المساعد الشخصي الرقمي

مشاهدة النسخة كاملة : نادوا لي حبيب عشير الغانمين

البركان الثائر
23-03-2005, 07:10 PM
مساكم الله بالخير يا يام وضيوف يام
تفضل يا حبيب لا هنت

سلام مني للرجال الطيبين=ردية(ن)نتعب علي طاروقها
نادوا لي حبيب عشير الغانمين=علي النجوم الساريه من فوقها
ابومحمد الشامري
23-03-2005, 07:14 PM
ارحب ارحب لا هنت يا البركان على البداية الطيبة ونحن في انتظار رد الاخ العزيز حبيب ابو سعيد صح لسانك يا البركان.
البركان الثائر
23-03-2005, 07:17 PM
لا هنت يا أبوحمد علي الرد
مشكور
السنافي
23-03-2005, 07:19 PM
عز الله انك بركان على اسمك على طول هجوم

راح فيها حبيب الرجال ناويك وانا اخوك انتبه لنفسك
البركان الثائر
23-03-2005, 07:22 PM
السنافي لا هنت علي الرد
مشكور كلن دون نفسه يا السنافي
أبو محمد
23-03-2005, 10:38 PM
لاهنت يالبركان وينك ياحبيب طولت على الرد بانتظارك
فهد بن محسن
24-03-2005, 02:12 AM
البركان الثاير

مرحبا بك يالغالي ... وحياك الله .... وتشرفنا بوجودك بيننا

تحياتي لك يالغالي

وننتظر شاعرنا .... والظاهر انه مسافر خميس وجمعه .... يذكرونه مخرج من جسر البحرين .. هههههههههه
البركان الثائر
24-03-2005, 10:18 AM
أبو محمد هلا بك
البركان الثائر
24-03-2005, 10:19 AM
فهد بن محسن
هلا بك يمكن مذكور طبيب شعبي هههههههه
حبيب
26-03-2005, 12:13 AM
البركااااااااان اررررررررررررحب ارررررررررررحب


يامرحبااا ومسهلا واسف غلى التااااخيررر والله اني توني داخل اللحين وستلم لاهنت



يامرحبااا بك يا زعيم العاارفين=والشمس تو الحين بان شروووقهااا

اللي تبي ياصاحبي حن حاضرين= زين المعاني سوقها في سوقهااا
حبيب
26-03-2005, 12:27 AM
ابو حمد

الستاااافي

ابن حفيظ

فهد


حياااكم الله واسف على التاااخيرررر
العنيد
26-03-2005, 10:35 AM
اخوي الفاضل: البركااااااااااااان الثائر وانشهد ان بركانك ثار علينا بهذه الابيات الجميله ويتساهل المعني فيها والله

يامرحبااا بك يا زعيم العاارفيـنوالشمس تو الحين بان شروووقهااا

اللي تبي ياصاحبي حن حاضرينزين المعاني سوقها في سوقهـااا


رهيــــــــــــــــــــــــب رهيـــــــــــــــــــــــــــــــــب رهيـــــــــــــــــــــــــــــــب يا البركان الثائر
البركان الثائر
26-03-2005, 11:51 AM
هلا بك يا حبيب لا هنت وأستلم

من موقفك قاسي ولو مره تلين=أخيرلك والقوم من منطوقها
ما هو من أمس الطيب طيبك من سنين=والناس توفيها جميع أحقوقها
البركان الثائر
26-03-2005, 11:53 AM
العنيد لا هنت
حبيب
26-03-2005, 04:46 PM
العنيد حياااك الله وتشرفناا بمتابعة الطيبين

البركااان استلم لاهنت


انا على ممشاي والمولى يعين=والاسرار يا البركان في صندوقهاا

حنا على عد البدو كنا قطين= وغيبت والبدوان ساقت نوقهاا
البركان الثائر
26-03-2005, 04:56 PM
أستلم يا حبيب لا هنت

سبع أحصوات أرجم بها أبليس اللعين=النخله الخضراء يحوف عذوقها
عشنا وشفنا الذيب يضحك للحصين=والحنظله يجري النهر ب عروقها
حبيب
26-03-2005, 05:34 PM
الله الله استلم يا البركاان


