المساعد الشخصي الرقمي

مشاهدة النسخة كاملة : ســـؤال / من إللي خذاها من الثاني ؟

العرجاني محمد
08-03-2005, 07:35 PM
السلام عليكم ورحمة الله وبركاته ,, مساكم الله بالخير جميع ..

دار نقاش بيني وبين بعض الشباب البارحة على قصيدة ضيدان بن قضعان إللي مطلعها يقول :( يامرحبا ترحيبة كلها لش) ,,,,

طبعا كلنا شفنا حلقة طاش ما طاش إللي مثل فيها ناصر القصبي دور العسيري إللي بطنه كبير وطلبت منه خطيبته إللي كانت تمثل دورها زينب العسكر إنه يخفف ,, وسمعناه يقول هذا البيت لها / يامرحبا ترحيبة كلها لش .. النقاش دار هنا هل ناصر القصبي خذاها من قصيدة ضيدان أم إن أبو منصور أخذ هذا المطلع وكمل القصيدة ,,,, طبعا الشباب أثاروا النقاش هذا لإن بعضهم يقول إن أبو منصور ماعمرهم سمعوه يقول هذه القصيدة قبل حلقة طاش ماطاش ولا عمرهم قروها في أحد المجلات ,,, فلذلك أرجو من عنده خبر أو علم عن هذه القصيدة أن يفيدنا بأسرع وقت


ترى الدعوى فيها تحدي وفيها عشى ,,,,,,,,,, عجلوا علينا
حبيب
09-03-2005, 03:10 AM
محمد وعليك السلام ورحمة الله وبركااااته

القصيده ياطويل العمرر لضيدان ومعروفه قبل يقولها السدحاان في طاش ماطاش


وهي قديمه يعني هم اللي ماخذينها من ضيداان وسلم لي على الربع اللي متحدينك


وخلهم يعشوونك وانا متأكد من الكلام اللي قلته100% ولاتنساا تعزمنا على العشاااء
وتقبل تحيااااتي
العرجاني محمد
09-03-2005, 02:06 PM
ويلوموني في حبك ياحبيب ,,, فكيتني في العشاء الله يفكك في الشر ...

لا توصي بأتصل عليهم ذلحين وبخليهم يجهزون العشاء الليلة الليلة ولا فيه تأخير


ويامرحبا ويامسهلا بك ياحبيب إن كانك بتشرفنا ياطويل العمر
عبدالله الوعيلي
09-03-2005, 02:12 PM
لا احد ينسانا يا الربع .. يا العرجاني محمد .. ترا الليله خميس واذا عزمتوني بجيكم .. خاصه ان الموضوع فيه تحدي وعشاء .. والاحلى من هذا كله قصيدة ابو منصور ..


في انتظار الوووووووووووووووووووووو منك يا العرجاني محمد ..
العنيد
09-03-2005, 02:15 PM
واحــــــــــــــــــــــــــد رااااااااز نفســــــــــــــــه وده ايحضــــــــــــر للعشــــــــــــــــــــــا....

هههههههههههه
لكم خالص ودي بس حبيت اقرى الموضوع فقط لا غير
ajma20055
10-03-2005, 11:26 AM
الصحيح ان هذه ل ضيدان بن قضعان وقالها في احدى قصائده التي قدمها في العام الماضي
ولا اعتقد ان شاعر كبير غني عن التعريف ياخذ كلماته من مسلسل كوميدي , ونعم في ضيدان بن قضعان
السنافي
11-03-2005, 11:23 PM
العرجاني محمد الله يهديك عساك ماكليت العشا

القصيده للمثل ناصر القصبي

ترى حبيب يبيك تعزمه بس
العرجاني محمد
12-03-2005, 12:40 AM
مساك الله بالخير يا ajma2055 وياالسنافي وياأعضائنا الحلوين جميع ومشكورين على تفاعلكم مع الموضوع

ياالسنافي ذلحين ماعاد لي شغل القصيدة للقصبي وإلا لإبن قضعان العشاء وكليناه وخلصنا ,,, خلهم يدرون ذلحين
ذياب
30-03-2005, 12:58 AM
السلاااام عليكم
عندي مداخله يالنشاااما
على حسب ما سمعت
ان احد المجلااات قامت بلقاااء مع الشاعر ضيدان بن قضعااان
وسالوووه عن القصيده وقالوله من هي له
وذكر انهااا ليست له
وهي لشاعر من ال طفله من السليمااان
والقصيده قديمه جدااااا
ولكم كل التقدير
العرجاني محمد
30-03-2005, 01:13 AM
مساك الله بالخير ياذياب ,,,,,,,,, مااظن يمكن الدعوى فيها إلتباس . ....... لإن ضيدان قال القصيدة في أمسية والظاهر إنها أمسية أبها ولا ذكر إنها للشاعر السليماني لإن قالها من ضمن قصايده إللي قال فهذا يعني إنها له ............ والإختلاف طال عمرك إللي حصل بيني وبين بعض الشباب على المطلع فقط....

عموما ,,,,

شرفتنا بمرورك ياذياب