من صاحب هذي القصيده

[السبوق]

ماقال عبدالله على ذيك الاطعاس بين الدلم وخشوم قصر البجادي يا الله قايد من النود نسناس يامعتني برزاق كل العبادي دارن جفت ربعن عمايمهم الطاس لاحل في اطراف الجهامه منادي


من هو الشاعر؟ القصيده اطول من كذا بس هذا اللي يحضرنا.

[خالد بن جديعان]

هذه القصيده قالها الشيخ راكان بن فلاح



ما قال راكان على ذيك الارواس
بين الدلم وخشوم قصر البجادي

حول الضبيعه من ورا ذيك الاطعاس=
بين الخشوم النايفه والحمادي

والبارحه ما اغضت العين بنعاس=
الا على خدي مطرها حشادي

قلبي كما بنٍ يحرق بمحماس=
عليه صالي لاهب النار زادي

فيالله ياقايدٍ من النود نسناس=
ياكافلٍ ارزاق كل العبادي

اللي الى ناموا خليين الاوناس=
قمنا ونطلبك الهدى والرشادي

انك تشيل الهم عقب التعوماس=
وتفتح لنا من باب عرشك منادي

وخلاف ذا ياراكبٍ فوق نسناس=
مقدم شداده نابهٍ للشدادي

رباع قطاع الفيافي بالامراس=
يطوي بذرعانه طويل الريادي

يشدي ظليمٍ رايعه صوت رجاس=
مثلوث دافوه الرماه العوادي

بدل الى جيت الجزيره على الراس=
بقطاع موجات خفيف السنادي

رز الشراع وهب له ضد الاكواس=
بيهوم للنجم اليماني قصادي

ملفاك دار اللي لها الرب حراس=
ديرة مروين السيوف الهنادي

ملفاك شيخٍ من شيوخٍ على ساس=
ابو خليفه سقم عين المعادي

حرٍ سنا عينه كما نور مقباس=
اشقر كبيدي عريض الثنادي

سور البلد صعبٍ على روس الانجاس=
وحظه باخوه مساعده فالسدادي

سعد الرفيق اللي به الحيل محتاس=
مشاهده يجلا هموم الفوادي

ياشيخ عيلات الدهر تقلب الراس=
ياما جرى فالكون من عهد عادي

وما زارنا الانور قصر ابن دواس=
اللي جنوده مثل وصف الجرادي

وصلاة ربي عد ماهب نسناس=
على شفيع الخلق يوم التنادي

[حبيب]

ابن جديعان لاهنت على التوضيح

[خالد بن جديعان]

ولا انت يا حبيب

[محمد الضاعني]

يعطيكم العافيه مرت علي القصيدة على ذا الموضوع

http://www.alajman.ws/vb/showthread.php?t=8937

[بن عامر]

لاهنت يا خالد بن جديعان

[قلب الولهان]

عبداللة ابوسبعة