مشرف ساحة قحطان سلطان بو ديه تفظل

["بدر العجمي"]

مشرف منتدى ساحة قحطان بو ديه تفظل


سلام الله على اللى دق سلف وجا من الدمام=ويذكر فى حدود اهل الكويت اللى جنوبيه
انا شياف من اليله تركز لضيوف اعلام=لونها ماش ياسلطان لا ذيه ولا ذيه

[سلطان ابوديه]

ارحب يابدر العجمي

واتشرف بمجاراتك استاذي الفاضل


هلا يا مرحبا ترحيبة(ن) فيها وفا واكرام=لونك فالكويت ودونكم مركز ودوريه

عسى الله يجمل الموقف بعد ما دارت الايام=ضيافه كل حين وحين والدعوى سعوديه

[فراج القرقاح]

.....


سلام عليكم


اررررررررررررررررررحبوا كلكم وفي ذمتي انكم وافين كلكم



وانا في الصف ياسلطان ضد بدر ولو يزعل علينا ههههههههههه



واصلوووووووا يالنشاما ومتابع وبشغف

[سلطان ابوديه]

البقاااااااا يالداهيه

ولا خلا ولاعدم

ولونا مانبي بدر يزعل لكن عاد هو حليم

[فراج القرقاح]

يامرحبا والله ياسلطان


وابد ابد بدر عندي ماهوب زاعل وهو خابر وش بيني وبينه


متااااااااااااابعين

["بدر العجمي"]

يدوم الك البقاء واليله اليله مابيك تنام=مدام الملعبه فيها المغنى والغناويه
اظن ان الامبره خايبه فالى مثل صدام=ولا غر العرب ياكون من لطف حكاويه

["بدر العجمي"]

اررررحب يالمجرررررم هههههههه :)

ياهلا يالله حيه الداهيه يخوى اسمك ماهوب بعيد من شخصية صدام تونى ذكره

البيت الثانى ماهوب بعيد منك فالمعنى ههههههه

[فراج القرقاح]

اررررحب يالمجرررررم هههههههه :)

ياهلا يالله حيه الداهيه يخوى اسمك ماهوب بعيد من شخصية صدام تونى ذكره

البيت الثانى ماهوب بعيد منك فالمعنى ههههههه


البقى البقى يالمتغطرس هههههههههههههههههههه

الله يستر منك يابدر

وضدك قلبا ً وقالبا ً

[سعود الخويطري]

هلا يا مرحبا ترحيبة(ن) فيها وفا واكـرام
لونك فالكويت ودونكـم مركـز ودوريـه

عسى الله يجمل الموقف بعد ما دارت الايام
ضيافه كل حين وحين والدعوى سعوديـه



الله الله ياسلطان ابودية



يدوم الك البقاء واليله اليله مابيك تنـام
مدام الملعبه فيهـا المغنـى والغناويـه


اظن ان الامبره خايبه فالى مثل صدام
ولا غر العرب ياكون من لطف حكاويه


يالله اني دخيلك



وياسلام عليك يابدر



دائما لك جوّ كايف خصوصا مع المبدع سلطان



وبصف يابدر ولايهون القرم ابودية




وصلوا يالسنافيّة

[سلطان ابوديه]

لو تباح الصحايف ما يجف الحبر فالاقلام=نكملها كذا ولا كذا هجمه ثنائيه

توقع يا جملنا في طريقك والوعد قدام=لزوم تصلح اخلاقك لو اخلاقك تجاريه

[سلطان ابوديه]

مشرفنا سعود الخويطري

وجودك يعني الشيء الكثير

ويعطي اللعب رونق خاص

[الشيخه]

لاهنتو على الابداع

متابعه معكم

سلااااااااااااااااام

الشيخه

["بدر العجمي"]

تحالفنا على طول الدهر قحطان ولا يام=ولا حكت وصكت جاك ابو عصبه وجنبيه
انا شايب حرايب مير جنب لا تروح اعدام=(يابو تكبير كيف اطير انا لازمك بيديه)

["بدر العجمي"]

سعوود الخويطرى ههههههه ابشرك سهود ومهود

مرحبابك ياسعووود وجودك ينووومس

["بدر العجمي"]

الشيخه هلا والله

مرورك اسعدنى

[فراج القرقاح]

نعم نعم نعم


والليل الليل ياسلطان

[حبيب]

الله الله صح الله السنتكم

سلطان وبدر متابع ومركز:)

[سلطان ابوديه]

تحالفنا على وضح النقا في كل عام وعام=تعال وفسر الاحلام والاحلام ورديه

يا شايب لاتوهق ثم يتلونك على الصدام=ترا ما عندنا ياصاحبي رحمه وماويه

[سلطان ابوديه]

الشيخه


هلا وغلا

ولاهنتي على المرور

[سلطان ابوديه]

الداهيه


لاعدمتك يالقرم

[سلطان ابوديه]

مشرفنا الفاضل حبيب


يسعدني وجودك

ويزيد من حجم المسؤوليه

["بدر العجمي"]

هههههههههههههه

على وضح النقا والحر الاشقر فوق راسك حام=ابو ديه قضبه الحر الاشقر مع علابيه
عدد سته تعرفه رقم ماكنه من الارقام=مريض وكل ماجيت الطبيب انجض لك الكيه

["بدر العجمي"]

هلا وغلا يا بو سعيد

مرورك تشريف

[فراج القرقاح]

ههههههههههههههههههههههه


يالله سترك يالله سترك


الليل الليل ياسلطاااااااااان والميل على بدر

["بدر العجمي"]

ههههههههههههه

الداهيه معقد الشوش :)

سلطان (مشرف) وانا ابشرك قدنى
( مشرف)
خلها ماهوب شغلك شغل مشرفين :)

انت ماتعرف صوت لحبيب بس حبيب <<>>(مشرف)

[سلطان ابوديه]

زرعت الارض ورد ولامشيت تثور الالغام=علام الناس تضحك والقصيده فيك مرثيه

غشيم اللي تغشه بالمناظر ريشة الرسام=رسوم محركه ومدبلجه وارقام وهميه

["بدر العجمي"]

الاخ والشاعر ومشرف ساحة قحطان

صح الله السانك

لنا لقائات دائم متجدده

شكرا لك

[سلطان ابوديه]

استاذي بدر العجمي
صح بدنك

لاهنت وانا طالب من طلابك طال عمرك

واشكر جميع من شاركنا هذه المحاوره

[سلطان ابوديه]

الداهيه


اشكر متابعتك

وروحك المرحه

[ابومحمد الشامري]

الاخوة الافاضل سلطان ابو دبه وبدر العجمي بيض الله وجيهكم على المحاروة اللي امتعتونا بها لا هنتم وفي انتظار جديدكم يا الربع.