علووم الصبـاحيــه [الأرشيف] - مجالس العجمان الرسمي

عبدون

27-05-2006, 09:38 PM

علووم الصبـاحيــه ليـه ما هنــا علوم عنهم

نبي علوووم التحالف مع المطران

ولا علوم عن التحالف الشعبي

يعني فوق 1500 صوت من غير اهتمام من قبل القبيله

يا جماعه قبائل عددهم 100 و 200 ولهم صوت وكلمه

وتعرف من تتحالف او تدعم ولهم كلمه ولجان واجتماعات

وحنا والله ما ندري وينهم رايحين ولا جاين

alwaafi

27-05-2006, 10:24 PM

اعتقد ان العوازم مسيطرين عليها يعني بالعربي انسى :)

almerri

28-05-2006, 01:36 AM

التغيير قادم لامحاله فالصباحيه
تفألت كثيرا بعزم النائب السابق شارع بن ناصر بالنزول فالصباحيه
ولو يكون هناك تحالف من التجمع الشعبي حتما النتيجه محسومه

سعود الخويطري

28-05-2006, 05:02 AM

والله نسمع عن تحالف التكتل الشعبي

وله صدى طيب والى الان نزل من قبيلة العجمان

شارع بن ناصر و بندر المكراد وفهد الحويلة والى الان الصورة لم تكتمل

وتقبلوا سلامي واشواقي

الخويطري

الحبيشي2

28-05-2006, 07:56 AM

اعتقد فى وصول شارع بن ناصر ان ممكن يفوزون العجمان فى احد الكرسي

لان ابوناصر له سمعه طيبه عند الاجناب واهل المنطقه

راكان بن فيصل الحثلين

28-05-2006, 09:19 AM

يارجال عساك سالم بس لاتسوين فيها تحالف وخمبقه اذكر الله بس يقول كلن على همه سرا

ابو عبدالعزيز

28-05-2006, 10:17 PM

التجمع الشعبي قوي جدا ودليل ان العوازم اخسروا مقاعد الجمعية وشارع بن ناصر قوي جدا والمفاجئه في 29

ابو عبدالعزيز

28-05-2006, 10:21 PM

يارجال من شاف ذا الصوره درا ان ماوراك خير وماعندك الا الضعوي

فالح العاوي

28-05-2006, 10:57 PM

بما أني من سكان الصباحية..

أشوف التجمع يسوي ما عجز عنه الفرعيات والتحالفات...!

وخير دليل فوز التجمع الشعبي في الجمعية...وأيضا فوز محمد العليم المطيري في عضوية مجلس الامة عام 1997 في دائرة الصباحية ...!!

يعني بالمختصر المفيد....إن صدقوا في تجمعهم ...راح ينافسون العوازم خذوها محمل الجد...

والله يوفق كل مريد للخير والاصلاح....

عبدون

30-05-2006, 10:32 PM

زانت علومكم

واتمنى التوفيق لربعنا أهل الصباحيه

تصلال

31-05-2006, 12:29 PM

اقول الله يوفق العجمان لكن الصباحية انسوووووووووووووووها ترى العوازم لهم ثقل في الاحمدي والتحالف معهم له ثقله لان عددهم تقريبا ( رجال وحريم ) تقريبا 4000 صوت
واي صوت يروووح لمرشح ثاني لاطبنا ولا غداا الشر واهل الصباحية يرتاحووون افضل لهم

عبدون

31-05-2006, 12:38 PM

من قال انه راح يكون فيه تحالف في الضاحيه

العوازم منزلين أثنين واحد رئيسي والثاني احتياط أذا ما تحالفوا مع العتبان

طبعاً طلبهم انه يكون أي واحد غير سعدون والعتبان راح يرضخون بالأخير

لطلب العوازم وراح تثبت لك الأيام

أذا تستريح في الصباحيه لحساب من وليه أدخل واثبت وجودك

الشمامره ما يصل عددهم 100 ومنزلين مرشح والرشايده أثنين

ما سالت نفسك ليه وانا اخوك

تصلال

31-05-2006, 12:49 PM

ياعبدوووووووووون وانا اخيك الله عرفنا بالعقل ومن يوم خلوا النسوان لهم صوت وانا دارى ان العجمان بيفقدون كرسي وجعلهم يفوزون وان شاء الله الظروف تخدم العجمان وانا يوم قلت يستريحون العجمان في الصباحية حتى تحافظ على مقاعد الاحمدي والرقة