مادامك اللي تدحن بجنبن متين=لاتشغلك ذيك السحب وبرووقهاا

حنا على عهد الوفا متعاهدين= والخوه اللي بيننا ما ابوقهاا
البركان الثائر
26-03-2005, 05:49 PM
أستلم يا حبيب

يا طيب راسك لأحتمي الموقف يبين= لكن عليا قلبها مع شوقها
لاشان وجه اللاش وجهك ما يشين=وأنا أدري أن الناس دون حلوقها
راكان اليامي
26-03-2005, 05:59 PM
يا طيب راسك لأحتمي الموقف يبين
لكـن عليـا قلبهـا مـع شوقهـا
لاشان وجه اللاش وجهك ما يشين
وأنا أدري أن الناس دون حلوقهـا



الله الله كفووووووووووووووو يابني عمي انا في صف البركان وشد حيلك يابو سعييد وترووني متاابع
البركان الثائر
26-03-2005, 06:39 PM
راكان اليامي هلا بك
لا هنت خلك بصفي من غير أقصور في حبيب
ههههههههه
حبيب
26-03-2005, 11:22 PM
هلا ياراكاان واهم شي انك في الصف

البركان استلم لاهنت


يا مطيب اللي مثلك يمد السمين=عليا معا ابو زيد يا معشوقهاا

افهم كلامي وانت رجال (ن) فطين= برقا ترا ماتغتني عن رووقهاا
ذياب
27-03-2005, 04:49 AM
يااااااااااااااااااسلااااااااااااااااااااام
الله الله الله
مبدعين
البركان الثاير صح السانك يالقرم
حبيب صح السانك يالقرم
وووواصلو متابع
فهد بن محسن
27-03-2005, 07:20 AM
البركان الثاير


حبيب


تسلمون والله العظيم


يعطيكم الله العافيه ... وبيض الله وجيهكم على هذه المحاوره المميزه

تحياتي لكم جميعا

مافيني حيل امسك الصف ( ههههههههههههههههه)

واصلو واصلو متابعين

تحياتي
البركان الثائر
27-03-2005, 08:27 AM
ذيا ب
لا هنت يا الطيب
البركان الثائر
27-03-2005, 08:28 AM
فهد بن محسن
لا هنت يا الطيب
البركان الثائر
27-03-2005, 08:30 AM
حبيب أستلم

حبيب يقرأ من رياض الصالحين=وألا مصر تبكي علي فاروقها
شرواك أحطه يا السنافي لي قرين=والحر منزاله علي شاهوقها
أبو ناصر
27-03-2005, 09:50 AM
الله الله مبدعين بالبركان الثائر وياحبيب وصح الله السنتكم

واصلوا وانا في صف حبيب ولاقصور في البركان
البركان الثائر
27-03-2005, 09:52 AM
سمو الامير
لا هنت علي المرور
وخلك بصف حبيب
وأنا بعد في صفه
حبيب
27-03-2005, 04:52 PM
الله الله استلم يا البركاان


انا قريت الكتب وانتم خابرين=وش الطيور اللي تهد سبوقهاا

الله يجمعنا على دنيا ودين=ياربعنا اللي طيبات اعموقهاا
حبيب
27-03-2005, 04:53 PM
ذياااب لاهنت على المروور والمتابعه


فهد اخذ لك بيالة شاهي وامسك الصف


سمو الاميرر يشرفني ان اصحاب السمو في صفي
البركان الثائر
27-03-2005, 05:05 PM
لا هنت يا حبيب وأستلم
الليل توه ساري

تذكر زمان(ن)فات والعاقل ذهين=يوم الحباري في ذري زملوقها
حبيب همك بس جمع المسلمين=يهود خيبر ما تعرف أطروقها
السنافي
27-03-2005, 05:17 PM
الله يعطيكم العافيه جميعا

واصلوا الابداع
البركان الثائر
27-03-2005, 05:21 PM
السنافي لا هنت يا الطيب
حبيب
28-03-2005, 01:13 AM
بركان يابركان خل النايمين = اللحمه النيه حرام (ن) ذوقهاا

ازعل ليا شفت العرب متقسمين= واتعب على العله واخيط فتوقهاا
حبيب
28-03-2005, 01:16 AM
السنافي لا هنت يا الطيب
البركان الثائر
28-03-2005, 09:09 AM
الله لا يحرم شعوب الرافدين=الفقع يلقط من طرف رقروقها
دنيا علي الأجواد شانت ما تزين=وعتيّقه يحكم بها معتوقها
أبو ناصر
28-03-2005, 10:17 AM
بركان يابركان خـل النايميـن ****اللحمه النيه حرام (ن) ذوقهـاا

