عبد الله اليامي ينخا عتيبه ويبشر بالفزعه

[المقاطي]

في منتدى الهيلا ربعي وعزوتي جاتنا نخوة ابن عبيان اليامي يقول :

تكفون ياعتيبه هل الوقفه مزبّنت الدخيـل
انا دخيل العزوه اللي من زبنها مايضـام
المستحيل بدبرة العتبان ماهـو مستحيـل
واصغر عتيبي لن نخيته قام وابه العز قام
وانا اتعزّوا فالقنا والدرع والسيف الصقيل
ومعي صناديد الرجال (عتيبه وشمر ويام)

ويبشر بفزعة الهيلا وانا ولد ابوي:

كلبونا معك ياليامي يابوقاف(ن) جزيل
من نخى ربعي عتابة والله انه في سلام
تكفون ياربعي عتابة ياهل الباع الطويل
عبدالله اليامي نخاكم يارفيعين المقـام
صوتوله بالرسايل يوم مافيكـم بخيـل
وان كتبه الله يفوز ابها ولا فيها كـلام

وابشروووووو بالفزعة يا يام

[البدوي]

كفو كفو كفو ما فيكم قصور يا عتيبه ولا قصور في شمر الشى هذا غير مستغرب عليهم

[راكان اليامي]

بيض الله وجيهكم يالهيلا وجعلكم ذخر وماتقصرون

[عبدالله آل عامر]

بيض الله وجيهكم يا عتيبة الهيلا ولاهي بغريبة عليكم الفزعة أول وتالي

[ابومحمد الشامري]

بيض الله وجه قبيلة عتيبه العزيزه على هذا الشعور الطيب والشيء هذا ماهوب غريبه على الهيلا وما قصرت اخي العزيز المقاطي وجعلكم على المعزه.

[عايض ال مطلق]

كفو ياعتيبه كفو يابرقا كفو ياروق

ولاهي بغريبة عليكم الفزعه والمواقف بيننا وبينكم واجد

وانشألله انها مردودة لكم والجميل بين الرجال اخذ ورد

وبالتوفيق لشاعرنا ابن عبيان

وتقبل تحياتي يالمقاطي

[@زايد بن ألغز@]

بيض الله وجيه عتيبه ولاهي بغريبه عليهم الفزعات

والله يوفق أبو صالح انشاء الله

@زايد الغزي@