أميرة نجد
21-02-2005, 09:50 PM
مرت سنة يابوي من وقت فرقاك
وقلبي إلى هاليوم شمسه عتيمه
مرت سنة فرقا وحسك وطرياك
متوسد بأوراق حزني القديمه
مرت سنة وأنا اتخضب بذكراك
بدموعي اللي في عيوني مقيمه
من عجلت في رحلة الموت ممشاك
وأنا حياتي مالها إي قيمه
البارحه في غفلة الليل اطراك
قلبي ونادت آهتين ف صميمه
ومرت بعيني صورة أيام دنياك
وأوقات كانت في حياتي عظيمه
ياما عطيت الناس من خير ما اعطاك
وياما مسحت دموع ثكلى كليمه
وياما يمينك سابقت خير يسراك
حتى يدينك شبهوها بغيمه
يابوي بنتك دربها صار أشواك
ومعاد تمطر فارضها أي ديمه
واللي خبرته يحسب حساب يمناك
واشد ظهري فيه عند العزيمه
ماماداك بس تموت يابوي ممداك
الا وجا يهدي لعمري الهزيمه
ومابين غبنه ذاك وجروح هذاك
وفراق كلي منه روحي سقيمه
وهذا أنا يابوي من بعد فرقاك
(تذكار) كنت وصار اسمي يتيمه
الشاعره تذكار الخثلان
وقلبي إلى هاليوم شمسه عتيمه
مرت سنة فرقا وحسك وطرياك
متوسد بأوراق حزني القديمه
مرت سنة وأنا اتخضب بذكراك
بدموعي اللي في عيوني مقيمه
من عجلت في رحلة الموت ممشاك
وأنا حياتي مالها إي قيمه
البارحه في غفلة الليل اطراك
قلبي ونادت آهتين ف صميمه
ومرت بعيني صورة أيام دنياك
وأوقات كانت في حياتي عظيمه
ياما عطيت الناس من خير ما اعطاك
وياما مسحت دموع ثكلى كليمه
وياما يمينك سابقت خير يسراك
حتى يدينك شبهوها بغيمه
يابوي بنتك دربها صار أشواك
ومعاد تمطر فارضها أي ديمه
واللي خبرته يحسب حساب يمناك
واشد ظهري فيه عند العزيمه
ماماداك بس تموت يابوي ممداك
الا وجا يهدي لعمري الهزيمه
ومابين غبنه ذاك وجروح هذاك
وفراق كلي منه روحي سقيمه
وهذا أنا يابوي من بعد فرقاك
(تذكار) كنت وصار اسمي يتيمه
الشاعره تذكار الخثلان