ابومحمد الشامري
28-03-2006, 11:47 AM
هذه القصيدة الرائعة اهداء من الشاعر الكبير مجول عبد الهادي بن ريضة الى شبكة مجالس العجمان ومن هذا المقام الكريم نشكر ابو محسن على هذا الاهداء الادبي الرائع واحببت ان ارفق صورة الشاعر في هذه القصيدة.
http://www.alajman.ws/vb/uploaded/mjwaal.jpg
هذه الصورة من عرس ال رحيان ال ضاعن وكما يبدو على يسار الصورة الشاعر مجول عبد الهادي بن ريضه بجانب المعرس واخو الشاعر نافل بن عبد الهادي الريضه.
قال الشاعر مجول بن ريضة:
قيلت هذه القصيدة عندما مريت على المنطقة التي كان يسكنها آل مفلح في السابق في وقت عزهم وقوتهم وتقارب بعضهم للبعض ومحبة بعضهم للاخر فاستذكرت تلك الامور والتي كانها لم تكن وهاضت قريحتي بهذه القصيدة:
يقول من يبدأ إبجزيلات الامثال=متذكر مافات من الاوليني
اللي لهم في داخل القلب منزال= لو كان قدهم كلهم راحليني
يا قلب هيض ما طرى لك على البال= ومعذور لا بينت ما بالكنيني
يا دار وين اللي يحلون الاشكال= اللي لهم قلبي لو هو حزيني
اللي لهم يا دار منزل ومدهال= مدهالهم ذكر علىَّ الونيني
يا ما نزلوا يا دار في عز وإقبال=وياما فعلوا في ماضيات السنيني
أفعالهم يفخر بها كل من قال= وينسر بال اللي لها سامعيني
آلاد مفلح فاخرين بالافعال= وعز الصديق وضد للمعتديني
آلاد بن مفلح على الضد غربال= وكسابة الطولات في كل حيني
وعلى العداء دايم رزينين وثقال=أفعالهم للضد دايم تبيني
معدلين العي بالحد لا مال= ودايم وهم لحدودهم محتميني
يا ما حدوا عدوانهم لأشهب اللال= لعدوانهم من حدهم محتديني
ولهم على الأعدا تحول ومدخال= آلاد مفلح في القسى قاسيني
والى طرو لعدوهم صابه إجفال= ويفز له من مرقده فزتيني
والجار والضيفان في فيء وظلال=ويكرمون الضيف بأسمن سميني
أفعالهم تعرف دقيقات وجلال= الطيب معروف من الطيبيني
ولا صارت الدعوى قصيرات وإطوال= نفخر بفعل ربوعنا الماضيني
غزواتهم دايم بالأقفا والإقبال= وما يرجعون الا وهم كاسبيني
ويتلون ابن دبلان شيال الأحمال=هرج صحيح نثبته باليقيني
ابو حسن في الكايده دوم يحتال= ويطوع اللي بالطغا طاغييني
يتلون منهو للصعيبات حلال= عبد الله بن مفلح طويل اليميني
للحمل عبد الله ولو كاد شيال= اللي له القاسي لزوم يليني
ويتلون من ضده يضده على الجال= فالح ابن بنا مروي العريني
اللي له الطولان وافي الأسبال= للشين شين وزين للي يزيني
ويتلون من هو لأثقل الحمل نقال= جار الله بن خطاف فعله يبيني
اللي الى جات المنايا والاهوال= لعداه نطاح بقلب(ن) رزيني
ولا همنا التلفيق من بعض الانذال= أفعالنا نزعل بها الحاقديني
وابذكر الله عدا ما هل همال= وعداد ما زار الحرم محرميني
ملاحظة :
الاسماء المذكورة جاءت بالتسلسل حسب السن فقط
مجول عبد الهادي الريضة الشولاني
http://www.alajman.ws/vb/uploaded/mjwaal.jpg
هذه الصورة من عرس ال رحيان ال ضاعن وكما يبدو على يسار الصورة الشاعر مجول عبد الهادي بن ريضه بجانب المعرس واخو الشاعر نافل بن عبد الهادي الريضه.
قال الشاعر مجول بن ريضة:
قيلت هذه القصيدة عندما مريت على المنطقة التي كان يسكنها آل مفلح في السابق في وقت عزهم وقوتهم وتقارب بعضهم للبعض ومحبة بعضهم للاخر فاستذكرت تلك الامور والتي كانها لم تكن وهاضت قريحتي بهذه القصيدة:
يقول من يبدأ إبجزيلات الامثال=متذكر مافات من الاوليني
اللي لهم في داخل القلب منزال= لو كان قدهم كلهم راحليني
يا قلب هيض ما طرى لك على البال= ومعذور لا بينت ما بالكنيني
يا دار وين اللي يحلون الاشكال= اللي لهم قلبي لو هو حزيني
اللي لهم يا دار منزل ومدهال= مدهالهم ذكر علىَّ الونيني
يا ما نزلوا يا دار في عز وإقبال=وياما فعلوا في ماضيات السنيني
أفعالهم يفخر بها كل من قال= وينسر بال اللي لها سامعيني
آلاد مفلح فاخرين بالافعال= وعز الصديق وضد للمعتديني
آلاد بن مفلح على الضد غربال= وكسابة الطولات في كل حيني
وعلى العداء دايم رزينين وثقال=أفعالهم للضد دايم تبيني
معدلين العي بالحد لا مال= ودايم وهم لحدودهم محتميني
يا ما حدوا عدوانهم لأشهب اللال= لعدوانهم من حدهم محتديني
ولهم على الأعدا تحول ومدخال= آلاد مفلح في القسى قاسيني
والى طرو لعدوهم صابه إجفال= ويفز له من مرقده فزتيني
والجار والضيفان في فيء وظلال=ويكرمون الضيف بأسمن سميني
أفعالهم تعرف دقيقات وجلال= الطيب معروف من الطيبيني
ولا صارت الدعوى قصيرات وإطوال= نفخر بفعل ربوعنا الماضيني
غزواتهم دايم بالأقفا والإقبال= وما يرجعون الا وهم كاسبيني
ويتلون ابن دبلان شيال الأحمال=هرج صحيح نثبته باليقيني
ابو حسن في الكايده دوم يحتال= ويطوع اللي بالطغا طاغييني
يتلون منهو للصعيبات حلال= عبد الله بن مفلح طويل اليميني
للحمل عبد الله ولو كاد شيال= اللي له القاسي لزوم يليني
ويتلون من ضده يضده على الجال= فالح ابن بنا مروي العريني
اللي له الطولان وافي الأسبال= للشين شين وزين للي يزيني
ويتلون من هو لأثقل الحمل نقال= جار الله بن خطاف فعله يبيني
اللي الى جات المنايا والاهوال= لعداه نطاح بقلب(ن) رزيني
ولا همنا التلفيق من بعض الانذال= أفعالنا نزعل بها الحاقديني
وابذكر الله عدا ما هل همال= وعداد ما زار الحرم محرميني
ملاحظة :
الاسماء المذكورة جاءت بالتسلسل حسب السن فقط
مجول عبد الهادي الريضة الشولاني