المساعد الشخصي الرقمي

مشاهدة النسخة كاملة : روائع لابن قضعان ....

محمد الشامري
28-02-2005, 07:17 PM
السلام عليكم ورحمة الله وبركاته

اليكم روائع وقصائد للشاعر الكبير ضيدان بن منصور بن قضعان

هنيا نجمع قصايد ابن قضعان لتسهل على القارئ انه يلاقيها

واللي عنده شي لايبخل علينا به

نبدأ مع اول ابداعاته

(( يلعن الحب ويلعن جد جده ))


سكر الخط صبري وصل حده=او تراجع لو الخاطر كسرته

صرت تلعب بقلب منت قده=غربلته الليالي وانت بورته

عقب ذيك الموده صرت ضده=ولو تجاهلت حبك مانصرته

بين مزح الزمان وبين جده=لا قبلت الغرام ولا نفرته

كنت اقدر غلاك وكنت اوده=قبل ساعات لكني خسرته

حتما انسى الغلا لو بعد مده=وان ذكرته نسيته ماذكرته

شي عادي وسد الخط سده=يلعن الليل كان أني سهرته

ويلعن الحب ويلعن جد جده=انتهينا وسعيك ماشكرته
عبدالله الوعيلي
28-02-2005, 07:26 PM
الله عليك يا حبيب قلبي يا محمد الشامري

في انتظار باقي الابداعات
محمد الشامري
28-02-2005, 07:27 PM
يمر القلب من دار وراء الخفجي طريق ودرب=وامرك يالطريق اللي لك اقدامي مصخرها

واذا مريت مع ذاك الطريق اللي يجي من غرب=ذكرت أحلى ليالينا من اولها لـ آخرها

ومريت الحشى بالونه اللي ماجذبها طرب=ومريت العيون بعبرتن للدرب ذاخرها

وشفتك في خيالي بين طيات الدفى والقرب=وناديتك فديتك خل ايدينك لا توخرها

عفى الله من ظميان حصل الماء في الطريق وشرب=وعفى الله عن ليالي ماجهلنا في اواخرها

عقلنا وألتطم حب المواجه يالعفيف الذرب=كما موج لطم في غبة واغرق بواخرها

وسقت الرجل صوبك ياحبيبي والليالي جرب=ولا اهتميت في ناس تبي ترفع مناخرها

حبيبك ياحبيبي من سلالة اهل دروع وحرب=ولايعشق من اصناف الجواهر كود فاخرها

تفاخر يابعد من حطله بين الحنايا درب=تفاخر وأفتخر واغلى القصايد فيك اصخرها

واذا مريت مع ذاك الطريق اللي يجي من غرب=تذكرت احلى ليالينا من اولها لـ آخرها
محمد الشامري
28-02-2005, 07:38 PM
ذعذعي يا هبايب نجد لاطاب نوم السالي=وانعشيني بريح من رضى نجد للشرقيه

رحمة الله نسناسك على غترتي وعقالي=كأنه الوصل والبيد شهباء والدير محميه

مرحبا يا هبايب ياهلا وان خطر في بالي=صاحبن مانساني مرحبا به على طاريه

يحسب اني نسيته وانجلا همي وغربالي=واثرني مانسيت اللي سبا بالهوى عانيه

وكل ماهب نسناس الغلا من ديار الغالي=هب في القلب من ريح الصبا عبرتن نجديه

وان جحدت الدموع من الملا آه واعزالي=وان غشتني دموعي لعنبا الحب والحنيه

والله اني صبور والبلا ياصرايم حالي=لاتذكرت دمع ماغبى لو جحد راعيه

واحدن ماجحد حبه ولا شمت العذالي=جاهر بالغلا حلو النبا من صفات النيه

كان ماله سوا تاج الحلا واسم جد وخالي=وصار بلقيس وفؤادي سبأ والحشا واديه

وله جموع تنادي بالولاء منتخبته الوالي=في خفوق حماه من الظبا واحرمه وسميه

ولي عيون تحدى وتخلى من كراه الحالي=كأنها تقول للنوم تهبى منت بكفو ليهوسلامتكم


لها تكمله كم بيت ولكنها لا تحضرني الان

سامحونا على القصور
محمد الشامري
28-02-2005, 07:59 PM
يامرحبا ترحيبتن كلها لش=تكسيش من راسش لي حد ماطاش

