صدمة العجمان وصدمة العالم اكبر

[ابو عبدالله العجمي]

السلام عليكم

وش حالكم

مااجوورين


احب اقووولكم اليووم اني انصدمت وغالبيه العجمان انصدموا يوم سمعوا انسحاب ولد عمنا وشاعرنا محمد ابن الذيب العجمي في مسابقة المليون


لان يوم قال المقدم الشاعر \ محمد ابن الذيب العجمي كل العاالم صفقت وهي ما حضرت الا عشاانه ... وبعدها قالوا عذرآ الشااعر ليس موجود حاليا خل نشووف راي اللجنه

واللجنه عندها قانون عند اي تغيب شاعر في مرحله من مراحل المسااابقه يعلن انسحاابه فورآ

وعلطول اللجنه اعلنت انسحااابه


وصرااحه انا عندي تحليل لانسحاابه


عشان يحافظ على شعبيته لانكم تعرفون مالها داعي يجيب العيد ويخسر المساابقه



اخيكم

ذيب آل شامر

[خالد المزيد]

لعل بالأمر خيره له .

وشكرا لك ذيب آل شامر

[*بنت الأحرار*]

ما حضرت ألا علشانه؟؟؟؟

ما أظن يا أخوي كل واحد حضر للي يبيه وصراحةً ذكرتني بالطنايا نفس الكلام الله يسلمهم يقولون الي بياخذ اللقب ولد شمر الشاعر عبدالرحمن

عالعموم والله غيابه خساره

[سلـ العتيبي ـطان]

السلام عليكم




وصرااحه انا عندي تحليل لانسحاابه


عشان يحافظ على شعبيته لانكم تعرفون مالها داعي يجيب العيد ويخسر المساابقه

وهذا تحليل آخر من خويي الدوسري


يقول مهيب غريبه عليه انسحاابه لانكم تعرفونه انه منسم وفاال السبحه



اخيكم

ذيب آل شامر

بس ليه ما ترشحون يوسف العتيبي
انا من اول قصيدة مرشحه شاعر المليون
انتظروه[/color]

[وووووووهم]

8

8


8


8


يستاااهل ابن الذيب الاعجاااب من كل الاقطار
ولكن لمااااااذا كل هذا التحيز
اوافق العجمااان على تحيزهم لــ ابن عمهم
اوافق سلطان لــ تحيزه لــ بن عمه العصيمي والسواط

ولكن نقف دقائق عند صالح بن خميس المنصوري
هذااااا المشرووووع الناااجح له كل الاعجاب وله التصويت
وليس من قبيلته وحدها بل من اكثر المصوتين تلاحظون
اختلاف القبائل بتصويت له ولا يصح الا الصحيح

<<<<<< ماااهي منصوريه ولا هي من اهل الامااارات

شاكره لك ياااصاحب الموضوع


وووووووهم

[حمــد الشهــــراني]

بصراحة سمعــــــــــــــــت انا من واحد يـامي يقول
طلعووووووه علشان انه قال انا بقول قصيدة سياسية واقتصادية
وراح تحل المشااااااااكل في الخليج من كا شئ................؟

وسلامتكم

[بن راكان]

جعله خبيره انشاء الله
وما عليه ابو راششد له شعبيته من قبل لا يدخل ذا البرنامج مهوب بحاجتن له


بـــــــــــــــــــــــــــــــــــــن رااااااااااااااااكــــــــــــااان

[محمد الشامري]

السلام عليكم

صبحتوا بالخير جميع

يالربع قولوا لا اله الا الله

اول سبب انسحاب محمد بن الذيب من المسابقه قيد بينته انا وببينه مره ثانيه

محمد .. انسحب من المسابقه .. لأنه ما شاف ناس من مستواه شعريا .. هو كان يتوقع ان تشارك معه الاسماء الكيبره مثل ضيدان بن قضعان .. سلطان بن وسام .. سعد علوش !!

لكنه تفاجأ بعدم دخول ايا منهم .. فقرر الانسحاب ..

هذا كلام محمد شخصيا .. بعد الحلقه دقينا عليه ولقيناه في لندن صارله ثلاث ايام .. وعلمنا بالسبب ذا..

ثانيا .. الكلام للربع اللي يقولون منسم وفال السبحه ؟؟ !!!

ليه ؟؟ تعرفه شخصيا حضرتك ؟؟

رجاءا من الجميع احترام الشاعر واحترام اسمه واصله .. ولايحكمون عليه بأحكام ظالمه وعيب في حق الرجاجيل .. وهو رجال معروف وولد رجال معروف ومن لابتن معروفه

ثالثا .. الكلام للي يقولون انحياز ..

انا اتحدى اي شخص هنيا واي شخص خارج المنتدى ايضا انه يشكك في امكانيات محمد بن الذيب الشعريه .. ؟؟ !!!!

صح انه ولد عمنا .. لكنه شاعر جزل ومتمكن بقووه .. واعتقد انه من افضل الشعراء الموجودين حاليا ان لم يكن افضلهم ...

