المساعد الشخصي الرقمي

مشاهدة النسخة كاملة : قصيدة الشاعر دلقم ال دمنان في موقف الشيخ هادي بن سراج لسلوم


خشم العان
26-04-2006, 11:51 PM
هذه القصيده في الشيخ هادي بن سراج بن ابراهيم لسلوم

قالها الشاعر دلقم بن سلامة ال دمنان ال هندي بعد ان زبن ابنه حمد على

هادي بن سراج بن ابراهيم



ماسر قلبي من قصيد الروادي=الا قصيدن يالبدو يبدعونه
ما قال قولن على غير قادي=قلبي لغيره بيناتن شطونه
يالوع قلبي لوع زرع الحصادي=لاعه سموم الليل يبست اغصونه
من عقب ماهومخضرنٍ له سوادي=يبست عروقه وانثنو يصرمونه
البارحه ماذقت حلو الرقادي=كني مريض علته من عيونه
هلت دموعي مثل سيل الحشادي= أمضيع طيري وشفت المهونه
ابكي على طيري غدا يوم صادي= أنشد على البدوان ما يذكرونه
طيري وحيشن ما ربى في البلادي=طيري جفل من خبرتن يجذبونه
متوحش من واحد له ينادي=ماهو من اللي دايمن يعرفونه
يالله ياعلام ما في الفؤادي=أعقل علي طيرنٍ صفا الجو دونه
عزي لمن ضاع حل وقت الهدادي=ياتي بشير للذي يرتجونه
أرجيه ليجا في الليالي البرادي=لاكل صقارن تقضت شطونه
لشدو البدوان باقصى المنادي=واللي قعد في العد مايرقبونه
ارجيه يقتلي كبير الثنادي=في قافرن ما اهل البلد يدهلونه
من حزن طيري عفت شربي وزادي=مثل المريض اللي هله ينعشونه
من لامني جعله يشوف الزهادي=يقعد فقيرن في البلد يطعمونه
قالو ونيس قلت عجلٍن مرادي=ابدع قصيد للعرب يسمعونه
اليوم باثني بالمدح للعوادي=كسابت المعروف يستاهلونه
بارز بيضاء في طويل المبادي=لهادي بن سراج يللي تجونه
محدن نشأ بالمرجله مثل هادي=جعلهم* فداه اللي لفو يشتكونه
شيخ على شيخ عريب الجدادي=دايم وحيشان الخلا يمتنونه
من لابةَ لي جا نهار الطرادي=كم واحدن من وقعهم يعدمونه
يستاهلون مذعرات القنادي=الاد عامر ويل من ينطحونه
تنفلوا بالطيب فوق البوادي=كم من شجاع في اللقا يذبحونه
أشهد لهم في فعلهم بالوكادي=كم واحدن في دقلهم يسلبونه
يوم الفشق يشدي صفر الجرادي=مثل الزعيري بينهم يحتسونه
ياما اتعبوا من مناقلات الشدادي=يتلون عودن للعدا ينحسونه
يتلون اخو ملحه* صبي الهجادي=ما من عدونَ دايم يفجعونه
ومجالسن اضويها لك تنادي=يفرح بها ضيفن ضو يكرمونه
هاذي مقاصيدي وهذا مرادي=ابين اللي للمدح يكسبونه

أبو مسعود
27-04-2006, 12:08 AM
صح لسااانك ولسااان دلقم بن سلامة

ابو فيصل الخويطري
27-04-2006, 05:27 AM
صح لسان بن سلامه

ولاهنت وبيض الله وجهك على النقله


الخويطري

راكان اليامي
27-04-2006, 04:04 PM
لاهنت وصح لسانك ولسان ابن دمنان ويستاهلون المدح ال عامر هم هل البيضا