من قلب مهيوم بحبه صفالش=يلعب به الغربي لا سمع طرياش

يفرح لامنه قالش كيف حالش=ولولا غلاش وحشمتش كان ماجاش

وان قلتي انه غايتش شف بالش=كنه ملك ياعرب من الطاش للطاش

الا يابري حالي وين مالي ومالش=لا والله الا لي ولش نعنبا اللاش

من هامتي لمحزمي لش حلالش=بيتش فديتش واسكني بأوسط الجاش

واما بلشتي بي وانا فيش بالش=غديت مثل اللي شرى علته كاش

انا في وجه امش وابيش وخوالش=ماجيت لي حاجه واعود على ماش
محمد الشامري
28-02-2005, 08:27 PM
ياعظيمه كل شي لـه حـدود و لـه نهايـة=لكن أنتي ما وقفتي عند حـدك يـا عظيمـه


أستلذيتـي بطعناتـي وأخذتيـهـا هـوايـة=كن مالـك حربـة توجـع و طعنـات أليمـه


آه ليتـك مـا تماديتـي بطعنـات البـدايـة=لين صار لكل طعنة فالحشا معنـى و دقيمـه

الله يبيحك ولكن كيـف فـي أغـرب روايـة=تكتبين الحـب كذبـة والهـوى دقـة قديمـه


و أنتي اللي كل ما لـدت عيونـك فالمرايـه=ما لمحتي الا اليتيم اللي خـذت قلبـه يتيمـه


و اليتيمه فاليتامـى مالهـا حـق الوصايـة=الوصية عودها الغـض و نوايهـا السليمـه


لكن أنتي صار لك حق الوصايـة و الولايـة=و استبديتي و شدو البدو و أضحيتـي مقيمـه


ما رحلتي لين حطمتـي بمـا فيـه الكفايـة=عاقل حب الجنون و صوت نارك في هشيمـه


استبحتي حرمة المجنـون بـادراك وعنايـة=و التفتي له بعقلك وارتكزتـي فـي صميمـه


امتلكتي غايته لو كـان مالـه فيـك غايـة=و انتصرتي في عيونه وأعترف لك بالهزيمـه


من كثر ما يعشقك ما قال لك بالحـب رايـة=خايـف الأيـام لا تطلـع عواقبهـا و خيمـه


في طريقك كل ما كنـه لمـس درب الهدايـة=تـاه و دروب الحيـاة المستقيمـة مستقيمـه


تايه بصري و مـن جابـه لبيـت الله تايـه=عذر من غمض بعين و عينه الأخرى كريمـه


فدوتك ما فات من الايام و اللي عـاد جايـه=يا بعد عمرٍ مخاسيره معـك عنـدي غنيمـه


أنتي الفارع بقـد و جـد و أسمـاء و كنايـة=من عشق مثلك يجوز من الهوى و شداد ريمه


ليه لا .. و أنتي بحسنك في ذوات الحسن آيه=لا ذهب ولا ماس ولا ياقوت ولا أحجار كريمه


شاعر له مع أهل الرايـات فالمرقـاب رايـة=كل ما هبت هبوبـك فلهـا قـدر و حشيمـه


سامحك من ألف و باء والذنب الى ماله نهاية=و أستباحك عن خطاه و كـل طقـه بتعليمـه


يـوم قلتـي أعطنـي حريتـي أطلـق يدايـه=ما ذخر عن وجهك الا طعنتين فـي صميمـه
محمد الشامري
28-02-2005, 08:44 PM
البارحه يوم شمس الشعر تسطع بي=وانا أتحرى لشمس الله من الشرفه