العتيبي العراقي شاعر وله مستقبل وكلنا نشجعه .. قيده ابرك الماجود

المنصوري .. نسخه للشاعر محمد بن الذيب .. طريقة الالقاء .. ونفس قصيدة محمد اللي يقول فيها

لابارك الله في شجاعا مايزهب بندقه &&7 لاحداه الذل والدنيا مهيب اكبر متاع

ولاعادك الله ياعشيقن كل ماجيت اعشقه &&& ذكرني بالنبي وخونة بني قينقاع


اسمعوا قصيدة ابن الذيب وبعدها اسمعوا قصيدة المنصوري .. واترك لكم الحكم !!!

في القصيده نفسها وفي طريقة الالقاء ..



وآآسفين على الاطااااااااااااااااااله



يقوول ابن الذيب


ومن كثرة الشعار مانيب مهموم &&& اطقع الشعار في كل حاره

وهذا وانا معي حلقوم واحد وملغوم &&& انافس اهل البدي واهل الغماره

وشلون لو معي ثلاثين حلقوم ؟؟ &&& خليتهم دماستن في غضاره

ويقول ايضاااااا

اوقف الحالي وريحي عاتي &&& والعب بحسبتهم وهم مجموعه

ويقووول ايضاااا

يامرهب الشعار في كل ليله &&& ان شفتني بين الطوابير قدام


صح لسانك يابن الذيب وعز الله انك ماكذبت

[المــــبتعد]

لاهنت ياذيب ال شامر
ولا هانو الربع ,, ومشكور على الموضوع

صحيح حز في نفسنا انسحاب ابو راشد لكن الله اعلم بعذره ويش هو.

وابو راشد كبير اول وتالي ولا يهمه برنامج ( من يفتح الكرتون )

وهذا مني مسانده لموقف ابن الذيب

ابو راشد جبل ما تهتز ذاتـــه *** من لباسة عمامه ما لبس طربوش

عجمي واثق قليله ســـــواته *** حرق دم بلــــير وشتت فكر بـــوش

[*بنت الأحرار*]

هههههههههههههههههههه

والله يالشامري هذا التحيز بعينه أقول وأنا أختك هو صحيح شعره مو بزين طبعا عندي ألا قصيدته الي تحدى بها العجمـــــــــــــــــــــــــــــــــــــان الي في أمه ذيك الي طلعت منه روووعه أما غيرها هو مثل عبد الرحمن الشمري عندهم بس التحدي بأشعارهم بس وجرأة ولكن رقي وجمال بالشعر لا والله صراحةً مايعجبني تصفيف الحكي

ولا تزعلون يالعجمان وأتمنى تتقبلون وجهة نظري

[محمد الشامري]

مرحبا اختي بنت الاحرار

شوفي انا اعترف اني عنصري لربعي ..

ومثل ماقال سعد علوش الهاجري

اخذيني العنصر اللي صدق متعنصر &&& من دون ربعي لو اقطع شراييني

لكني مانيب متحيز .. خصوصا في الشعر لأنه امكانيات وذوق وثقافه .. ما اقدر اقول فلان العجمي شاعر وهو مهوب شاعر ..

ههههههههههههههههههه محمد ابن الذيب يصفف حكي ؟؟ !!!

الله يضحك سنش طال عمرش مثل ماضحكتيني

انتي الظاهر من المعجبين بالحداثه وشعرائها

رصيف الشمس في رحلة الذات واللي يقول كما شاطى نجمه بيضاء

هذا الرقي والجمال اللي انتي تقصدينه ؟؟

بالنسبه لـ محمد ابن الذيب فهو شاعر لايختلف عليه اثنين .. الا اللي مايفهم في الشعر .. وعبدالرحمن الشمري كذلك لكنه مهوب بدرجة محمد مهوب لأن محمد عجمي لا والله .. والله يشهد على كلامي .. لكن لأن امكانياته اقل من محمد شعريا ..

اذا بغيتي تعبير اصح للكلام اللي تبين تقولينه .. قولي

محمد او شعر محمد مايعجبوني .. بس لاتقولين محمد شعره مو زين ..

واتمنى انش تقبلين وجهة نظري مثل ماتقبلت وجهة نظرش طال عمرش

واهديش ذا الابيات لـ محمد ابن الذيب

ياليل خير وماذكــرتك يوم جيــت الا بخـــير &&& ماينخدم بخيل لكنك بخيل وتنخدم

لا هين الا الهينه ولا عسير الا العسير &&& ولاذميم الا البخل ولاحميد الا الكرم

واللي تعدا مرحلة (( الابداع )) والنجم الخطير &&& ان صبها صب الذهب والا رسمها لك رسم

وش فلسفة (( سقراط )) والا وش كتابة (( شكسبير )) &&& لا تلاقت حنكة (( الشايب )) وطيش (( المنفطم ))

