يا يام افزعوا

[الصمت]

تكفون يا يام افزعوا لبن ابن فطيس . ترا القبايل تحاموا. وقرب مثال اجتماع امطير امس بالعارضيه مع تركي 2000 وكان من الشخصيات البارزه النائب ماجد موسى. وعلمن ان التبرع الي وصل تركي 2000
150 الف دينار كويتي. وتكفون يا يام افزعوا بلي تقدرون بالمال والحال والله لايهينكم

[عبدالله آل عامر]

لاهنت يالصمت والعشاء كان استضافة من عضو المجلس البلدي ماجد موسى المطيري للشاعر تركي الميزاني

ويحق لهم يدعمون شاعرهم وبإذن الله ماحن مقصرين عند المحيط الهادئ

[الصمت]

يامرحبا ياعبدالله ال عامر. نبي التوصيات لبن عمنى ونبي الدراهم الي بالبنوك تظهر محنى بقاصرين عن غيرنا

[عبدالله آل عامر]

بإذن الله ماعند أحد قصور :)

وإن شاء الله اللقب لابن فطيس

توكلوا على الله وكثفوا التصويت

[العجمي بدر]

يبشر بالخير وصبيان يام عند وجهك
لاهنت وبيض الله وجهك

34

[مهرة النسيان]

وشدعوه 150 الف
خلاص يعطيها تركي ويطلع من البرنامج احسن
مبالغات بصراحه :)
الصمت ادري من اهتمامك اتقول كذا بس حدث العاقل بما يعقل <<معليش دفشه شوي
السموحه منك:)

[محسن بن فطيس]

مرحبا والله لا يهينك يا الصمت على تفاعلك


همسه في اذن مهره : ترى المسأله ماهي مسألة فلوس لا والله

المسأله مسألة لقب.. مسألة مركز اول

والله لو اخسر مليونين واحصل على اللقب


تحياتي للجميع

[مهرة النسيان]

ادري المسأله مهيب عشان المليون ,,
بس المبالغات زادت,,
وحن ماهمنا الفلوس ربي مغنيه منها بس عشان اللقب مثل ماقلت,,
وعلى العموم شاكرة لك تعليقك ,,

[جلمود صخر]

(الاسهم ما خلت شي ..... خذت اللى معنا .....)هههههه

والله ان ابن فطيس يستاهل اكثر من مليون .... بس راح نقدم الغالى والرخيص للشاعر الميون ... يستاهل ها اللقب اللى راح ياخذه ابن فطيس
حنا .... نرسل ... والباقى على الله


الله يعطيه لقب شاعر المليون يكفى هذا عنا الدرهم

[زبن الونيه]

يا حيف والله يايام ان فاز احد غير بن فطيس باكر

ان فاز احد غير بن فطيس فنلبس براقع العذارى احسن

صوتووووووووووووا يا عصابة راسي

[بندر العجمي]

بإذن الله ماعند أحد قصور

وإن شاء الله اللقب لابن فطيس

توكلوا على الله وكثفوا التصويت

[ابومحمد الشامري]

وجاري التصويت على رقم

34

الهمام يا صبيان يام