المساعد الشخصي الرقمي

مشاهدة النسخة كاملة : قصيدتان تحكي ثورة مشاعر ..ليس الا .

عبدالله بن قنيفذ
17-05-2006, 10:29 PM
السلام عليكم مرة اخرى
احببت في اولى مشاركاتي بعد مصافحتي الاولى ان اكتب قصيدتين صارت بيني وبين احد الاخوان ( الاخ العزيز : ظافر بن قنيفذ ) وكانت قصيدتا مشاعر اذا صح التعبير .. صحيح ان رضى الجميع غاية لاتدرك ولكن اتمنى ان تكون جميع مشاركاتي تصل الى شئ بسيط من ذوقكم الرفيع
وهذه القصيده التي تم توجيهها الي من الاخ ظافر :


تقول وش يعجبك فيني وانا قول=ياليت انا ادري كنت اقول الجوابي
ملكتني لاحيل فيني ولاحول=حبك كما ليل ظلامه سرابي
حسنك وذوقك كل شئ منك مقبول=حتى زعلك وغلطتك والعتابي
عزي لحالي عالمي صار مجهول=ماصرت اميز صرت فاقد صوابي
انتي بعيد وقلب مغليك مشغول=ماتدري ان حبك عذاب سطابي
ياغالية حبك عن الغير مدبول=تغانمي ظافر ترى الراس شابي
اشكي على اللي يرتكي ساعة الهول=راسه صليب وفي اللقى مايهابي
عبدالله افزع ظافر صار مقتول=تغانم الباقي ترى الحال ذابي
افزع ودور لي اجابات وحلول=عسى عدوك بالمقلم يصابي
عبدالله بن قنيفذ
17-05-2006, 10:33 PM
وهنا اكتب ردي على القصيدة السابقه اترككم مع الرد وتقبلوا فائق التقدير


يامرحبا اعداد زوار ابو الهول=واعداد قنفان السحاب العذابي
واعداد ماتراود خطى المشي مشلول=واعداد حبات الرمل بالترابي
واعداد جمع همومي اليا اقبلت ضول=واعداد مايشكي عناها الهنا بي
(ترحيب حافل ) ياسنادي ومزلول=يلج به صوتي ويكتب ببابي
ذكرتني بفراق الاحباب وتقول=انهم بعيد والفراق العذابي
أسين يافلب شكى بعد مجمول=ليت العذاب اللي سطا به لجابي
اكفيه عن همه ولايصير مشغول=وانا ماعاد يهمني لا وزى بي
لاني مخاوي بعدهم لي على طول=والله علم متى تحب اللقى بي
سعدي بشوفه حين لقياه موصول=ابو عيون من سببها صوابي
وبين العيون القاسم اللي وش أقول ؟=اتقول خشم السيف نامي ورابي
عطاه ربي مبسم ورصده لول=وأضفى على اردافه سواد الشبابي
طاغي جمال لاتثنى به الطول=والموت الازول حدر لثم النقابي
يقولون في شعر الغزل صرت مهبول=حسبي على اللي داله مادرابي
ياظافر القرم.. الصعب صار محلول=عندي حلوله ياشبيه الذيابي
خلنا نسافر في نحا الارض ونجول=وفي ملتقى العشاق محلى العتابي
ان اعجبك حلي فهو شئ مقبول=وان مااعجبك ياذيب عطني جوابي
خل الشعر بالغاز والظرف مدبول=ولاتبين باسم حضرت جنابي

وسلامتكم **
بندر العجمي
18-05-2006, 01:23 AM
عبدالله بن قنيذ




الله لايشينك انت وظافر المبدع





بيض الله وجهك






صح لسانك و جهد رائع





ننتظر المزيد










اخوووووووووووكـ




بندرررررررررر
أبو مسعود
18-05-2006, 05:20 AM
صح لسااااااااااااانك مليوووووووووون


جزلة من جزل
فهد بن محسن
18-05-2006, 10:43 AM
صح لسانك ياعبد الله

ولاهنت على هذه المجاراه الرائعه

وصح الله لسان ظافر بن قنيفذ

تحياتي للجميع
عبدالله بن قنيفذ
18-05-2006, 12:01 PM
اخوي :: بندر العجمي

صح بدنك وعودتني على مرورك الجزل

لك احترامي
عبدالله بن قنيفذ
18-05-2006, 12:05 PM
الاخ // ابو مسعود **

صح بدنك ومما يثلج الصدر ان تلقى مشاركتي اعجابك

تقبل تحياتي
عبدالله بن قنيفذ
18-05-2006, 12:12 PM
الغالي // فهــد بن محســن

هذا من ذوقك الرفيع وقليل من اللي عندك

واشكرك جزيل الشكر على متابعتك الرائعه


احترامي لامثالك
محمد اليامي17
19-05-2006, 12:43 AM
صح لسانك ياعبد الله وصح لسان ظافر ولاهنتوووو
مسفر بن خنز
19-05-2006, 01:00 AM
صح الله السنتكم

