ملكعه بس غير
01-10-2006, 02:18 PM
هذا ياطويلين العووومر والسلااامه << خاشه دووغري :D
بقول لكم قصه قريتها وانقرهت من رفالة هالرجال قلت اقولها لكم
القصه قديمه كبر جدي وجدك << بالعربي على ايام البر وبيوت الشعر :rolleyes:
هذا كان فيه وحده مزيووونه وكلن يشهد لها بالزين وكانت تماري بزينها قدام النسوان وتحرهن وكانت طخمه الوجه افدع تقول قمر تسعطعش والشعر صح مهيب ناعمه بس طويل كنه الليل وسنونها والله مدري بس اشك انها بيض ماكانو يفرشون << ليتها تسكت ولاتمدحها :D
مااطول عليكم وقومي ياهالبنت وتزوجي ذاك الرجال قامن النسوان اللي يعرفنها جاهن فضول يشوفن هالمزيونه وش خذت من الرياجيل
ويروحن لبيت الشعر اللي مجتمعين فيه الرياجيل على ضوهم وكل واحد يقص عالثاني :rolleyes: انا البارحه سهران مع جني اسولف معه وانا يوم سافرت ذيك السنه ذبحت عشرين رجال وانا مغمض المعلوم انه كل واحد يهايط ويسولف الا رجل ذا المزيونه قاعد حول الضو يخطط بعوده ويتسمع لربعه وهو ساكت
قامن الحريم من اللعانه اللي فيهن راحن للمزيونه وقامو يعايرونها برجلها قامت هي انهبلت قالت لازم اسنع الرجال واشوف له دبره وتجيه وتنشده انت وشبلاك منت بمثل باقي الرياجيل تسولف بالمجلس ولك صوت بينهم
رد عليها بجواب غبي مثل خشته :(
بس ماني قايلته لزوم الادب والاخلاق وزودن عليها ان حنا برمضان :rolleyes:
وقال انا ويني ووين العلوم والسوالف وانا مانيب راعي سواليف ومطاريش ولاعومري عتبت حدود ديرتنا ماغير اسرح بالحلال واجي اخر الليل اقعد شوي مع ذولي << رياجيل القبيله للي مايفهم عالطاير
عقبها ارقد من وين اجيب السوالف << ياخي اكذب قول سولف علي الخروف يعني وش زود الجني عنه :D
عقب هالكلام قامت مرته تهووجس وتفكرر لازم ادبر هالرجال ولااخلي نفول وعموش وزمول يضحكن علي لاوالله مااخليهن وانا بنت نوير << الاسامي من وحي الخيال :D
ويوم اصبحت الصبح وتزهب لرجلها المزوده حقت السفر وقالت لرجلها سافر ورح ولاتجيني الا بالعلوم << كيدهن عظيم
قام رجلها بغى فيها يحايلها ماااش عيت تغير رايها ترووح يعني تروووح
ويروح عنها ويهوجس في الليالي المقبلات ولاهوب متحظنن الا خرجه ولايتوسد الا نثايل الشجر وياخذ له يومين يمشي ومن رداة نصيبه ماصادف احد ولاصار له شي << ياوالله البلشه :(
ثالث يوم عقب ماغابت الشمس الا يوم شاف ذيك الضو ويروح لها ويوم اقبل الا ذاك بيت الشعر ماحوله احد ويروح له وتنطحه ذيك المزيونه
"" ملاحظه ونسطر تحتها مليون سطر :: اذا سمعت احد يسولف لك سالفه قديمه ويجي فيها طاري بنت لازم تكون مزيونه ليه ؟؟ ياترى فعلا كانن مزايين ولاذوقهم ماش ولا دعايه للسالفه ؟؟<< سؤال يؤخذ بعين الاعتبار واتمنى من كل من يمر هنا يحاول الاجابه لااحد يسفه هالسؤال :rolleyes: ""
المووهم وترحب فيه وتهلي وتقلطه ,, خوينا انفل خاطره شوي :o وقعد بوسط البيت يوم يشوف زولها مقفيه من البيت وتغيب شوي وتعود عليه وعلى متنها ذاك الغزال << عز الله اللي ماعطتني نص صحتها ماشاءالله :D
وتحذفه على خوينا الخبل وقالت له سو عشاك يالضيف
الرجال مااستنكر شي انتو استنكرتو ؟؟ << جاوبو يمكن فيه احد مثل تفكير خوينا :rolleyes:
ويطبخ عشاه ويترس بطنه ويخمد ولاوعى الا على صوت راعي البيت وهويسوي قهوته وراعي البيت يطلع ابوالبنت بس ماكان موجود البارحه يوم جا خوينا وقعد يسولف معه وينشده الشايب عن الغزال قال وويين صاايده
