وعزتي راس مالي

ولا هنت على النقل يا فارس ولك خالص تحياتي

سلمان العرجاني

[فارس]

مشكورين على الردود



بس الظاهر شالواالبرنامج من على سيرفر الموقع


انا اول ما حطيت البرنامج من المنتدى جربته



البرنامج اسمه statusviewer

تقدر ادور عليه بالقوقلي

[أميرة نجد]

من عفنا عفناه لو كان غالي
يعطيك العافيه اخوي فارس

[دانا]

يعطيك العافيه يا فارس وفي الحقيقه هذا برنامج بوليسي حده يعني الي مسويلي بلوك وش حاجتي فيه طاف

مع الاخ الف بالميه

مسوي لي حظر وافتحه؟!!!الا كان افتحه علشان اقوله وعافيه ...مسوي حظر !!

[Shir]

يسلمووووووووووووووووووو

[مسفر مبارك]

مشكووووووووووووووور

[نعر العشق]

خيو ياريت اتحمل البرنامج مرة ثانية و انا ابغييييها ضروري واااايد

بليييييييييييييز

[القرناسة]

من عرفت الماسنجر وانا اعرف منو معطينى بلوك

عن طريق الماسنجر نفسه بلا دوشة برامج :rolleyes:

واذا شفت احد معطينى بلوك بلا تردد اصكه على علباه 14t

والطريقه..

ادوات >خيارات > خصوصيه >تطلع عندكم قائمتين

وحده سماح والثانيه منع

تختارون الايميل اللى شاكين فيه وتنقلونه لقائمة المنع عن طريق الزر الايمن للفاره

عقب ادورونه بقائمة المنع وتضغطون عليه بالزر اليمين شيكو على كلمة حذف

اذا كانت رماديه يعنى بريء واذا سوده 15t

وسلامتكم :)