يا عبد الله انت و ظافر

قصايد جزله من جزلين

داااااااام ابدعك يا عبد الله في انتظار جديدك
سعود الخويطري
19-05-2006, 03:05 PM
صح الله لسانكم



مساجلة رائعه من شعراء متميزين , جعل ربي يجمعكم دائما على العز والطاعه



وسلمت يمناك ياعبدالله



وتقبلس سلامي واشواقي

الخويطري
سالم ال مخلص
19-05-2006, 06:54 PM
اررررحب ياعبد الله

وصح الله لسانك
وصح لسان ظافر

ما شاء الله تبارك الله اسره شعريه
من راس الشايب
قنيفذ
محمد
عايض
ظافر
عبدالله
اللهم لا حسد وكل شاعر تقول انه اجزل من الثاني

عبدالله يعطيك العافيه

تحياتي
سعود بن تركي ( العديم )
20-05-2006, 03:35 PM
صح لسانك


واعتلا شانك

أخـوك


الــــعــــديـــم
محمدالحويله
21-05-2006, 03:55 PM
اررررحب ياعبد الله

وصح الله لسانك
وصح لسان ظافر
عايض ال مطلق
21-05-2006, 08:59 PM
عبد الله

السلام عليكم لاهنت ولاهان مقدارك

كلمات اخذت فيني عرض وطول للوهلة الاولى اللتي اسمع ابياتها من ظافر

ومن ثم اتيت انت وابدعت وابحرت ووضعت النقط على الحروف..

صح لسانك

وصح لسان ظافر

تسلم يابوناجي

تقبل تحياتي
محمد بن مدران اليامي
22-05-2006, 05:45 PM
خلنا نسافر في نحا الارض ونجـول00وفي ملتقى العشاق محلـى العتابـي

الله الله ياعبدالله

شاعر جزل وحضورك غير

صح لسانك ولسان ظافر

شعراء جزلين

تحياتى لك
اخيك
السوبر
22-07-2006, 03:12 AM
عبدالله بن ناجي
تقبل تحياتي
وصح لسانك


اخوك:
هادي ع م
الصفا


لاهنت
عبدالله بن قنيفذ
22-07-2006, 11:38 PM
ارررررررررررررررررحبوا جميــــــــــــــعا ً


تشرفت بمشارتكم واعجابكم بتلك الابيات المتواضعه

ولكني اعتذر للتاخير في الرد عليكم ،،،

اهدي الجميع احترامي وجل تقديري

اخووكم عبدالله ،
الوسام الذهبي
29-12-2006, 03:59 AM
صح اللسانك
ابو ناجي http://www.al-masya.com/vb/images/medals/gold1.gif
عبدالله بن قنيفذ
11-01-2007, 07:52 PM
صح اللسانك
ابو ناجي http://www.al-masya.com/vb/images/medals/gold1.gif

*******************************

هلا بك الوسام الذهبي

صح بدنك

تحياتي ’’’
مهرة العجمان
12-01-2007, 12:45 AM
من اروع واجمل ما قرأت
عبدالله بن قنيفذ
13-01-2007, 03:22 PM
من اروع واجمل ما قرأت

************************
يامهره ** ارحبي

الروعه والجمال في مرورك هنا بصفحتي

تقبلي تحياتي وتقبلي هذه الابيات التي اتمنى ان تضعيها بدل الكتابه الاخيره في توقيعك*

مهرة شرف على المكارم تربيت=وربعي نواميس الفخر والبطوله
عجمان لا ثاروا على الشره مايبيت=تاريخهم عز على كل دوله
عز الخوي وفي الملاقا طواغيت=ومن صلب يام اليا أعتزينا بصوله
فلاح الشهراني
13-01-2007, 07:47 PM
بيض الله وجهك
عبدالله بن قنيفذ
13-01-2007, 11:15 PM
بيض الله وجهك

**************************************

ووجهـــك مايلام يافلاح,,

تحياتي لك وشكرا لمرورك،،،