سعود الخويطري
27-04-2006, 06:52 PM
لاهنت ياخشم العان


وصح الله لسانك ولسان الشاعر دلقم ال دمنان


وبيض الله وجهك


تقبل سلامي واشواقي

الخويطري

خشم العان
28-04-2006, 10:59 PM
مرحبا بالجميع

ولاهنت على الردود

محمد ال الضريره
29-04-2006, 01:25 PM
خسم العان

سالم وغانم

وصح السان الشاعر دلقم بن سلامه بن دمنان الصقور اليامي

ويستاهل هادي بن سراج المدح هو واللي مثله

خالص تقديري

فهد بن محسن
29-04-2006, 01:42 PM
لاهنت ياخشم العان


وصح الله لسانك ولسان الشاعر دلقم ال دمنان



تحياتي لك

theeb
11-05-2006, 01:11 AM
للتصحيح الشاعر من الصقور وليس من الهندي

دلقم ال دمنان الصقور

اليامي2
14-05-2006, 07:39 PM
وهذه قصيدة أخرى للشاعر دلقم

يانفدا اللي مانوى بالتفاشيل=نوى على المقاتل عسى الله يجيره
ويانفدا اللي ما انولى للحماميل=......................................
عدوا على ابن سراج صافي الفناجيل=اللي احتمل ذم القبيلة وغيرة
اللي احتمل ذمه ولا قيل ما قيل=وأرخص له الغالي ودنا بعيره
أما هادي بن سراج ماله تماثيل= اللي أعترض دونه بنفس خطيرة
من ساس عود كايد في الرجاجيل=يابرك ليله يوم بشر بشيره
ماكر حرار ما أخلفته التباديل=من لابتن ما ذكر فيهم عثيرة
من لابة في الهوش تروي لفاعيل=ألاد عامر ساترين القصيرة
عاداتهم في الهوش ربعن مشاكيل=وعاداتهم ينجون منهو نحيرة
سم على العدوان عقب مطاليل=وكم من حفيف قنعوه المغيرة
كم واحد من ضربهم طاح ماشيل=يوم أشهب البارود مثل السعيرة
وكم حرمة من ضربهم جرت الويل=خلي بعلها طايح في الجديرة
شوف بعيني ما حكوا لي هل القيل=هية دواثر في الضحى والسفيرة
ويفرح بهم جيش ركوبه مواخيل=أهلة جياع وسايج الظهيرة
عاداتهم للضيف ذبح المواحيل=ومجالس ضويها مستنيرة
من جيت منهم قلت لِِِ زايده كيل=وكن التجر باقطار بيته تميره
عسى مرب بيوتهم دارج السيل=سيل تحدر من قنوف غزيرة
ينبت لهم عشب يسمى لتاويل=باسفل حبونا يوم عيل محيرة
شوف العدايم مغتشيها كما النيل=وأصبح دبشهم مغتشيها نشيرة

1401319490
25-05-2006, 02:06 AM
صح لسانكم جميع وابن سراج شيخ ولد شيخ

خشم العان
01-06-2006, 08:42 PM
ما عليكم زود جميع

ولاهنت ياليامي 2

محمد اليامي17
28-06-2006, 04:46 AM
لاهنت وصح لسانك ولسان ابن دمنان ويستاهلون المدح ال عامر هم هل البيضا

الساحر
11-07-2006, 11:52 PM
ال عااااااااااااااااااااااااااااااااااااااااااااااااا اااااااااااااااااااااااااااااااااااااامر
يستااااااااااااااااااااااااااااااااااااااااااااااا ااااااااااااااااااااااااااااااااااااااااهلون
ربع ابراهيم ال عامر ذايع الصيت
وشكرا لك وصح السان الشاعر

ஐالــكــايــدஐ
26-08-2006, 07:58 AM
والله أن قولت نعم قليله على مثل آل عامر و الصقور
لاهنت أخي الكريم على القصيده يعطيك العافيه

الدمناني
02-06-2008, 12:11 PM
مشكوووووووووووور اخوي
وبالمناسبه اهدي هذه الابيات الي بعض الاخوه[]]



قل لمن يذكر نسب كل يامي ***ماحضريوم البنادق تخالف
كان دليناه بارد وحامي***عن ماينسى الرماه المتالف
شبل دمناني روى كل ضامي***ماترك فرصه لغيره يحالف

مانع الوعيلي
01-08-2008, 12:34 AM
الله لايهينك ياخشم العان وصح الله لسان الشاعر دلقم

مانع الوعيلي

مسعطر
14-08-2008, 03:04 AM
صح لسان شاعرها ,,, و يستاهل ابن إبراهيم المدح ,,
و لاهنت اخي خشم العان على النقل ,,
و الشكر موصول للأخ اليامي 2 على الإظافة الرائعة ,,