فزاع
14-03-2005, 06:01 AM
هذي القصه حدثت في الجزيرة العربية منذ مئة سنة تقريباً أنه كان في رجال أهدر دمه من أحدى قبائل الجزيره لقتله أحد أفرادها وبحثت القبيله عن الرجال ووجدوه واختطفوه وأحضروه لديرتهم ,اسألو أهل المقتول فقال أخوان المقتول خلوه واحنا نتصرف معه على طريقتنا وكانت فكرتهم أنهم يربطونه من ايدينه ورجلينه ويدفنون كل جسمه في الرمل ويخلون راسه عشان يتنفس بس يموت من الجوع والعطش وفعلاً سووها وخلوه في البر ويوم طاح الليل وأظلمت الدنيا والواحد ما يشوف يده جاه ذيب جايع وكشر له عن أنيابه وقال صاحبنا انا الليله يا قاتل يا مقتول ولكن كيف يقتل الذيب وهو مكتف ومدفون وما يتحرك من جسمه إلا راسه؟؟!!!
ويوم قرب الذيب وقعد يشمشم عشان يعرف وش ذا المخلوق اللي كل جسمه راس!!!
وقرب خشم الذيب عند ثم الرجال عظ الرجال الذيب من خشمه وظل عاظه إلين بغى يقطع خشم الذيب من وجهه والذيب من شدة الألم والخوف قام يحفر ويحفرويسحب الرجال وصاحبنا خايف يتركه الين طلع صاحبنا من الحفره وهو عاظ الذيب فلت الذيب خشمه من ثم الرجال وهرب بعيد ونجى الرجال من الذيب ومن القبيلة وعود أهله. قصه حقيقيه سمعتها من شايب!!
ويوم قرب الذيب وقعد يشمشم عشان يعرف وش ذا المخلوق اللي كل جسمه راس!!!
وقرب خشم الذيب عند ثم الرجال عظ الرجال الذيب من خشمه وظل عاظه إلين بغى يقطع خشم الذيب من وجهه والذيب من شدة الألم والخوف قام يحفر ويحفرويسحب الرجال وصاحبنا خايف يتركه الين طلع صاحبنا من الحفره وهو عاظ الذيب فلت الذيب خشمه من ثم الرجال وهرب بعيد ونجى الرجال من الذيب ومن القبيلة وعود أهله. قصه حقيقيه سمعتها من شايب!!