الله الله

واصلوا وحنا متابعين
حبيب
28-03-2005, 04:24 PM
الله الله استلم ياالبركاان



الله يذل الكافرين الملحدين=والرافدين اهله قليل اوفوقهاا

اصبر ترا المولى يعين الصابرين=لو الغشم ركبت سفن وتسوقها
حبيب
28-03-2005, 04:24 PM
الاميررررررر تسلم على المتااابعه
البركان الثائر
29-03-2005, 09:23 AM
أستلم يا حبيب

العز من فوق الجنايز كل حين=والحيه الملساء سموم أشدوقها
متي علي الله ناصل الدر الثمين=غبة بحرها دونها زاروقها
البركان الثائر
29-03-2005, 09:25 AM
سمو الامير
والله أنك مخلص مع حبيب ههههه
أبو ناصر
29-03-2005, 09:38 AM
ههههههههههههههههههههه

البركان والله انك شاعر جزل ولا فيك حكي لكن بعض البيوت يشدك معناه
البركان الثائر
29-03-2005, 10:23 AM
سمو الامير ههههههه
مدام هذا كلامك خلاص يا حبيب لا هنت هات بيتك
ونشوفك علي خير يا الطيب
أبو ناصر
29-03-2005, 10:26 AM
صراحه المحاوره هذي قمه ونتمنى نشوف غيرها بينك وبين حبيب

وانت يالبركان ولا قصور في حبيب بركان على اسمك ماشاء الله عليك<--على شان العين ههههههه
البركان الثائر
29-03-2005, 10:42 AM
سمو الامير مشكور
وان شاء الله بتشوف محاورات جديده
ابومحمد الشامري
29-03-2005, 11:27 AM
لا هنتم يا النشاما على المحاروة الرائعة التي جرت بين الاخوة الاعزاء ( البركان الثائر ، وحبيب ) والشكر موصولا للاخوة الاعضاء على التفاعل الطيب وان شا ءالله نشوف محاورات رائعة قادمة.
فهد بن محسن
29-03-2005, 11:28 AM
الاخ \ البركان الثاير

الاخ \ حبيب

ابدعتو .. وماقصرتو ... وصح الله اللسنتكم جميعا .. تحياتي لكم جميعا

واصلو اذ عاد في روسكم حب ماطحن

تحياتي مره اخرى
د.فالح العمره
29-03-2005, 11:31 AM
الاخوه الشاعرين البركان الثاير وحبيب الله لا يهينكم على هذه المحاوره الراقيه فعلا جزله وممتعه

ونحن في انتظار ابداعاتكم

اخيكم فالح العمره
حبيب
29-03-2005, 05:00 PM
الاخ البركااااااااااان لالهنت يالغااالي وتشرفت با اللعب معك


واستفدنااا منك وان شالله لنااااا لقاااا قريب

استلم لاهنت


لاهنت ياللي ماسك السيف السنين=والملعبه مايجهلك طاروووقهااا

اسمع كلامي بامر ربي وااصلين=والبدو نخلي مرحها وربووقهاااا
حبيب
29-03-2005, 05:03 PM
سمووو الاميررر


ابووحمد


فالح العمرره


فهد بن محسن

لاهنتوووووو على المتاااابه


تحياااااااااااااااتي
البركان الثائر
29-03-2005, 08:22 PM
ابووحمد


فالح العمرره


فهد بن محسن

لاهنتوووووو على المتاااابه

حبيب لا هنت ومشكور علي هذه المحاوره الطيبه
فهاد العجمي
30-03-2005, 12:15 AM
ياسلام ويا سلام

ويالطيف عليكم يالبركان وياحبيب فعلا محاورة جزلة وحامية ومما يفرح الصدر وجود شعراء متميزين في منتدانا اللي نأمل انه يتواصل ابداعه ويستمر على تميزه وتألقه

شاكرين لكم ونأمل لقائكم في محاورات لاحقة
البركان الثائر
30-03-2005, 10:46 AM
فهاد العجمي
لا هنت وبيض الله وجهك
علي هذا الكلام الطيب