ولعي على واحد قبلي تولع بي=مايوم غنى ولا أسهر للهوى طرفه

الين حتى تولع بي وولع بي=نار من الشوق صاليها لحق طرفه

من بعدها ياشقى حالي ويا تعبي=نفسي عن الشعر واهل الشعر منصرفه

مانيب يم الشعر يالشاعر الشعبي=يا بتوع مش عارف !! وشي ما أعرفه

تبي تهز الجبل بمسدس لعبي=والناس من وارد المنصور منجرفه

لاتستفز القصيد ولا ترفع بي=الشعر ماهوب مهنه لأجل تحترفه

وأن كان يا محترف تقدر على لعبي=خلك على جنب لين اشوف لك صرفه

ما أحد عبالك ولا لك عندنا معبي=يا كود باب مداه أكبر من الغرفه

وأنا من الناس ياسهلي ويا صعبي=بحر تشوفه ولاتقدر على غرفه

مسكون بالشعر من راسي ليا كعبي=والشعر ملكي وكل الناس معترفه

أنا (......) مير يوم أصبحت من شعبي=حذفت تاج القصيد وصابني قرفه
محمد الشامري
28-02-2005, 09:06 PM
انعست عين الغلا والهوى هدا=خانت الايام والملح والعشره

وابتديت تشوف نفسك وتتحدا=وأنت ماكنت تتغلى ولا تشره

كنت مجروحي وصرت الدوا والدا=كنت آآه صرت آآهات منتشره

غلطة اللي بالمحبه أخذ وأدا=واعترف لك بالغلا وابصمت عشره

الهوى جاب الغلا والهوى ودا=وأنت وجروح الزمن بالحشا خشره

يابعد من مابعد جا ومن هدا=ويابعد من ساج روض الحشا نشره

يوم صار الحب جزيه ولك تدا=والقصيد اسهل من كتابته نشره

خذ قصيدي ياشذا الورد لاندا=وأنتبه لي واستمع موجز النشره

والله أنك بالغلا فارق جدا=مثل فرق الابتسامه عن الكشره
راكان اليامي
28-02-2005, 09:57 PM
لاهنت يابن شامر وابشر لي عوده في قصايد ابن قضعان
وراح اثبت الموضوع لاهميته
محمد الشامري
28-02-2005, 10:07 PM
ولا انت ياركان

وننتظر ابداعك
محمد الشامري
28-02-2005, 10:08 PM
مرحبااا ابو حزااام

تسلم عالمرور
أبو محمد
28-02-2005, 10:15 PM
لاهنت يامحمد على النقل والاختيار لروائع ابن قضعان
محمد الشامري
28-02-2005, 10:20 PM
ولا انت يابومحمد

وتسلم على المرور اللي اسعدني
محمد الشامري
28-02-2005, 11:36 PM
سلام الله من ضيدان ابن منصور ابن قضعان=على ضيدان ابن راكان ابن ضيدان ابن حثلين

سلام الله سلام مايساق الا على ضيدان=يليق بهيبته وجدوده الاقصين والادنين

سلام مايساق الا لبيت أمارة العجمان=البيت ثابت ساسه وسوره مثل سور الصين

سلام عطره الكادي وريح المسك والريحان=تسوقه من هبايب خاطري يمنى وقلب وعين

سلام أحلى من الماء لاتدفق في ظما الظميان=وأغر من الخزامى لا انثنت عقب اليسار يمين

