دجاج بالقصدير (بالصور )

[ابومحمد الشامري]

السلام عليكم ،،،
اليوم أكلتنا دجاج مشوي على البخار
راح نبدي خطوه خطوه
.
1- اول شي نغسل الدجاج عدل ونقطعه حسب الرغبة ونحطه في بادية نايلون او بلاستيك ( لان مثل ما انتوا عارفين انه مايصير نتبل اللحم او الدجاج في قدر معدن او استيل يقولون مو زين ولان البهارات تتفاعل مع المعادن ،، هذا اللي انا اعرفه.
.
.
2- نخلط البهارات مع بعض ( بصراحه انا سويت خلطة بروحي يعني حطيت لومي اسود - فلفل اسود - بهارات الدجاج وشوي ملح مع زيادة اللومي الاسود ،
بالاضافة الى تقطيع البصل ( وكل ما زاد البصل كان افضل ( بس عاد مو تحطون خيشة بصل كامله )
.
.
3- نبدي في دعك الدجاج مع البهارات المخلوطة والبصل ... وبعد ما نخلص نصب على جميع قطع الدجاج قوطي روب ونخليه في الثلاجة لفترة انت تقررها .. كل ما زاد كان احسن
.
.
4- وبعد هذا نفرش القصدير ونسوي القصدير 3 طبقات ( يعني 3 تحت و3 فوق ) مثل ما شايفين بالصورة
http://www.6moo7.com/uploader/d1.jpg



5- نبدأ في وضع الدجاج على القصدير مثل ما شايفين بالصورة
http://www.6moo7.com/uploader/d3.jpg

.
.
6- بعد ما نخلص من وضع الدجاج ، نقطع شرائح من البصل والطماط ونحطه على الدياي ، ثم نقول باغلاق القصدير بإحكام ودقة
http://www.6moo7.com/uploader/d4.jpg

.
.
7- بعد ما سكرنا القصدير ( طبعا نكون شابين الفحم ) نشيل القصدير ونحطة مباشرة على الفحم يعني لا تحطونه على الشبك ... حطوه مباشرة على الفحم ، بس ديوا بالكم على القصدير لا ينشق او تفتح فتحه ولو كانت صغيرة ، ولو حصل هذا ( مثل ما صار عندنا ) لان واحد من الشباب الله يهديه وهو قاعد يشيله جان ينشق القصدير شوي ، بس لا تحاتون لذا صار جذي حاولوا تسكرونه وتخلون القصدير على الفحم مده أطول ، يعني اذا ما كان مشقوق القصدير يبيله من 45 دقيقة ، واذا انشق القصدير يبيلة ساعه ، بالنسبة حقنا احنا خليناه ساعه تقريبا ، ولا تخافون اذا خليتوه اكثر عادي ما راح يحترق
http://www.6moo7.com/uploader/d5.jpg

.
.
8- بعد ما خلصت الساعة نشيله شوي شوي لانه حااااااااااااااااااااااااااااااااااااار حييييييييييييييييييييييييييل وديروا بالكم ترى القصدير بسرعه ينشق
http://www.6moo7.com/uploader/d6.jpg
.
.
9- نبدأ بفتح القصدير
http://www.6moo7.com/uploader/d7.jpg
.
.
10- راح تشوفون مفاجأه ... تشوفون ان الدجاج ذايب حيل والطماط فوقه والبصل
يعني شي عجيب..
http://www.6moo7.com/uploader/d8.jpg
.
.
وبالهنــــــــــــــــــــــــــــــــــــــــاء والشفـــــــــــــــــــــــــــــــــــــــاء
وادعولي

[العنيد]

مديري الفااااااااااضل: بو حمــــــــــــــــــــــد الشامري....الف شكر لك والله على هذا الطرح الراااااااااائع ..تبي تجننا يا بو حمد انت وأكـــــــــــــلاتك.... كن هذي يدك الي بالصورة ...ههههههههه العنيد يتوقع انها هي ....

اثرك طبااااااااااخ ماهر يا بو حمد...كنت ناوي احط طبخة برياني العنييييييييييد بس هونت لما شفت طباااااااااخك ههههههه قلت بتضحكووووووون علي..

الف شكر لك والله يا سيدي الفاضل على الطبخة الي واااااااااااااااااااااايد حلوة

[سعد فهد الحرمل]

تسلم يا أبو حمد على الطبخة الحلوة ، والله مادريت أنك طباخ ماهر لكنك ماجبت سيرة أسياخ الكباب اللي بصورة لييش؟؟ ومنو اللي كلاه؟ وبعد لازم تذكر أن من أصول الطبخة أنك تحط جريدة الرأي العام تحت الدجاج قبل وبعد الطبخ

[سلمان المكراد]

لاهنـــت يا بــوحمـد

ولو ان الطبخه ما جــازت لــي ذالمــره :(

[سامي الروح]

ابوحمد الشامري

حلو وتسلم يدينك

[محمد الشامري]

تسلم والله يابوحمد

وجعله مهابيط العافيه

لاهنت ياشيفنا

[الغلا]

تسلم يابوحمد رغم ان الصوره ماتشجع

[فجر]

سؤال

إنت تعرف تطبخ يابوحمد ؟



بندوول

[ابومحمد الشامري]

مرحبا الف يا جماعه على المرور المشجع ههههههههههه وانتم الخير والبركه

بندوول ترا العين حق ههههههههههه

لا هنتم على المررو واخص بالذكر:
( العنيد ، سعد الحرمل ، سلمان المكراد ، سامي الروح ، محمد الشامري ، الغلا ، بندوول )

[أبو محمد]

خوش دجاج

يعطيك العافيه

[ابومحمد الشامري]

مرحبا الف يا ابو محمد اسعدني مرورك يا السنافي وتشرفت به

[أميرة نجد]

تسلم يابو حمد على هالطبخه
صايره امشي وراك وسجل دفتر طبخ
ابشرك تحسن طبخي على يدك
يعطيك العافيه

[ابومحمد الشامري]

مرحبا الف يا ميرة نجد اسعدني مرورك يا السنافية وتشرفت به

[راعي المهدبه]

تسلم يمينك

والله يعطيك العافيــــة