عوازم الرقه......ماذا توجهم؟؟؟!!!

[بوناجي]

عوازم الرقه ماهو توجهم ؟؟؟؟

وهل هم مع عكاش والكندري؟

وهل من المعقول أن نتحالف مع مطير في الصباحيه ؟؟

وهم ينافسونا في الرقه!!!!

أسأله أتمنى أن أجد لها أجوبه

[خالد المحفوظي]

اعتقادي عوازم الرقة مع التجمع الشعبي ( عنزة - العوازم - عتيبه - شمر ) لان المطران في الصباحيه ضد العوازم ولا راح يتحالفون مع مطران الرقة.

[سعود الخويطري]

والله الى الان الوضع شبة غامض



البعض يقول انهم مع الاصلح بوجهة نظرهم والبعض يقول انهم مع عكاش والكندري



ولكننا نرى اعلانات التجمع الشعبي والتي هي تخص العوازم وعتيبة وغيرها من القبائل الكريمة



وتقبلوا سلامي واشواقي

الخويطري

[بن جابر]

موقف عوازم الرقة إلى حد الآن غامض وغير واضح وكانوا في السابق
يتحالفون مع مطير ولكن في السنوات الأخيرة تفكك التحالف بينهم
ولكن من مصلحتنا هو وقوف قبيلة العوازم معنا في الرقة .
ونحن والعوازم نجح التحالف بينا وبينهم في جمعية الرقة ونتمنى بأن يستمر التعاون بينا وبين العوازم .

** وبالله التوفيق **

[العازمي]

السلام عليكم

ومساكم الله بالخير جميع

العوازم بالرقه لحد الان ماصار اي اتفاق مع العجمان او المطيري والكندري وبالنسبه للتجمع الشعبي مافيه تجمع وكله كلام ماله داعي لان العنوز بالجرايد الرسميه يدعمون الكندري وعكاش والعتبان ماخذين موقف من الكندري لانه ماهو صادق فى مواعيده وعلى حسب الكلام اللى سمعته ان العتبان راح يتوجهون للعجمان لاني انا بنظري اشوفهم هم الاصلح وهم اللى يستاهلون الرقه بدون قصور بالجميع
وبالنسبه لمرشح العوازم اللى بالرقه انا اقولها من هذا المنبر وانا احاسب على كلامي انه مايمثل العوازم وداش للتخريب فقط لانه غير مرغوب فيه بالقبيله نهائياً

وانا عن نفسي اشوف الاصلح حالياً بالرقه بالدرجه الاولي عبدالله بن برغش لانه مطوع ورجال على حسب ماسمعته انه دين ومن خيرة العجمان وبن شرفان اسمع فيه لى اكثر من 3 سنوات وتمنيت انه ينجح لان طاريه ينومس وذكره غانم

وبالاخر تبقى التحديات بالانتخابات لكن انصح العجمان ويام كافه بالحضور بالانتخابات واللى مايجيب نسوانه ويستهين بالعدد بعد احترامي له مو رجال لان هذى انتخابات ومافيها شي الواحد يوقف مع ربعه بكل مايملك لان فرحة الفوز بحد ذاتها شي عظيم

وبالنسبه العوازم ماراح يوقفون مع العجمان عشان التحالف اللى ضدنا بالصباحيه لا ياجماعه حنا فى عصر حديث ونفهم وكل منطقه لها خصوصياتها ولها مصالحها مافيها شي اذا العوازم وقفوا مع العجمان بالرقه والعجمان وقفوا ضدهم بالصباحيه وانا على يقين ان بعض العجمان اللى بالصباحيه راح يعطون العوازم لان الجيره لها حق

ومهما يصير كلنا عيال قبايل والانتخابات يوم والصداقه والاخوه دوم

وعسى الله لايفرقنا ويعزز مكانا ومكانكم عند القبايل

اخوكم العازمي