وأرق من النسايم في عتيم الليل للسهران=وألذ من المواصل واللقاء مع هجعة السالين

على ذاك الامير الشامخ اللي للزعامه بان=سلام الله مابانت نجوم الليل للسارين

سلام ذعذعت به للولا والشكر والعرفان=ذعاذيع القصيد بين حين وحين

وأنا شاعر ليا جات الحقايق وأصخر القيفان=على صفحات أبو الطيب دروس طه حسين

وأبذكر في قصيدي للفخر ضيدان ابن راكان=وأبكتب له من حروف من ذهب تبقى ليوم الدين

ابوخالد وريث المجد والتاريخ والصمان=وريث اهل الشدايد اللي عليه العلم الى ذالحين

ابوخالد ذرانا لا أختلف وجه الزمان وشان=لنا ذخر وذرى فالنابيات .. وفالعسر واللين

ذرى كل القبيله في ذرى الله ثم ذرى سلمان=ولد عبدالعزيز اللي ذراه يذري القاصين

ذرى نجد وذرى الشعب وذرى الدين وذرى ضيدان=عسى عمره طويل ابوفهد يالسامعين آمين

تحت ظله وسيفه قالها ضيدان ابن قضعان=سلام الله على ضيدان ابن راكان ابن حثلين
أميرة نجد
03-03-2005, 05:17 PM
فعلا قصايد في قمة الروعه
صح لسان ابن قضعان
وتسلم يمين محمد الشامري
محمد الشامري
03-03-2005, 08:23 PM
صح بدنش يا أميرة نجد

وتسلمين على المرور اللي اسعدني
السنافي
03-03-2005, 09:41 PM
محمد الشامري لاهنت يالغالي على ذا القصايد الحلوه من شاعرنا المبدع ضيدان بن قضعان
محمد الشامري
04-03-2005, 11:02 PM
لاهنت يالغالي السنااااافي وانت أحلى طال عمرك

يعطيك العافيه على المرور اللي اسعدني
فهد بن محسن
06-03-2005, 11:04 PM
الاخ \ محمد الشامري

تحياتي لك ,, ولاختيارك الرائع ... فالشاعر ضيدان بن قضعان .... شاعر علم من اعلام الشعر ,,, ولن يمر شعره على التاريخ مرور الكرام ... فستجد من يتبع نهجه واسلوبه

تحياتي لك يامحمد الشامري

ولا تحرمنا من ابداعاتك
محمد الشامري
07-03-2005, 02:14 PM
مرحباااااااا والله بـ فهد بن محسن

صدقت والله ياخيك

ولاهنت على مرورك اللي اسعدني وشرفني
عجمي و الوفا طبعي 1
31-03-2005, 11:49 PM
الله لا يهينك يا أبن عمي يالشامري على الموضوع
وصح لسان أبو منصور

:) :dو نتمنى شهادة الماجستير في مجالس العجمان :d


-----------------------------------

ما تنزل هامتي اٍلا في صلاتي
محمد الشامري
06-04-2005, 01:36 AM
مرحبااا بخيلي وسيفي

ولا انت تهووون يالسنااافي

وصح بدنك

ولاهنت على مرورك اللي اسعدني وشرفني
محمد الشامري
08-06-2005, 02:38 AM
البارحــه واهل البلاد النائي = آرائها ماتتفق وآرائي

صديت عن صوت يحس الخاطر = والله بغايات النفوس ادرائي

وعديت في راس الطويـل النايف = بين المدينه والبلاد النائي

وذكرت قول الغيهبان المري = راعي القنا والمهرة الصفرائي

بليت بأبليس ونفسي والهوى = كيف النجاة وكلهم اعدائي

واخذت امليها لنفسي كني = لم استبيح الشعر في ارجائي

وغنيت من بدعي على طاروقه = قصيدتن من فكرتي وايحائي

الشعر شعري والبحور بحوره = والجد جدي والشيخ آبائي

أني لمن قوم يعز عليهم = قتل الرعاة ودمعة الحسنائي



وســـــــــلامتكـــــــــم
المستحيله
08-06-2005, 02:54 AM
يسعد صباحك

المبدع \ محمد الشامــري ..
صــح السان \ ضيدان بـن قضعان ..
وصح ذوقك واختيار ملــيون .. مشاركه رائعه ..



