محاوره بين مدران اليامي وبين بن شديد القحطاني

[راكان اليامي]

هذي محاوره ممتعه بين الشاعر بن مدران والشاعر بن شديد

وانشاءالله تحوز على رضاكم

بن مدران




ياسلام الله سلام مبتدا زين الكلام
للكريم اللى يوفى للرجال حقوقها

والكلام اللى تقدم ياعميلى بالسلام
ميزة اللى بالمراجل بينات فروقهاا



بن شديد




مرحبا بك يالمسلم عد همال الغمام
ياعميلٍ للمراجل قطف زملوقهـا

اشهد انكم بالمواقف كفو يعيال يام
لا بتٍ بالمرجله كايدات ا طروقها





بن مدران



ماعليكم زود وانتوا ياعزيزيـن المقـام
من توسع فى عداها جرحها وفتوقهـا

حلفنا معكم قديم(ن)جاوز التسعين عـام
وبندقى فى الحق الك ياصاحبى باسوقها




بن شديد



عارف راعى الشدايد يشدّ به الحزام
يرتكي للكايـده طاقهـا مطبوقهـا

ابشر بعزك وقسمك على فرخ السنام
والتحالف ذخرنا ماكـنٍ موثوقهـا




بن مدران




تسلم وتبقى وجعلك يالكريـم ابنالكـرام
فى مراقى العز ترقى لين تاصل فوقهـا

والله يجنب طريقك عن دروب اهل الحرام
وان لفيت البصره احذر لايغرك سوقهااا





بن شديد



الهمام اليا لقى له على دربـه همـام
..يقطع الفرجه والاسرار في صندوقها

ما دريت اني بمكه و لابسلـي حـرام
والاداوي ما ما اتريّق على مسحوقها




بن مدران



حجك مبارك وربى يغفر ذنوب الانـام
ورحمة الوالى وسيعه ياعساك تذوقهااا

والله الله يامحمد فى صلاتـك والقيـام
نخلة الجنه تحرى من يهز اعذوقهـاااا





بن شديد



يامحمد قـم تحمـد وكثـر فاصيـام
.والحديده حاميه يعتـدل مطروقهـا

ابشر اني قاضي الفرض ماشي بالنظام
ماخذن حقي ومعطا الرجال حقوقهـا




بن مدران



يوم ابو زيد الهلالى ماتمسـوك بالبشـام
ليه بنته ياعميلى ما انكـرت معشوقهـا

عاهدت ربى وطافت من على البيت الحرام
وقالت التوبه ألاهى واخلفـت منطوقهـا






بن شديد



كل فارس لامتطى ظهرها فك اللجام
والبدو ترسل طلبها وتاخذ نوقهـا

الطيور الصارمه غرها شبك الحمام
لين صارت ملك صقارها وسبوقها




بن مدران




المطر والسيل مقبل من على روس العجام
والسحايب ياعميلى ناض لمـع بروقهـاا

سارى(ن)ليله ومعطى للبدو روس الجهام
والشجر فى مقدم الوديان قـام يسوقهـا





بن شديد



مرحبا ياماطر الوسم ونياقي حيـام
.باارد الهجلة وسيل الخيال حقوقها

مشكل دامك تغني وذابحـك الغـرام
زبنت ابو زيد الهلالي حجرها شوقها



بن مدران




عنب صنعاء قضينا وانتهى حل الصـرام
والصحارى يامحمد مانبـت رقروقهـااا

الجليلـه يـوم طقـت ياعميلـى باللثـام
كل شاعر ساق حرفه واعلقه فى موقهاااا





بن شديد



انت ياكبتن توكل على الرب السـلام
واتجه في مغرب الارض ولا شروقها

مير ماهوب اي واحد تبادله الكـلام
المجامل كثر والناس صكة سوقهـا



بن مدران




العرب قامت تزاحم بين زمزم والمقـام
والملك فـى توسعتهـا مدهالنثوقهـا

والعساكر يوم صفوا واستلامن باستلام
ماحدن لزم الحرامـى لايجيويبوقهـاا



بن شديد




بين الضحكه محمد وكثّـر الابتسـام
.والحجيج صدورها تنفجر من ضوقها

السريه جاهزه وانت تبغـى الانتقـام
قوّم الثـوره ومطرودهـا ملحوقهـا




بن مدران




ننهى اللى به بدينا يالحشيم ابن يالحشيم
بالشكر للى حضرها واسعده طاروقهـاا

والله يباعد دروبك عن دروب اهل الحرام
لكن البصره حذارى لايغرك سوقهـااااا

[فهد بن محسن]

ابو سالم

تسلم على ما اخترت وما كتبت .. وتشكر كل الشكر على الاختيار الجميل

تحياتي لك .. ولا تحرمنا ابداعك

[راشد المري]

والله يباعد دروبك عن دروب اهل الحرام
لكن البصره حذارى لايغرك سوقهـااااا

يا سلام سلم هيضتنى ياولد لله درك يابن مدران والله لايهينك ياراكان

[أبو محمد]

لاهنت يا ابوسالم على مانقلت لنا يالغالي

[راكان اليامي]

ارررررحب يابن محسن وتسلم على الرد يالغاالي

[راكان اليامي]

ارررحب يابن مطير وتسلم على الرد يالسنافي

[راكان اليامي]

ارررررحب يابن مصرا وتسلم على الرد يالسنافي

[ابومحمد الشامري]

لا هنت يا ابو سالم على المحاورة الرائعة بيض الله وجهك يا السنافي

[عبدالله الوعيلي]

يعطيك العافيه يا ابو سالم

[راكان اليامي]

الله يعافيك يالغاالي

[فهاد العجمي]

الله الله الله الله

ياسلام عليك ياراكان اختيار موفق

محاورة جزلة بمعنى الكلمة

لاهنت وبيض الله وجهك

[راكان اليامي]

ارررحب يابن شايقه وولا انت يالغالي

[راكان اليامي]

ارررررررحب يافهاد وتسلم على الرد يالسنافي

[اخو ظبية]

تسلم يابوسالم

[راكان اليامي]

ومن قال يسلم طال عمرك

[السنافي]

الله الله الله الله

ياسلام عليك ياراكان اختيار موفق

محاورة جزلة بمعنى الكلمة

لاهنت وبيض الله وجهك

[راكان اليامي]

هلا وغلا يالسنافي والله يعافيك يالغالي على الرد

[غـــــــ الروح ـــريـب]

راكان اليامي
==========

لاهنت والله على هالمحاوره ياسنافي

وصح السان الشعرررررراء

[راكان اليامي]

اررحب ياغريب الرووح وولا انت يالغالي