فزاع
06-03-2005, 12:11 PM
بسم الله الرحمن الرحيم
في سنه من سنين القحط الارض يبست والمرعى نفد وكان من لا بد منه أن يرحل صاحب الحلال الى مكان يلقى فيه الما والعشب وكان الفارس صياح المرتعد العنزي من الناس اللي شدوا الرحال يدور على المرعى وفي الطريق نزلو على ربع وتفرقوا بينهم علشان يقدر راعي كل بيت يكرم ضيوفه بالميسور وكان صياح المرتعد ومن معه قصدوا أحد البيوت وكان راعي البيت غايب وقامت المره رحبت بهم واشعلت النار وشربت الدلال بس ما كان في البيت أي شي تقدمه لهم حتى التمره وكان راعي البيت معه ثلاث من الغنم خارج البيت وما رجع بذيك الليله وتأخرت المره ما قدمت شي للضيوف قام صياح وشافها قاعده تعض ابهامها من الفشيله لأنها ما قدمت لهم شي .
نشدها صياح وين صاحب الدار قالت له ماهو بموجود ووالله ما عندي شي اقدمه لكم حتى التمره ,تبسم صياح وقال ما عليش لا ينشغل بالش قالت و شلون ما اهتم وانا ما قدمت شي للضيف تركته جايع؟
قال صياح طيب ما عندش ماعون وعكة سمن قديمه؟ قالت عندي لكنها يابسه قال عطيني اياها وقام حماها على النار وعصرها وطلع منها مقدار نص فنجال من السمن وقال للربع كل واحد منكم يحط اصبعه في هالفنجال ويدهن ايديه وعصاه ومحزمه من ها السمن وسووا اللي قال لهم ثم قال صياح اذا سألكم أحد عن شي قولوا اسألوا صياح علشانه كان عارف ان جماعته بيسألونه عن اللي قدموا لهم .
ونشد صياح المره عن اسم صاحب الدار قالت هذا لمطير الحمزي السويدى الشمري ونشدت المره عن اسمه قال انا صياح المرتعد .
ويوم اطلعوا من عندها قال صياح لربعه اكربوا محازمكم عن الجوع وبعد ما قابلوا ربعهم كلٍ قام يعد اللي كلوه عند مضيفهم الا ربع صياح ما تكلموا انشدوهم ربعهم ليش ما تتكلمون قالوا انشدوا صياح ويوم اسألوه قال لهم شموا الدسم وانتوا تعرفون قالوا انتوا محظوظين شبعتوا واحنا ما كلنا الا تمن احمر واللي يقول عصيده واللي يقول ما كلنا الا مريسه ,انت محظوظ يا صياح وبها الطريقه والحيله قدر صياح يستر على مطير الحمزي وكنه قدم كل شي لهم .
وبعد ما رجع مطير لبيته ودرى بالقصه من زوجته جاب وحدةٍ من الغنم وقال لجماعته هذي ذبيحة صياح وبتركها عندي ما اذبحها حتى يجي صياح واشوفه ومرت الايام والسنين وصارت ذبيحة صياح قطيع من الغنم حتى جا ذاك اليوم وارسل مطير لصياح يعزمه وصياح ناسي القصه وما يدري وش يبي مطير لكنه لبى الدعوه وتوجه له ويوم وصل أكرمه مطير ثم خذه للغنم اللي عزلها قبل ما يجي وقال مطير لصياح:
يالمرتعد واجبك حق وصايب=حقٍ من اللي يفهمـون المواجيـب
وسميتهابحضور كل القرايب=ذبيحتك يامنبع الجود والطيب
لوما بغينا ماعلينا غصايب=لاشك ضيف البيت له حق ومصيب
جملتنا عن عارات المعايب=يالمرتعد عادتك ستر المعازيب
وغمرتنا يا شوق ضـاف الثوايـب=في منسب المعروف الستر والطيب
ويعداك منهو ضاري للسبايب=الى قام علق بالمعزب كلاليب
جربت شينات السنين النوايب=والجود مالماجود مابه تكاذيب
ترفع لك البيضا بروس الجذايب=حيثك من اللى ينطحون المصاعيب
وقد رد عليه صياح المرتعد
الطيب بحجاج المشبب وهايب=والحر حر ويجذبنه مجاذيب
ثلث لنا وثلث لبيتك حلايب=والثلث للجيران هم والاصاحيب
ومعزبتنا يا فتـى وانـت غايـب=نشميةٍ تسـوى كثيـر الرعابيـب
وام العيال اللى تنوف الحبايب=يا غبت مايدخلك شكٍ ولا ريب
نشمية ماخلفوها زلايب=نعم بها تسوى كثير الرعابيب
لو غبت تستر غيبتك وانت غايب=احرص عليها ياحصان المطاليب
ومن جرب الدنياوشاف النوايب=تراه مايشنا ولا يذكر العيب
واللى يسب بشبعة البطن خايب=أصل القرا زين النبا والتراحيب
في سنه من سنين القحط الارض يبست والمرعى نفد وكان من لا بد منه أن يرحل صاحب الحلال الى مكان يلقى فيه الما والعشب وكان الفارس صياح المرتعد العنزي من الناس اللي شدوا الرحال يدور على المرعى وفي الطريق نزلو على ربع وتفرقوا بينهم علشان يقدر راعي كل بيت يكرم ضيوفه بالميسور وكان صياح المرتعد ومن معه قصدوا أحد البيوت وكان راعي البيت غايب وقامت المره رحبت بهم واشعلت النار وشربت الدلال بس ما كان في البيت أي شي تقدمه لهم حتى التمره وكان راعي البيت معه ثلاث من الغنم خارج البيت وما رجع بذيك الليله وتأخرت المره ما قدمت شي للضيوف قام صياح وشافها قاعده تعض ابهامها من الفشيله لأنها ما قدمت لهم شي .
