قصيدة بن هذال (امير عنزه) في نجد

[سالم العنزي]

السلام عليكم ورحمة الله وبركاته
اهدي لكم هذه القصه والقصيده ولا اعرف ان كانت مكرره ام لا

وهي عن هجرة قبائل عنزه من نجد حيث كانوا يسكنون فيها والسبب هو القحط وقلة الامطار والجوع الذي اصابها

كما قال شيخ عنزه عبد الله بن ماجد الهذال :-

سبع سنين ما لمع فيك بارق ** مات الحلال ويبست الاشجار

واصل مدينة بريده للشيخ ابن هذال ثم باعها لراشد الدريبي سنة 985هجري

وبعد هجرة آل هذال من نجد بقي عمار اخو مسعود عبد ابن هذال في نجد مع زوجته ولم يذهب مع اعمامه وصار

يرعى بحلاله وهو مشتاق لبيوت الهذال وشبت النار وافعال الفرسان

وهذه هي القصيده كامله للشيخ عبدالله عن نجد :-

1-يانجد لاجاك الحيا صيحي لنا # وشبي لنا بدار المزوزي نار

2-يانجد لا جاك الحيا وصي لنا # لازان وقتك وارسلي عمار

3-جالك قليل الفود من شان الغنم # وخلا بنات الهرش معنا بكار

4-اخوها خذله زوجة من هل القرى # وشارت عليه وطاوع الاشوار

5-ومن طاوع العذرى علىغير صايب # يصير كما اللي ضاع بالنهار

6-حلفت انا يانجد ما ارخصك عندي # مير الدهر والوقت فينا جار

7-جرتي علي وانا معذي جنابك # وبالسيف الاملح نهذب الاشرار

8-سبع سنين ما لمع فيك بارق # مات الحلال ويبست الاشجار

9-حاميك انا يانجد بالرمح والقنا # من لابت تسقي الخصيم امرار

10-حنا شباة الحرب صبيان وايل # ملجى الضعيف مدلهين الجار

11-حنا هل العادات اخوان بتلا # اليا جفتنا الدار نلقى دار

12-لا جارت الديره علينا وامحلت # وشفنا لنا بدار العدو مخضار

13-نجي علىوضح النقانرهب العدا # مـاكننـــــا يمــــهـــم زوار

14-يانجد شفي فيك طير وعيره # وغمر الحطب لا حط فوق النار

15-اقفيت من عندك بنمرى ضريه # عسى همها يغطي الجبال غبار

16-ادنى منازلنا بوادي النعايم # واقصى منازلنا بغار شار


والسلام عليكم ورحمة الله وبركاته

[ابومحمد الشامري]

لا هنت يا السنافي على القصة والقصيدة الجزلة ونعم مليون ولا تكفي في عيال وايل وربع ابن هذال .

[راكان اليامي]

لاهنت ياسالم وتسلم يمناك ومليوون نعم في عيال وايل

[monamora]

الله يعطيك العافيه يالعنزي :)

[فهد بن محسن]

لا هنت يا السنافي على القصة والقصيدة الجزلة ونعم مليون ولا تكفي في عيال وايل وربع ابن هذال

وتشكر يامحمد العنزي .. ولا تحرمنا جديدك

تحياتي لك

[اخو ظبية]

والله هذي من القصايد الجزله والمحزنه جدا لان اصعب شئ على الانسان فراق من يحب غصب عليه وابن هذال حمى محبوبته نجد من كل الاخطار والجيوش ولكنه لم يستطع حمايتها من الجوع والقحط ففارقها وهذا دليل ان عنزه مايقواهم الا ربهم وعلى قولت الاولين<كل قوم والا قوم عنزه>ومشكور يابعدي على ذا القصيده

[وسيع البنايد]

الاخ سالم لاهنت على نشر هذه القصيدة الشهيرة
تحياتي

[المتحدي]

لا هنت يا سالم عاى القصة والقصيده الجزله
و ونعم يا بني وايل ولك سلامي

[محب العجمان]

والله هذي من القصايد الجزله والمحزنه جدا لان اصعب شئ على الانسان فراق من يحب غصب عليه وابن هذال حمى محبوبته نجد من كل الاخطار والجيوش ولكنه لم يستطع حمايتها من الجوع والقحط ففارقها وهذا دليل ان عنزه مايقواهم الا ربهم وعلى قولت الاولين<كل قوم والا قوم عنزه>ومشكور يابعدي على ذا القصيده



صدقت أخوي اخو ظبية

عنزة و شيوخهم ال هذال من اقوى و اشجع القبائل و اكرمها و اكبرها من غير قصور بالقبائل الاخرى .