خوينا الخبل من قل فطنته قال مهوب انا اللي صايده هذي بنتك اقفت البارح من البيت ورجعت وعلى متنها هالغزال :o
قام الشايب بحلق عويناته ودرى ان البنت لها عشيق وهو اللي جاب الغزال لها
قام الشايب يبي يتأكد وجا الليل ويابلفيت اني نايم وقومي يالبنت واسري لحبيبها ويلحقها ابوها ولارجع الا يوم ذبحه :(
ويرجع لبيته ويجي لضيفه وياخذه للعشيق المذبوح قال له احفر قبر له وادفنه ويحفر القبر ويدفنه
قال الشايب احفر قبر ثاني :cool:
سأله خبلان ليه وشهوله الثاني :(
قام الشايب دنق البندق على راس الرجال وقال الثاني للعلم اللي صار نبي ندفنه لااحد يدري به :cool:
هنا درى الضيف انه يحفر قبر لنفسه قام تغافل الشايب ويكب في وجهه التراب ويرفع ثوبه ويطق ويركض ويركض ويركض ليييييييييييله كله من الذل لايلحقه الشايب ويذبحه ماخذا الا يوم لقى ذاك البيت وفيه اثنين كل واحد اشب من الثاني قاعدين على ضوهم يسوون قهوتهم ويجيهم يركض ويطيح عند رجيلهم تقول شايفن جني ولالاحقه ذيب قامو هدوه ويشربونه ماي ويغسل وجهه يوم ردت روحه وينشدونه وش فيك وش جاك ؟؟؟
قام الخبل جاب العيد مره ثانيه :(
وعلمهم بالسالفه كووولها يوم خلص الا عيون ذا الشباب تتلاقط وطايرتن فيه
قال وشفيكم "" وجه غاصته العبره ""
قالو ذا اللي ذبحه الشايب اخونا :eek:
وانت عز الله وجهك مهوب خير جايب لنا هالعلم اللي كنه وجهك
ويربطونه عند اخوهم الصغير ويروحون للشايب ويذبحونه ويرجعون لاخيهم والخبل المربط ويفكرون وش يسوون فيه قامو رحموه وفكوه ويرجع لمرته وعلمها بعلومه يوم درت فيها قالت والله لوفيه شمس كان بدت من امس << يعني لو فيك جيد كان طلع من قبل مير هو خبل ولاينفع فيه شي :(
يعني يالحريم لااعرستن ارضن بنصيبكن ;)
وسلامتكوووووووووووووووووووووم
بقول لكم قصه قريتها وانقرهت من رفالة هالرجال قلت اقولها لكم
القصه قديمه كبر جدي وجدك << بالعربي على ايام البر وبيوت الشعر :rolleyes:
هذا كان فيه وحده مزيووونه وكلن يشهد لها بالزين وكانت تماري بزينها قدام النسوان وتحرهن وكانت طخمه الوجه افدع تقول قمر تسعطعش والشعر صح مهيب ناعمه بس طويل كنه الليل وسنونها والله مدري بس اشك انها بيض ماكانو يفرشون << ليتها تسكت ولاتمدحها :D
مااطول عليكم وقومي ياهالبنت وتزوجي ذاك الرجال قامن النسوان اللي يعرفنها جاهن فضول يشوفن هالمزيونه وش خذت من الرياجيل
ويروحن لبيت الشعر اللي مجتمعين فيه الرياجيل على ضوهم وكل واحد يقص عالثاني :rolleyes: انا البارحه سهران مع جني اسولف معه وانا يوم سافرت ذيك السنه ذبحت عشرين رجال وانا مغمض المعلوم انه كل واحد يهايط ويسولف الا رجل ذا المزيونه قاعد حول الضو يخطط بعوده ويتسمع لربعه وهو ساكت
قامن الحريم من اللعانه اللي فيهن راحن للمزيونه وقامو يعايرونها برجلها قامت هي انهبلت قالت لازم اسنع الرجال واشوف له دبره وتجيه وتنشده انت وشبلاك منت بمثل باقي الرياجيل تسولف بالمجلس ولك صوت بينهم
رد عليها بجواب غبي مثل خشته :(
بس ماني قايلته لزوم الادب والاخلاق وزودن عليها ان حنا برمضان :rolleyes:
وقال انا ويني ووين العلوم والسوالف وانا مانيب راعي سواليف ومطاريش ولاعومري عتبت حدود ديرتنا ماغير اسرح بالحلال واجي اخر الليل اقعد شوي مع ذولي << رياجيل القبيله للي مايفهم عالطاير
عقبها ارقد من وين اجيب السوالف << ياخي اكذب قول سولف علي الخروف يعني وش زود الجني عنه :D