بوناجي

31-05-2006, 02:19 PM

أخواني كم عدد العجمان في الصباحيه؟؟

والمطران كم عددهم ومنو مرشحهم؟

وكذلك الشمامره كم عددهم ومنو مرشحم؟

وأخيراً الرشايده تقول متزلين 2 أكيد عددهم كبير !! ومنو مرشحينهم؟؟

كويتي1979

14-06-2006, 04:56 AM

السلام عليكم
أخوي بوناجي عدد قبيله المطران + العجمان رجال ونساء يفوق عددهم 3145

وعدد قبيله العوازم فقط 4890
والصراحه أنا أشوف تحالف المطران مع العجمان فاشل وخير دليل حصول المرشح محمد العليم في الانتخابات اللى طاف على عدد 2075 ومرشح قبله العجان على عدد 1640 يعني باقي 400 صوت وينهم وكذالك أنتخابات 1996 عندام فاز محمد العليم ترا التجمع الشعبي لم ينجل بلكامل علشان العدد بينه وبين الثالث ليس بكثير واذا كان التحالف صحييح 100%100 لكان العدد التحالف ساحق برقم كبير جداا بس الصراحه اشوف اللعب بلمكياليين والبييب بلاشاره يفهم...؟؟ وعن انتخابات الجمعية على فكره مايقارب 1240 اللى من قبيله العوازم لم يصوتوا وهذ الكل يعرف

وبنهاية أتمنى من جميع المرشحيين التوفيق

أخوكم بوعبدالله

حمزة

14-06-2006, 06:07 PM

والصراحه أنا أشوف تحالف المطران مع العجمان فاشل وخير دليل حصول المرشح محمد العليم في الانتخابات اللى طاف على عدد 2075 ومرشح قبله العجان على عدد 1640 يعني باقي 400 صوت وينهم وكذالك أنتخابات 1996 عندام فاز محمد العليم ترا التجمع الشعبي لم ينجل بلكامل علشان العدد بينه وبين الثالث ليس بكثير واذا كان التحالف صحييح 100%100 لكان العدد التحالف ساحق برقم كبير جداا بس الصراحه اشوف اللعب بلمكياليين والبييب بلاشاره يفهم...؟؟

أخوي كويتي1979

النائب السابق محمد العليم كان يحصل على فرق 400 الأصوات عن المرشح فارس محمد العجمي لسببين رئيسيين

الأول : كونه مدعوم من الحركة الدستورية التي لها قوتها بالمنطقه.
والثاني : كون محمد العليم نائب سابق ومن الطبيعي ان يكون قاعدة قوية بالمنطقة .

ولو تلاحظ ان الفرق ثابت كلما ترشح العليم و أي عجمي غير اسلامي ( أي لا يتبع تيار اسلامي) في هذه المنطقه

ولو تلاحظ ايضاً في سنة 92 عندما ترشح مطيري مستقل و فهد المكراد لوجدت ان العجمي في لمركز الثالث والمطيري في الربع بفرق 400 صوت تقريبا .. اي انه الفرق واضح وثابت.. ويدل الرقم 400 على عدد الناخبين الاسلاميين.

خلاصة الموضوع ... السالفة لا فيها لعب بمكيالين ولا حاجه ... صفوا النية يالربع ..

بن جابر

14-06-2006, 06:32 PM

(( الدائرة الغامضة ))

(( لم تتضح الرؤية بعد ))

برق

14-06-2006, 06:50 PM

السلام عليكم ورحمة الله وبركاته

الأخ حمزه ... قراءة منطقية

عدد ( العجمان / مطيري ) أقل بـ ( 350) صوت تقريبا

والفرص متساويه

إحسبوها صح ...... ولا تكسرون المجاديف

الحبيشي2

14-06-2006, 08:10 PM

يا اخوان انا ملاحظ ان الحظوظ قليله فى الصباحيه

مع ان شارع بناصر رجل له قبول قوى عند الاجناب

برق

15-06-2006, 03:27 AM

الفرصه في الصباحيه سانحه هذه المره أكثر من غيرها

نحتاج لوقفه رجال والتقاضي عن الأحقاد وتصفية الحسابات

والتفاؤل بنجاح شارع وبدر المطيري