المساعد الشخصي الرقمي

مشاهدة النسخة كاملة : قصيدة ال511 وال الدامر

الهرماس
13-08-2006, 01:02 AM
السلام عليكم ورحمة الله وبركاته............................
هذه قصيده للشاعرالشيخ فلاح بن خالد بن مجحود مسندها على أل- الدامر
وهم في غناء من التعريف..........



الله على اللي كل مادز له فز
خطر من الفزه تقطم بنوزه
اسود غلس عاد الفجر مابعد قز
والصبح في جوده تقادح قزوزه
يسوقه اللي الى لز القدم لز
يطعن سراب الجو لا أكدر ببوزه
نصه اللي من الضيف ما ألتز
ياعل عوزات الزمن ماتعوزه
جيناه لأجل السجين اللي ملعوز
قيد الحكومه فيه بانت حزوزه





وسلامتكم والشاعر خالي واذا فيه استفسار تفضلوا والسياره المعنيه هي الجمس 511 والسجين وفك اسره والقصيده قديمه للمعلوميه وربما لم يخبرهم ولكن انا اخبرني
الاستفسار على الايميلkhaled_1444
راشد العجمي
13-08-2006, 01:11 AM
ارحب يا الهرماس

صح السان الشاعرالشيخ فلاح بن خالد بن مجحود ونعم بـ أل- الدامر

وتسلم طال عمرك على النقل









اخوك: راشد العجمي
الهرماس
13-08-2006, 01:41 PM
البقا ياراعي الطولات ولاهنت على المرور والعفو هذا واجبي.................الهرماس
محمد اليامي17
13-08-2006, 04:12 PM
الله على اللي كل مادز له فز
خطر من الفزه تقطم بنوزه



قصيده اكثررر من رائعه لاهنت على النقل
الهرماس
13-08-2006, 11:51 PM
ولا انت ياطويل العمر وانا حاضر ........................ولاهنت على المرور...........الهرماس
مسعطر
12-05-2007, 06:07 PM
أشكرك جزيل الشكر يا أخي الهرماس على نقل القصيدة الرائعة بس أنا قريت قصيدة على نفس
الوزن و القافية و الموضوع و في الشيخ عبدالله ابن فهد الدامر أيضاً و إليك
نقلها نصا من كتاب فهد ابن فردوس العجمي.

((والله أعلم هل هو لبس في الموضوع أو خطا منك في أسم الشاعر أو
خطا من ابن فردوس او مجرد تشابه أبيات)) على العموم هذا ما ذكر في
كتاب ابن فردوس (تاريخ العجمان في قديم الزمان2006) نصاً.



الشاعر حمد ابن سالم العيير الشامري راعي نساح و راعي عليه و هو موجه
هذه القصيدة للمرحوم الشيخ عبدالله ابن فهد الدامر حيث صار عليهم مشكلة
و إنسجن فيها رجال ثم ذهبوا إلى الشيخ عبدالله ابن فهد الدامر و توسط لهم
في القضية و إنحلت بعون الله سبحانه ثم قال الشاعر فيه هذي القصيدة و
هو يستحق أكثر من ذلك و قال فيها :



يا راكب اللي كل ما دز له فز=من فزته خطر تقطم بنوزه
كن حس ويلاته مع الحزم المجرز=ودان صيف و الهبايب تحوزه
و يشد حيله ثم لز القدم لز=يطعن سراب الجو الأكدر ابوزه
يجهم غلس عاد السفر ما بعد دز=و شريق في (جودة) تقادح قزوزه
قدام بيت اللي عن الضيف ملتز=و شيال حمل اللي عجز لا يروزه
ولد فهد عسى حياته على عز=اللي رموز المرجلة من رموزه
و لا مات جعله عند ربه معزز=في جاه من في كل حاجه نعوزه
متسلسل من بيت عز محرز=متحرز عن كل شي يخوزه
بيت عريض و ثابت الساس ما أهتز=الدين ساسه و المراجل كنوزه
سلم على اللي في المهمات يبرز=يبرز كما بدر الدجا في بروزه
جيناه من شان السجين الملعوز=و قيد الحكومة فيه بانت حزوزه
و قام و فزع ما جاب عذر ملفز=لعل هوزات الدهر ما تهوزه
تنشر له البيضى و ترفع و تركز=و يستاهل الناموس رجل يحوزه
و من ما فعل مثله يلبس مطرز=و يحط من فوق المطرز بلوزه
كون الذي حاول و ساول ولا أحرز=راح و لقى كل الدروب محجوزه
و يفداه من عند اللوازم تملز=و يجيب هرج شرعنا ما يجوزه
و يفداه من يطلع بوجه مبروز=يعطيك علم ولا يخالف عجوزه
يا بعد فرق الحر الأقطم من الوز=يشهر و طير الوز ينكب فوزه
ذا قول من صان الكلام المتكز=أبيات شعر و بالصحيح مخروزه
و مدحت من للمدح ملفى و مركز=و المنتقد يشرب من الماء بكوزه
راكان المحفوظي
13-05-2007, 03:43 AM
لاهنت اخي العزيز على القصيده الجزله وصح لسان الشاعر ويستاهلون الدامر المدح والله ونعم في ربعنا
مسعطر
13-05-2007, 03:51 AM
أشكرك على المرور أخي راكان المحفوظي.
abo7atem
22-05-2007, 12:47 AM
بختصار القصيدة لإبن مجحود ولا لإبن العيير ، وسلامتكم 00
مسعطر
22-05-2007, 02:15 AM
القصيدة أنا سألت الهرماس و قالي إنها لأبن مجحــود
من شيوخ آل عرجا و ابن مجحود خال الهرماس و الهرماس متأكد.
أما ما ذكر في كتاب ابن فردوس
خطأ في أسم الشاعر و سلامتك.
و أرجوا من الهرماس عرض القصيدة كما نقلتها أنا
من كتاب ابن فردوس لأحتمال ورود أخطاء من ابن
فردوس.

(و كتب ابن فردوس كلها حطمت الرقم القياسي في الأخطاء)
سعيّد ابوجعشه
23-05-2007, 02:59 PM
لاهنت اخي العزيز على القصيده الجزله وصح لسان الشاعر ويستاهلون الدامر المدح
مسعطر
23-05-2007, 03:53 PM
أشكرك على المرور أخي سعيد ابو جعشه بانيابة
عن أخي الهرماس و ياليت يتأكد من القصيدة
من خاله.
ابونايف الوعيلي
23-05-2007, 05:11 PM
صح لسانـــــــــــــــــــه