تقادير حزني والهوى في عروض الليل!!

[المعنـا]

الســلام عليـــكم ورحمــة الله وبركاته ,,,
انا اول مره اشارك معكم هنا كاشاعر ولو ان لي كذا قصيده فالشعر المنقول واتمنى ان قصيدي ينال على اعجابكم ,,,

تقادير حزني والهوى في عروض الليل = على ماش قلبي فاصلع الرجم عداني
انب الرجم واشكي عليه القسى والويل = على من تمنيته وهو ماتمناني
بكيته حزن والدمع مايجبره منديل = والا ياخفوقن شاقنيله وابكاني
اخط الدروب الكايده في جناب الميل = واحد الزمان اللي قوى لو تحداني
على من سبا قلبي وهو فالغرام ابخيل = يشح الوليف ابساعته يوم لاقاني
انا لو اشيل القلب في كفتي ماشيل = مدام الهوى مملي بقلبي وشرياني
ليا جيت اخفي عن غرامه على ماقيل = لقيت الاسى والهم والحب واحزاني
تراني قتيل الحب دامي عليه اقتيل = وانا بعد موتي الله اللي له احياني
سرابي خيالي في حدود الجدي وسهيل = صباحي هموم وحب خلي مسياني
ليا من نويت اصد عنه فلابي حيل = بلاني وليفي والله اللي به ابلاني
انا ماهقيت انه يجي ناتج التحصيل = فراقن يعن يشوق في خافق العاني
نويت اشرح اللي في ضميري على ذالجيل = وانا اللي تعاييت الغلا يومه اعياني
يقولون في درب الهوى يرفض التاجيل = وانا اقول خيرة صبرنا في لقا ثاني
وسلامتك \ لشاعرها المعنـا

[الشيخه]

اخى الكريم : المعــــــــنا

صح اللسانك ولا هنت على القصيده الرائعه

شاعر جزل ولا يكتب الا الجزل هكذا دائما كما عودتنا

تقبل منى خالص التحيه

الشيخه

[المعنـا]

الشيـــخه \ لاهنتي على مرورك الكريم وصح الله بدنك ولانتي وذا من ذوقك
والله يقدرنا على القصيد اللي يعجبكم .. لاهنتي

[العوووود]

الاخ المعنا

صـــح اللســــانك ولاهنت قصيده جزله

تحياااااتي

[عبدالله بن مهدي]

صح السانك مليون
ولا هنت على القصيده الجزله

[عايض ال مطلق]

المعنا

صح لسانك

استمتعت بقرأتي لكلماتك العذبه

ننتظر جديدك

[عجمي ومردد]

المعناااااااااا شااااعر بكل صراااااحة والله يعطيك العااافية ويكثر من امثالك
ولاتحرمناااااا من جديدك يالذيب

[المعنـا]

العـــود ,, مرحبا بك ومسهلا
صح الله بدنك ولا هنت على مرورك الكريم

[المعنـا]

عبدالله بن مهدي ,,,
صح الله بدنك ولانت يالشيخ

[المعنـا]

عايـــــــض الوعيلي ,,
صح الله بدنك ولانت ,, وذا اللي اسعدني طال عمرك

[المعنـا]

عجمـــي مردد , مرحبا والله ومسهلا ,,,
ذا من طيبك طال عمرك وصح الله بدنك ولانت ,, وابشر فالي يسر خاطرك