راشد المري
14-03-2005, 07:28 AM
يا موتري ساموك مني وعييت 000 لا نيب متحسف ولا نيب غادي
ابي ليامني عن الدار مليت 000 لينك توصلني ديارً جدادي
لا صار تعبير الضماير تناهيت 000 وكثرت على ضيق المجال الدوادي
دقيت سلف الجيب من غير توقيت 000 عند الضحى ولا بنص الهجادي
صوته يشتت ضيقة الصدر تشتيت 000 بالقار ولا مع خطوط الحمادي
البر يا خالد وانا ابوك لانويت 000 تراه طب موجعين الفوادي
لادجت ساعه في الفياض وتمشيت 000 والله ما غبط منصبين البلادي
صوت ام سالم يوم ترسل زغاريت 000 عندي يفوق منوعات الروادي
وشوف الضعون تسير واللي رعت هيت 000 واللي فحلها ما يعرف القيادي
واللي عويل نجورهم له تصاويت 000 واللي سناها من بعيدً ينادي
وشوف البيوت مشيداتً بتثبيت 000 ومطارد الحيران عقب الرقادي
اخير مما ينتج النفط والزيت 000 واخير من كيل الذهب والحصادي
ولا باس لا مـنك لجدك تنصيت 000 يا خليد شوف العود شربي وزادي
جدك تنصاه الرجال المناعيت 000 لا شان وجه الوقت والهم زادي
ذبّـاح حيلً للنشاما هل الصيت 000 على القدا ولا على غير قادي
وان كان يا خالد بفعله تقديت 000 ما يفرحون اهل القلوب الحقادي
ما للردى عندك مقرً ولا بيت 000 ما بين عمـّان وخوال ومبادي
وابعد عن اللي يعملون التواليت 000 اللي لهم فالسوق جره وعادي
الداشرين الصايعين السرابيت 000 حيين لكن يا حياة الزهادي
خلك مع شخوص الرياجيل لا وميت 000 كم واحدً منهم نفع واستفادي
ولا تنثني لو كان للشر حديت 000 بكلاش ولا بشتباك الايادي
اقلط على البارود لو تنحسب ميت 000 موتك ولا قول الذليل الربادي
مالك عن المقسوم لو عنه صديت 000 الموت واحد والسبايب جرادي
ناصر ابن لقرع
ابي ليامني عن الدار مليت 000 لينك توصلني ديارً جدادي
لا صار تعبير الضماير تناهيت 000 وكثرت على ضيق المجال الدوادي
دقيت سلف الجيب من غير توقيت 000 عند الضحى ولا بنص الهجادي
صوته يشتت ضيقة الصدر تشتيت 000 بالقار ولا مع خطوط الحمادي
البر يا خالد وانا ابوك لانويت 000 تراه طب موجعين الفوادي
لادجت ساعه في الفياض وتمشيت 000 والله ما غبط منصبين البلادي
صوت ام سالم يوم ترسل زغاريت 000 عندي يفوق منوعات الروادي
وشوف الضعون تسير واللي رعت هيت 000 واللي فحلها ما يعرف القيادي
واللي عويل نجورهم له تصاويت 000 واللي سناها من بعيدً ينادي
وشوف البيوت مشيداتً بتثبيت 000 ومطارد الحيران عقب الرقادي
اخير مما ينتج النفط والزيت 000 واخير من كيل الذهب والحصادي
ولا باس لا مـنك لجدك تنصيت 000 يا خليد شوف العود شربي وزادي
جدك تنصاه الرجال المناعيت 000 لا شان وجه الوقت والهم زادي
ذبّـاح حيلً للنشاما هل الصيت 000 على القدا ولا على غير قادي
وان كان يا خالد بفعله تقديت 000 ما يفرحون اهل القلوب الحقادي
ما للردى عندك مقرً ولا بيت 000 ما بين عمـّان وخوال ومبادي
وابعد عن اللي يعملون التواليت 000 اللي لهم فالسوق جره وعادي
الداشرين الصايعين السرابيت 000 حيين لكن يا حياة الزهادي
خلك مع شخوص الرياجيل لا وميت 000 كم واحدً منهم نفع واستفادي
ولا تنثني لو كان للشر حديت 000 بكلاش ولا بشتباك الايادي
اقلط على البارود لو تنحسب ميت 000 موتك ولا قول الذليل الربادي
مالك عن المقسوم لو عنه صديت 000 الموت واحد والسبايب جرادي
ناصر ابن لقرع