((((صــــــدام يذبح يوم حنا احتفلنا,,,,وين الفرح ياهل القلوب الزهايد))))

[مشهور عبدالله العجيري]

صلوا على النبي








((((( وسم الوجيه)))))





شفت العرب كل(ن) بعيـده تهنـا=كل(ن) ذبح عيـده وعـود يعايـد

والغرب تذبح عيد (رجـال) منـا=لا والله الا شفت علـم(ن) وكايـد

قلت....العروبـه طبعهـا ماتونـا=مثل العصب بالكف والشور صايد

خاب الرجا فالظن...والصدق حنا=اسم علـى كبـره سقيـم الفوايـد

رحنا شتـات وشتـت الله شملنـا=والهتك في رقاب المخاليق سايـد

وين الحميـه ياهـل الديـن عنـا=الدم فوره من بـلاء الوقـع زايـد

عدونـا يانـاس قــام وهـدنـا=غبن وقهر والموت صـدام قايـد

صدام يذبـح يـوم حنـا احتفلنـا=وين الفرح ياهل القلوب الزهايـد

وسم الوجيه اليوم صبـح انغبنـا=احدن سكت و احدن تغبا وحايـد

وين العرب ياوين (كنـا) و(كنـا)=عصر الحروب المضرمات الشهايد

منا (صلاح الدين) ولاسلـت قلنـا=القدس تشهد قبل جـور الضهايـد

ومنا( قطز ) يوم ( التتار) اتحنـا=بدم الشعوب اللي جعلوها حصايـد

فعله علـى التاريـخ ذكـره يثنـا=يبقى على مر العصـور الشدايـد

والمعتصـم بالله زبـن المجـنـا=يوم انتخت بسمه غضيض النهايـد

لبا علـى جيـوش زحـول اتفنـا=في كسبها للمـوت مثـل الفرايـد

ياليت عصر جابهـم ينعـاد لنـا=ضعنا مع كثر اختـلاف العقايـد

فيالله ترحـم حالنـا مـن عملنـا=وتجعل لنا نصر على الغرب عايد

حد الغضب مع فايـر الـدم غنـا=يوم العـرب كـل بعيـده يعايـد

والغرب تذبح عيـد رجـال منـا=لا والله الا شفت علـم(ن) وكايـد




ـ

[فهد بن محسن]

صح لسانك يالعجيري

ولا هنت على هذه الابيات الرائعه

تحياتي لك

[خااااالد]

اللهم صلي على محمد وعلى آل محمد >>

صح اللسانك اخوي العجيري وقصيده جزله لكن اللي انت قاصدٍ فيه جعله يموت أأأألف مره >> والحقيقه انهااا عصابه اذبحت رئيس عصابه هذا هو الواقع >>

سلااااااااام

[عايض ال مطلق]

مشهور عبدالله العجيري

صح لسانك يا جزل

وفعلا الناس يعيدون وبوش يعيد بريئس دوله

وهذا اللي ما يتقبله اي عربي ولو اظهر غير ذلك

صحيح ان هناك انتهاكات ولكن لو كان تنفيذ الحكم من العرب نفسهم او من الدوله نفسها لهانت المصيبه,,

والمصيبه أننا لا زلنا لا نعرف من عدونا من صديقنا.. للأسف رغم وضوح المعادله

لاهنت يامشهور

قصيدتك معبره فعلا وقالت ما اردته أنا

تحياتي لك

لاهنت ولا حزنت وجمل الله حالك

[سعود الخويطري]

ارحب ارحب يابوعبدالله




صح الله لسانك يالذيب ولاهنت يالشهراني



واسلم وسلم على ربوعك

[المــــبتعد]

لاهـــــــــــــنت وبيض الله وجهك ’’’ والحر مثلك ما يقبل الضيم

قصيده جزله ومعاني اصيله . تسلم يالسنافي

خاب الرجا فالظن...والصدق حنا
اسم علـى كبـره سقيـم الفوايـد
رحنا شتـات وشتـت الله شملنـا
والهتك في رقاب المخاليق سايـد
وين الحميـه ياهـل الديـن عنـا
الدم فوره من بـلاء الوقـع زايـد
عدونـا يانـاس قــام وهـدنـا
غبن وقهر والموت صـدام قايـد
صدام يذبـح يـوم حنـا احتفلنـا
وين الفرح ياهل القلـوب الزهايـد
وسم الوجيه اليـوم صبـح انغبنـا
احدن سكت و احدن تغبـا وحايـد
وين العرب ياوين (كنـا) و(كنـا)
عصر الحروب المضرمات الشهايد



---------------------------------- المــــــــــــــــــبتعد