دمت بـ خيــر ..
تحياتي لك ..
محمد الشامري
08-06-2005, 03:55 AM
ارررررحبي يالمستحيله

وصباحش سعيد


وصح الله بدنش ملايين

ولاهنتي على مرورش وردش يالمبدعه
العرجاني محمد
08-06-2005, 05:57 AM
الله لا يهينك ياابو منصور على هذا المجهود الرائع ... وإبن قضعان يستاهل من يدون شعره ..

فيه بيوت جديدة لإبن قضعان توني قاريها في المختلف قايلها في إبن الذيب يمزح معه يوم زاره في المستشفى يقول فيها :



عسى إبن الذيب لسهوم المنايا=عشان يزين لي عقبه زماني
ضرب سوقي وحطم بورصاتي=وبعد مانيب الأول صرت ثاني
وليا من شافني للجم وارد=سبقني له وعن ماه احتداني
أنا وياه صرنا مثل بيت=قريته في كتاب الأصفهاني
( أعلمه الرماية كل يوم=فلما أشتد ساعده رماني)
محمد الشامري
08-06-2005, 09:27 AM
اررررحب يابن عرجــا

ولا انت تهون يالقــرم

وصح الله لسانك ولسان ابومنصور على ذا الابيات الزينه

ولاهنت يالسنافي على الاضافه


ولك تحيتي
العوووود
08-06-2005, 10:48 AM
اررررررحب يابومنصور الله لايهينك على سرد قصايد الشاعر الكبير ضيدان بن قضعان
محمد الشامري
08-06-2005, 10:58 AM
والبقـــى يابن شلان

ولا انت تهون يالقـــرم


ولاهنت على مرورك وردك ياشاعرنــا
سهـــام
09-06-2005, 12:56 AM
لاهنت عزيزي محمد الشامري
وصح لسان الشاعر المبدع ضيدان بن قضعان
جريح الكويت
09-06-2005, 01:37 PM
محمد الشامرررررررري لاهنت ياشووووووووق البنت


وتسلم يا الغالي ولاهنت على هذي الروائع لبن قضعااااااااااااااااان


تقبل ارق التحيات
الشموخ
10-06-2005, 09:19 PM
فعلا قصايد في قمة الروعه
صح لسان ابن قضعان
وتسلم ويعطيك الف عافية
وتحياتي لك ومشكور ويامبدع
محمد الشامري
14-06-2005, 12:20 AM
اررررحبي يا سهاااام

ولا انتي تهونين


ولاهنتي على مرورش وردش اللي اسعدني وشرفني
محمد الشامري
14-06-2005, 12:23 AM
ارررررحب ثم ارررررحب يا جريح الكويت


ولا انت تهون يالغالي


ولاهنت على مرورك وردك يالقـــرم


ولاتحرمنا تواصلـــك
محمد الشامري
14-06-2005, 12:25 AM
اررررحبي ياجوود



ولاهنتي على مرورش وردش يالسنافيــــه
محمد الشامري
02-08-2005, 06:28 PM
مساكم الله بالخيـــــــــر جميـــــــــع

هاذي قصيده لأبن قضعان

يمكن انها قديمه شوي ومعروووفه

لكنها قريبه لي وودي اني اكتبها هنيا

يقــــــــول



حزين ايه والله ان قلبي حزين وخاطري مكسور=لو اضحك واتظاهر بالسعاده يابحر جده

وانا يابحر يوم اصد واخفي دمعتي معذور=لك الله يابحر صديت والصده هي الصده

أخاف تقول عني يابحر ضيدان ابن منصور=وقف في يوم من الايام ودموعه على خده

وانا مانيب حي الله بشر يكشف لك المستور=انا رجلا يموت ولادرت الامواج عن سده

ولا آقف مآقفا مهوب قدي لاطغى المغرور=انا قد الكلام ومآقفي قدي وانا قده

بآقف لو اني حزين وخاطري مكسور=الين الله يفرجها علينا يابحر جده