فـاضي ولاعندي شغل...ابي كل واحد يكتب فيني بيت شعر تكفووون

[محمد اليامي17]

السلام عليكم

والله لقيت نفسي فاضي ولاعندي شغل قلت امدح نفسي احسن شي :)

لكن لازم تشاركوني في المدح شوووي :embarasse منتو خسرانين شي :)<<<<< مهو واثق في نفسه لووول

[فزاع]

هههههههههههههه

تستاهل كل خير يا محمد وابشر بعزك بيتين على السريع:)


سلام يا محمد من قاصي الجوف =عد ما هل المطر بالنفافي
واسرع من المزن لي تقطع ألوف=وأحر من جمر الغظا يالسنافي

[محمد اليامي17]

بيض الله وجهك وصح لسانك ولاهنت ليتني شاعر واقدر ارد عليك ياكحيلان

[alwafi]

استلم يامحمد; :cool:

سلام يامحمد سلامن نقوله....من بعد ماشفنا كتابتك فالنت.

والمدح يدك فالمواقف تطوله....واقبل تحياتي تخصك ولاهنت.

[محمد اليامي17]

ولاهنت


البيتين جزله والتوقيع جزل وانت اجزل منهاااا كلهاااا صح الله لسانك وبيض الله وجهك ولاهنت



تقبل تحياتي

[123456]

ماني بشاعر هههههه

[محمد اليامي17]

معذووووووووووور

[الحظ جـابكـ]

استلم ياليامي
سلامي على يدور المـــــدح وشـــــــــهوله = على الذي طفشان ويبي يقزرهــا
جاك المان وخلك على الموضوع ولاتحذفه= علتك ياليامي ماهـــي بهشــــــــه
فيك مثل الطير لاطـــــــار بجنحـــــــــــــــانه=حر مايرد على أطلق شنب بنظرته
خذ علمي ولا بعلمي مكــــــــتوب بورقــــــه=ياليامي تراك شيخن على قبيلــــه

واسمحنا على القصور طال عمرك..
الـــــــــــنـــــــــــــــاجــــــــــــــــعــ ــــــــــــــــــي

[محمد اليامي17]

ارررررررحـــــــب يالمان العرب وصح الله لسانك وماحصل منك قصوور طال عمرك



تقبل تحياتي

[المراجل]

يا محمد افتهم مني وصيـــــة
جــارك الله من صواديف الليالـــي
كلمتي لك حطها في الذاكرية
لا ترافــق كون ذربين العيــالـــــي
المراجل دربها بالمكرهيـــــة
والفخر للي مشى ممشى الرجالي


بصراحة مهب انا اللي قايلها لكن كتبتها لك يا اليامي :eek:

[محمد اليامي17]

المرااااجل صح الله لسانك بيوت جزله من جزل وسوا انها منك ولا من غيرك اهم شي انها وصلت:)

[قرم وخوالي العجمان]

خذها مني يامحمد وصيه........لاتامن علي بنت اجنبيه
ولاتحب كل لحمة طريه........وعليك بعز العرب قبيليه
وانبغيت الصدق ميه بالميه........عليك ببنت ياميه

[محمد اليامي17]

صح لـــســانك ياقرم ولاهنت على الابيات وعلى قولت الشاعر

الولد لو طاب قالو من خواله

بالخوال يسال قبل الوالديني :)

[مـــــنــــى]

والله يستاهل محمد كل هالابيات انشالله دووووووووووووووووووووووم مو يوم :)

[محمد اليامي17]

تستاهلين كل خيررر يامـــنـــى وتسلمين على المروووور الطيب

[الوعــ990ـــيلي]

مادام لي في المنتدى مثلك وشرواك === علي الطلاق ماتشوف الذل عيني
الا يا محمد اللي كل عذراء تمناك === لعيونك اجرالصوت ومواويل وهجيني
عساها تزين لك يابن عمي؟؟
على كل حال زانت لك والا فرجعها
ههههههههالوعــ990ــيلي

[ناصر الحميداني]

ديناصور قال حق ديناصوره عطيني بوسه قالت له مافي بوسه قال من كذا انقرضنا والله ماني بشاعر يمكن النكته هذي تنفع اذا سخيفه علمني عندي غيرها

[محمد اليامي17]

مادام لي في المنتدى مثلك وشرواك === علي الطلاق ماتشوف الذل عيني

الا يا محمد اللي كل عذراء تمناك === لعيونك اجرالصوت ومواويل وهجيني


صح لسااااااانك مليوووووووووون وابشرك زانت مايحتاج اراجعها :)


لاهنت على هالابيات والمرور

[محمد اليامي17]

ناصر الحميداني :)

عشان خاطرك بعتبر نكتتك قـصـيـده هههههههه وخل باقي النكت عندك ولاتهون:)