عــشــرة الخــشــره

[ابراهيم آل ربوع]

بسم الله الرحمن الرحيم
اخواني واخواتي



مشرفين وأعضاء ورواد منتدى العجمان ,,

السلااام عليكم ورحمة الله وبركاته

,,


اضع بين ايديكم هذه القصيده المتواضعه,,, كأول قصيده في هذا الصرح اللذي اتشرف فيه بطرح ماينال استحسانكم

متمنياً ان تلقى منكم القليل من الاعجاب


,
,
,
,
,
,


بعض الرفاقه ,,


تحس ان مالها لازم ,,,



والبعض ,,,

في ذمتي ..
.

.
.
.
.
.


عشره على عشره













اشره على من ذخرته ساعـة الـلازم=ولا صديق الفهاني ,, فلا عليه اشـره
اللي على الضيم ياقف ماقـفٍ حـازم=ان كلّحت وان صفت يبقى معي خشـره
اللي اذا قلت تكفاااا ,, حالـف وجـازم=انه يقول احتزم ,, لعن امهـا عِشـره
الصاحب اللي على الشـدات متعـازم=وان فّز .. فزت معاه من السكن عشره
هذاك انا له على ضيم الزمـن هـازم=وان شان وقته طويت الساعه الحشـره
ابقى معه في القسـى والليـن متـوازم=خوه على الطيب ,, ماهي خوة الدشره
ولا رفيق الرخا ,, مانـي لـه مـلازم=ان جا.. هلا ,, وان ذلف فالقاع منتشره
اللي لما اقبلت شفتـه كاشـر,, وبـازم=يحسب اذا صد بانشد عنـه وآحشـره
لي خـوة ٍ كنزهـا بالجيـب متـرازم=وجه السعد في لقاها .. يانبـا الكشـره
إلق الحيايـاااا .. جعـل مابيننـا لازم=مادام كنـزي رفيـق ٍ يعتـب ويشـره






وسلامتكم






فائق احترامي










teebsaund@hotmail.com

[ابومحمد الشامري]

لا هنت يا ابراهيم على القصيدة الجزلة صح لسانك يا السنافي على هذا الابداع الشعري الرائع.

ننتظر جديدك القادم طال عمرك

[راكان اليامي]

لي خـوة ٍ كنزهـا بالجيـب متـرازم
وجه السعد في لقاها .. يانبـا الكشـره
إلق الحيايـاااا .. جعـل مابيننـا لازم
مادام كنـزي رفيـق ٍ يعتـب ويشـره

الله الله يابراهيم وصح الله لسانك ياذيب قصيده جزله من جزل

[محمد الشامري]

الله الله

لاهنت يا ابراهيم وصح الله لسانك

قصيده جزله من شاعر جزل

[ابن وعيل]

صح لسانك اخوي ابراهيم على القيدة الجميلة من شخصك الكريم

ننتظر جديدك وابداعاتك يالسنافي

[فهد بن محسن]

الاخ \ ابراهيم ال ربوع

صح لسانك مليووووون ولا يكفوووووون

صح لسانك يابراهيم ... ومرحبابك في هذا المنتدى بين اخوانك ... قصيدة جزله .. ووافيه ... تعبر عن واقع نعيشه ونراه في حياتنا اليوميه ... وهي من اهم الاشياء بالنسبه للرجل ,, وهو الخوي ,,والصداقه .. والصحبه ..

تحياتي لك يابراهيم ... ولاهنت على هذه القصيده الوافيه

وننتظر جديدك يالغالي

اخوك \ فهد بن محسن

[العنيد]

يا سلاااااااااااااااااااااااااااام عليك يا خوي ابــــــــــــراهيم ....انا اشهد انه قصيدتن حلوتن جدا....وجعلها اتحلا دنياك يالسنافي...

لك خالص شكري وتقديري

[مجري الهياب]

صح السانك
اشره على من ذخرته ساعـة الـلازم
ولا صديق الفهاني ,, فلا عليه اشـره
اللي على الضيم ياقف ماقـفٍ حـازم
ان كلّحت وان صفت يبقى معي خشره

أشهد انك صادق

[أبو محمد]

صح لسانك يالسنافي ولاهنت

[الـكـادي]

اللي اذا قلت تكفاااا ,, حالف وجـازم
انه يقول احتزم ,, لعن امهـا عِشـره
الصاحب اللي على الشـدات متعـازم
وان فّز .. فزت معاه من السكن عشره



جيت على الجرح

وين ذاك الخوي