واستؤمتها وسميت بسم الله وقلت الا يصير &&& سوت سواة المتنبي وسمعت من به صمم

الصف الاول مهوب صفي ولا الصف الاخير &&& انا انا من حيث ما اجلس هنا يبدأ الرقم

شاعر وليا حرك هجوسي رايح الغربي عصير &&& سمعتك احلى ماكتبت من القصيد المنتظم

وليا بغيت انافس الشعار واولهم (( جرير )) &&& قلت البنان يشير منه سحر والشعر حكم

وان صاحت بيوت القصايد صيحة الحر الاسير &&& اجيك كني قايد الحمله في جيش المعتصم

وآآسف على الاطــاله

[سعود الخويطري]

عزالله ان غياب محمد ابن الذيب خساره كبيرة



ومتابعين مسابقة شاعر المليون انصدموا لعدم تواجده



ومحمد الشامري كفا ووفوا بخصوص شاعرية ابن الذيب



واسمحولي يالنشاما بنقل الموضوع لـ قسم اخبار الشعر والشعراء

[*بنت الأحرار*]

والله يالشامري الظاهر أن الحمية تلعب دوره ..

أنا الي يعجبني شعر ابن لعبون ونمر بن عدوان أما التالين الله يستر علينا وعليهم الواحد يصف له كلمتين ويقولون له شاعر

وأهنيكم على حميتكم لأبن عمكم ..

كل عام وأنتم بخير وشمر والعجمان بخير..ولايهونون القبايل

[محمد الشامري]

مرحبا اختي بنت الاحرار

وانتي بخير وصحه وسلامه

وعيد الله عليش وعلى الجميع مبارك


بالنسبه للحميه .. مثل ماقلت لش أكيد فيني حميه لربعي .. لكن في الشعر مالش لوا

واللي انتي ذكرتي مبدعين ولاحد ينكر ذا الشيء

لكن البلا اللي ينكر ابداع الشعراء الحاليين ..

مثل ماقلت لش يمكن انهم مايعجبونش .. لكن مانقدر ننكر شاعريتهم

يعني معقوله كل ذا الناس والشعراء اللي يفهمون في الشعر (( جمهور محمد وعبدالرحمن )) غلطانين وانتي بس الصح ؟؟ !!!

عالعموم انا فهمت وجهة نظرش واتمنى انش فهمتي وجهة نظري

استمتعت بالنقاش معش

ولاهنتي

وكل عام والمسلمين جميعا بخير

[بن روق]

سلام
بسم الله



اولا ً محمد بن الذيب: شاعر ماعليه غبار او لايشق له غبار

وها انا اتكلم عنه وانا لست من ابناء عمومته ولكن الحق يقال
محمد ابن الذيب لو لم يكن شاعر لما استطاع ان يجعل له قاعده جماهيريه كبيره وكبيره جدا ً

ثانيا ً : التحيز هنا للناس الذين يكذبون على انفسهم .. مهما قلنا ( نعم بكل القبايل ) لكن الشاعر الحقيقي كل ً يمدحه حتى الشيبان الشعراء..

فوالدي شاعر وكبير فالسن وعندما سمع قصيدة ابن فطيس قاال (( ابك الداهيه هذا وشنهو؟) قلنا له هذا مري ومشارك في شاعر المليون قال (( يعنك انه اللي بياخذها)) .

ثالثا ً : الشعر لايخدم قبيله عن قبيله بل يخدم الموروث الشعري خاصة ً ويخدم القبائل عامه..

لـ نرجع لإبن الذيب .. محمد ابن الذيب (( شاعر احس ان معه جن ))
لأن ابياته وافكاره ماتخطر على قلب شاعر عادي ..


ويبقى ابن الذيب من شعرائنا المفضلين والنجوم....انتهى


هذا مااردت ان اكتبه (( للأمانه ))


تقبلوا تحيات اخوووكم ابن رووق

[شبيب بن فنيس]

السلام عليكم


انسحابه كارثه


وسبب ازمات في الوط العربي :)


يا الشامري

جعلك تحيا انا عرفت نظام بنت الاحرار


تسمع ::دعيج الصباح

طف الليت شب الليت غير حبك ما لقيت

ولا تسمع للثاني الي ايقول

يالي اتطالعني وكنك ما تطالعني .,,,,. حبيبي نظتك هذي لا تكرها

هههههههههههههههههههههههههههه :)


وارحب يا ابن روق

وفعلا ابن اليب داهيه

وقبله ابيه


وترى خواله ا مره :)

[*بنت الأحرار*]

ههههههههههههههههههههههه الحمدالله والشكر ياشبيب

لا تدري من اسمع له لجاااابر الكاسر

وياليت شمر هلن لي دخيلهم مايضامى

اف قصدي ياليت الليت مسكر علشان شبيب ما يحرر مشاركه

[شبيب بن فنيس]

هههههههههههههههههههههههههههههههههههههههه

والله ما فهمت ليه احرر مشاركتي :)