المساعد الشخصي الرقمي

مشاهدة النسخة كاملة : ملحمة العجمــــــان


سقام
24-08-2006, 11:16 AM
مسيكم بالخير يابني عمي هذي السالفه مهمه لكل عجمي يهمه امر القبيله وقد نقلتها من شريط كاست ملقاه فيه السالفه والقصيده وهي كالاتي وتعتبر القصيده ملحمه لقبيله العجمان وهي كلاتي::::

كان هنالك واحد من ال محفوظ ربى هو وعائلته في محافظه عفيف وهي معروفه بقبيله عتيبه وهو من حظر ال محفوظ وكان دائما يتفاخر بلعجمان امام القبائل التي هناك وجاء احد الشعار وقال قصيده منها::



جد<ن> من العجمان لا تدعي به=مالك معهم مواثيق ورسوم

وكان المحفوظي ليس شاعر فتقابل هو وطلال بن خرصان وهو احد الشعراء الشباب واعلمه بالسالفه وقصيدت الشخص الذي ارسلها للمحفوظي فرد طلال عليه بهذي القصيده:::


انا البارحه جاني خبر والخبر حساس=من الجاهل اللي كلمته تحدر الوادي
الا يامحمد والله انك عريب الساس=فلا يهمك اللي عن طريق السنع غادي
في نشوان بن مرزوق جدك قوي الباس=بطاريه يذكر طاري الموت جلادي
يامحمد ولد عبدالله ان طق راس براس=معرب من المحفوظ عريبين الاجدادي
من السابق الامطار ينزع لها العساس=ليا عاش رجل بديرتا<ن>تعجبه عادي
وهاذي طبايع بدونا من جميع الناس=صناديد يطوون الفيافي والاجرادي
علي اليمين انك معزز رفيع الراس=اقوله وانا ماني ورى الهرج طرادي
ترى لابتك يشهد لها يوم لمع الماس=ليا عطب البارود للموت ورادي
ليا قيل يالعجمان بظهورها جلاس=بوقت الصمايل كلنا نار وزنادي
ترانا آل شامر لاقبس للقشر مقباس=ابوزيد اخذ من وصفنا وبن شدادي
ترانا آل مصرا كل مادقبك هوجاس=وترانا آل حبيش لمن بغى هوش وطرادي
ومن ربعك الهتلان يوم الخطر ينداس=ومن ربعك آل محفوظ خطلان الاولادي
ويعجبك آل سليمان لاذعذع النسناس=لاتنسى آل ضاعن دايم سيوفها حدادي
لا تنسى آل لزيز جات بخماس ولا سداس=ومنا آل خويطر لا خطر مر الأكبادي
ومنا آل سفران اسفرت عيش ياقرناس=ومنا آل صالح في نهار التوجادي
وترى آل ناجعه ماهوكلاما على قرطاس=لهم ثقلهم في كل مصدر وميرادي
ومنا آل هادي كان بالراس صار عماس=ترانا رجالا نارنا توقد اوقادي
طنا راسك آل عرجاء لاطول المرواس=وقول آل ريمه ستر مركوز الانهادي
نحمس المعادي حمس بنا <ن>على محماس=تواريخنا تشد لنا غصب وعنادي
مخابيطنا باأيماننا يضرسن اضراس=ثبات الكلام اللي على روس الاشهادي
ولاني بذم اهل الوفاء والرجال اجناس= وكل القبايل تستحق التمجادي
ابصحي اللي في عيونه غشاه نعاس=ينقد كلامه قبل ياتيه نقادي
الا يامحمد لايهمك ولا هلاس=مكاسرك عنبر فوقها المسك والكادي
عطيناه اشاره واضحه كان فيه إحساس=وانا ما ظلمت ودايم الظالم البادي

والقصيده للأخ طلال بن فيصل الخرصان ويعذرنا ...

ابو منيف
24-08-2006, 12:16 PM
تسلم على النقل الرائع يا سقام وصح لسان ابن خرصان على رده الجزل

الهرماس
24-08-2006, 01:16 PM
صح الله لسان الشاعر ابن خرصان ولاهنت على النقل.................الهرمـــــــــــــاس

سقام
24-08-2006, 03:10 PM
مرحبا ومسهلا يالذيابه

راكان المحفوظي
28-09-2006, 07:47 PM
لاهنت يا سقام على القصيده وصح لسانك ولسان ابن خرصان بيض الله وجهك

وياليت تذكر لي اسم الشريط المذكور فيها القصه والقصيده ؟؟؟

سقام
03-10-2006, 05:21 PM
هلا وغلا ياراكان وللاسف انا ناقل الموضوع

سعود الخويطري
04-02-2007, 06:28 AM
ياسلام ياسلام



وسلمت وسلمت يمناك يـ سقام




وبيض الله وجهك ووجه سليل الجود / طلال بن خرصان ال شايقه



وصح الله لسانه ولاهان ولاهنت بنقلك الجزل



وقصيدة جزل وبالفعل ملحمه من ملاحم قبيلة العجمان وعزالله انه يسد اللزوم



وتقبلوا سلامي واشواقي

سقام
24-02-2007, 11:17 AM
جعل يمناكم ماتعطب يالقروم

البشر..
01-03-2007, 06:54 PM
لاهنت يا سقام ونع بآل محفوظ ونعم بــــ طلال الخرصان

البشر..
01-03-2007, 06:54 PM
لاهنت يا سقام ونعم بآل محفوظ ونعم بــــ طلال الخرصان

بـدرٍ الشـآ‘مـرٍي
03-04-2007, 12:53 PM
لآ‘هنـت يـآ‘ سقـآ‘م وٍصح لسـآ‘نكـ، وٍلسـآن ـإأ‘بـن خـرٍصـآ‘ن .,.!

بندر العجمي
07-04-2007, 08:02 AM
لاهنت يا سقام ونعم بآل محفوظ ونعم بــــ طلال الخرصان

ابو فيصل الشامري
09-04-2007, 01:22 AM
ونعم والله بأل محفوظ ونعم بدروع يااااااااام ولاهنت وصح لسان فيصل أل خرصان مداهين الموت

سعيّد ابوجعشه
09-04-2007, 02:35 PM
تسلم على النقل الرائع يا سقام وصح لسان ابن خرصان على رده الجزل

تحيتي لك ,,,,,,,

مسفر مبارك
13-04-2007, 06:00 PM
تسلم على النقل المميز اخوي سقام وصح لسان ابن خرصان

سقام
02-06-2009, 01:31 PM
ارحبــــو يابني عمي

تــــــــــلاب
06-06-2009, 04:02 PM
صح لسااان بن خرصان على القصيدة الجزلة .. و المحفوظي ما عليه من خلق الله دامه واثق من عمره .. عجمي و فعله يشرف القاصي و الداني .. و صح لسانك يا سقام و صح لسااان طلال .. تقبل تحياتي ..

حــســن الــعــذاب
09-06-2009, 01:07 AM
لاهنت يا// سقام

على نقل السالفة والقصيدة

والله يعطيك العافية

دمتم بحفظ الله

سعود ابن راشد
09-06-2009, 04:03 AM
صح الله لسان الشاعر ابن خرصان
والله لايهينك ع كل حال