نشدها صياح وين صاحب الدار قالت له ماهو بموجود ووالله ما عندي شي اقدمه لكم حتى التمره ,تبسم صياح وقال ما عليش لا ينشغل بالش قالت و شلون ما اهتم وانا ما قدمت شي للضيف تركته جايع؟
قال صياح طيب ما عندش ماعون وعكة سمن قديمه؟ قالت عندي لكنها يابسه قال عطيني اياها وقام حماها على النار وعصرها وطلع منها مقدار نص فنجال من السمن وقال للربع كل واحد منكم يحط اصبعه في هالفنجال ويدهن ايديه وعصاه ومحزمه من ها السمن وسووا اللي قال لهم ثم قال صياح اذا سألكم أحد عن شي قولوا اسألوا صياح علشانه كان عارف ان جماعته بيسألونه عن اللي قدموا لهم .
ونشد صياح المره عن اسم صاحب الدار قالت هذا لمطير الحمزي السويدى الشمري ونشدت المره عن اسمه قال انا صياح المرتعد .
ويوم اطلعوا من عندها قال صياح لربعه اكربوا محازمكم عن الجوع وبعد ما قابلوا ربعهم كلٍ قام يعد اللي كلوه عند مضيفهم الا ربع صياح ما تكلموا انشدوهم ربعهم ليش ما تتكلمون قالوا انشدوا صياح ويوم اسألوه قال لهم شموا الدسم وانتوا تعرفون قالوا انتوا محظوظين شبعتوا واحنا ما كلنا الا تمن احمر واللي يقول عصيده واللي يقول ما كلنا الا مريسه ,انت محظوظ يا صياح وبها الطريقه والحيله قدر صياح يستر على مطير الحمزي وكنه قدم كل شي لهم .
وبعد ما رجع مطير لبيته ودرى بالقصه من زوجته جاب وحدةٍ من الغنم وقال لجماعته هذي ذبيحة صياح وبتركها عندي ما اذبحها حتى يجي صياح واشوفه ومرت الايام والسنين وصارت ذبيحة صياح قطيع من الغنم حتى جا ذاك اليوم وارسل مطير لصياح يعزمه وصياح ناسي القصه وما يدري وش يبي مطير لكنه لبى الدعوه وتوجه له ويوم وصل أكرمه مطير ثم خذه للغنم اللي عزلها قبل ما يجي وقال مطير لصياح:
يالمرتعد واجبك حق وصايب=حقٍ من اللي يفهمـون المواجيـب
وسميتهابحضور كل القرايب=ذبيحتك يامنبع الجود والطيب
لوما بغينا ماعلينا غصايب=لاشك ضيف البيت له حق ومصيب
جملتنا عن عارات المعايب=يالمرتعد عادتك ستر المعازيب
وغمرتنا يا شوق ضـاف الثوايـب=في منسب المعروف الستر والطيب
ويعداك منهو ضاري للسبايب=الى قام علق بالمعزب كلاليب
جربت شينات السنين النوايب=والجود مالماجود مابه تكاذيب
ترفع لك البيضا بروس الجذايب=حيثك من اللى ينطحون المصاعيب
وقد رد عليه صياح المرتعد
الطيب بحجاج المشبب وهايب=والحر حر ويجذبنه مجاذيب
ثلث لنا وثلث لبيتك حلايب=والثلث للجيران هم والاصاحيب
ومعزبتنا يا فتـى وانـت غايـب=نشميةٍ تسـوى كثيـر الرعابيـب
وام العيال اللى تنوف الحبايب=يا غبت مايدخلك شكٍ ولا ريب
نشمية ماخلفوها زلايب=نعم بها تسوى كثير الرعابيب
لو غبت تستر غيبتك وانت غايب=احرص عليها ياحصان المطاليب
ومن جرب الدنياوشاف النوايب=تراه مايشنا ولا يذكر العيب
واللى يسب بشبعة البطن خايب=أصل القرا زين النبا والتراحيب