عقب هالكلام قامت مرته تهووجس وتفكرر لازم ادبر هالرجال ولااخلي نفول وعموش وزمول يضحكن علي لاوالله مااخليهن وانا بنت نوير << الاسامي من وحي الخيال :D
ويوم اصبحت الصبح وتزهب لرجلها المزوده حقت السفر وقالت لرجلها سافر ورح ولاتجيني الا بالعلوم << كيدهن عظيم
قام رجلها بغى فيها يحايلها ماااش عيت تغير رايها ترووح يعني تروووح
ويروح عنها ويهوجس في الليالي المقبلات ولاهوب متحظنن الا خرجه ولايتوسد الا نثايل الشجر وياخذ له يومين يمشي ومن رداة نصيبه ماصادف احد ولاصار له شي << ياوالله البلشه :(
ثالث يوم عقب ماغابت الشمس الا يوم شاف ذيك الضو ويروح لها ويوم اقبل الا ذاك بيت الشعر ماحوله احد ويروح له وتنطحه ذيك المزيونه
"" ملاحظه ونسطر تحتها مليون سطر :: اذا سمعت احد يسولف لك سالفه قديمه ويجي فيها طاري بنت لازم تكون مزيونه ليه ؟؟ ياترى فعلا كانن مزايين ولاذوقهم ماش ولا دعايه للسالفه ؟؟<< سؤال يؤخذ بعين الاعتبار واتمنى من كل من يمر هنا يحاول الاجابه لااحد يسفه هالسؤال :rolleyes: ""
المووهم وترحب فيه وتهلي وتقلطه ,, خوينا انفل خاطره شوي :o وقعد بوسط البيت يوم يشوف زولها مقفيه من البيت وتغيب شوي وتعود عليه وعلى متنها ذاك الغزال << عز الله اللي ماعطتني نص صحتها ماشاءالله :D
وتحذفه على خوينا الخبل وقالت له سو عشاك يالضيف
الرجال مااستنكر شي انتو استنكرتو ؟؟ << جاوبو يمكن فيه احد مثل تفكير خوينا :rolleyes:
ويطبخ عشاه ويترس بطنه ويخمد ولاوعى الا على صوت راعي البيت وهويسوي قهوته وراعي البيت يطلع ابوالبنت بس ماكان موجود البارحه يوم جا خوينا وقعد يسولف معه وينشده الشايب عن الغزال قال وويين صاايده
خوينا الخبل من قل فطنته قال مهوب انا اللي صايده هذي بنتك اقفت البارح من البيت ورجعت وعلى متنها هالغزال :o
قام الشايب بحلق عويناته ودرى ان البنت لها عشيق وهو اللي جاب الغزال لها
قام الشايب يبي يتأكد وجا الليل ويابلفيت اني نايم وقومي يالبنت واسري لحبيبها ويلحقها ابوها ولارجع الا يوم ذبحه :(
ويرجع لبيته ويجي لضيفه وياخذه للعشيق المذبوح قال له احفر قبر له وادفنه ويحفر القبر ويدفنه
قال الشايب احفر قبر ثاني :cool:
سأله خبلان ليه وشهوله الثاني :(
قام الشايب دنق البندق على راس الرجال وقال الثاني للعلم اللي صار نبي ندفنه لااحد يدري به :cool:
هنا درى الضيف انه يحفر قبر لنفسه قام تغافل الشايب ويكب في وجهه التراب ويرفع ثوبه ويطق ويركض ويركض ويركض ليييييييييييله كله من الذل لايلحقه الشايب ويذبحه ماخذا الا يوم لقى ذاك البيت وفيه اثنين كل واحد اشب من الثاني قاعدين على ضوهم يسوون قهوتهم ويجيهم يركض ويطيح عند رجيلهم تقول شايفن جني ولالاحقه ذيب قامو هدوه ويشربونه ماي ويغسل وجهه يوم ردت روحه وينشدونه وش فيك وش جاك ؟؟؟
قام الخبل جاب العيد مره ثانيه :(
وعلمهم بالسالفه كووولها يوم خلص الا عيون ذا الشباب تتلاقط وطايرتن فيه
قال وشفيكم "" وجه غاصته العبره ""
قالو ذا اللي ذبحه الشايب اخونا :eek:
وانت عز الله وجهك مهوب خير جايب لنا هالعلم اللي كنه وجهك
ويربطونه عند اخوهم الصغير ويروحون للشايب ويذبحونه ويرجعون لاخيهم والخبل المربط ويفكرون وش يسوون فيه قامو رحموه وفكوه ويرجع لمرته وعلمها بعلومه يوم درت فيها قالت والله لوفيه شمس كان بدت من امس << يعني لو فيك جيد كان طلع من قبل مير هو خبل ولاينفع فيه شي :(
يعني يالحريم لااعرستن ارضن بنصيبكن ;)
وسلامتكوووووووووووووووووووووم